وزیراعظم کی زیرصدارت سکیورٹی اجلاس؛ افغان پالیسی اور دیگر امور پر مشاورت
اشاعت کی تاریخ: 29th, January 2025 GMT
اسلام آباد:
وزیراعظم شہباز شریف کی صدارت میں اہم سکیورٹی اجلاس ہوا، جس میں افغان پالیسی و دیگر امور پر مشاورت کی گئی۔
ذرائع کے مطابق وفاقی دارالحکومت میں وزیراعظم شہباز شریف کی زیرصدارت سکیورٹی امور کے حوالے سے اہم اجلاس کا انعقاد کیا گیا، جس میں سکیورٹی حکام اور اعلیٰ افسران بھی شریک ہوئے۔
اجلاس میں وزیر داخلہ ،اطلاعات، خارجہ امور اور دیگر بھی موجود تھے۔
شہباز شریف کی صدارت میں ہونے والے اہم اجلاس میں ملکی سرحدی اور اندرونی سکیورٹی پر غور اور مشاورت کی گئی جب کہ اجلاس میں افغان پالیسی سمیت اہم خارجہ امور بھی زیر بحث آئے۔
ذرائع کا کہنا ہے کہ وفاقی وزیر داخلہ محسن نقوی نے اجلاس کے شرکا کو بریفنگ دی۔ اس موقع پر غیر قانونی مقیم افغان باشندوں کے انخلا سمیت دیگر اہم امور پر تبادلہ خیال کیا گیا۔
.ذریعہ: Express News
پڑھیں:
ریلوے کی پٹڑی ترقی کی طرف موڑ دی گئی ہے، شہباز شریف
وزیراعظم محمد شہباز شریف نے کہا ہے کہ ریلوے کسی بھی ملک کی معیشت میں ریڑھ کی ہڈی کی حیثیت رکھتا ہے، پاکستان میں معاشی و صنعتی ترقی کے لیے ریلوے انفراسٹرکچر کی پائیدار بنیادوں پر تعمیر نو ضروری ہے۔ انہوں نے کہا کہ علاقائی تجارت اور ہمسایہ ممالک سے روابط بڑھانے کے لیے ریلوے کا جدید خطوط پر استوار ہونا قومی پالیسی کا اہم جزو ہے۔
وزیراعظم کی زیر صدارت پاکستان ریلویز سے متعلق اعلیٰ سطح اجلاس وزیراعظم ہاؤس میں منعقد ہوا، جس میں ریلوے نظام کی بحالی، سرمایہ کاری، ڈیجیٹل اصلاحات، اور بین الاقوامی روابط کو فروغ دینے کے امور زیر غور آئے۔
وزیراعظم نے وسطی ایشیائی ممالک سے تجارتی روابط کو وسعت دینے کے لیے ریلوے نیٹ ورک میں توسیع کی حکمت عملی مرتب کرنے کی ہدایت دی۔ انہوں نے گوادر کو پاکستان ریلویز کے نیٹ ورک سے جلد از جلد منسلک کرنے کا کام تیز کرنے کا حکم بھی دیا۔
وفاقی وزیر ریلوے حنیف عباسی نے پاکستان ریلویز میں جاری اصلاحات سے متعلق بریفنگ دی اور بتایا کہ محکمہ ریلوے میں سرمایہ کاری کی وسیع گنجائش موجود ہے۔ لاہور، راولپنڈی، اور ملتان کے ریلوے اسٹیشنز پر صفائی کا نظام آؤٹ سورس کیا گیا ہے جبکہ جدید انفارمیشن ڈیسک بھی قائم کیے جا رہے ہیں۔
مزید پڑھیں: پاکستان ریلویز مزید 7 ٹرینیں نجی شعبے کو آؤٹ سورس کرے گا
بریفنگ میں بتایا گیا کہ خوراک کے معیار کی نگرانی کے لیے صوبائی فوڈ اتھارٹیز سے اشتراک جاری ہے۔ بند کی گئی کئی سروسز بحال کی گئی ہیں جن میں بولان میل، خوشحال خان خٹک ایکسپریس اور ڈیرہ غازی خان ایکسپریس شامل ہیں۔
ریلوے کی سکھر، خانیوال، اور کوہاٹ میں واقع کنکریٹ سلیپر فیکٹریاں آؤٹ سورس کی جا رہی ہیں جبکہ کراچی، لاہور، کوئٹہ، پشاور، ملتان اور سکھر کے ریلوے اسپتال، اسکول، کالج، اور ریسٹ ہاؤسز کو ریونیو شیئرنگ کی بنیاد پر نجی شعبے کے حوالے کیا جائے گا۔
رائل پام گالف اینڈ کنٹری کلب لاہور کو نیلام کیا جا رہا ہے جہاں فائیو اسٹار ہوٹل قائم کرنے کی صلاحیت موجود ہے۔ ریلوے نظام میں ڈیجیٹائزیشن کا عمل تیزی سے جاری ہے، جس میں آئی ٹی ڈائریکٹوریٹ کی ری اسٹرکچرنگ، موبائل ایپ کی اپ گریڈیشن، اور مفت وائی فائی کی فراہمی شامل ہے۔
بریفنگ کے مطابق 155 ریلوے اسٹیشنز کو شمسی توانائی پر منتقل کیا جا رہا ہے، جس سے حکومت کو لاکھوں روپے کی بچت ہوگی۔ رائٹ سائزنگ پالیسی کے تحت 17101 آسامیاں ختم کی جا چکی ہیں جبکہ مزید 5695 آسامیاں بھی آئندہ ختم کی جائیں گی۔
مزید پڑھیں: عیدالفطر: پاکستان ریلویز کی جانب سے عید اسپیشل ٹرینیں چلائی جائیں گی
اجلاس کو بتایا گیا کہ حکومت پنجاب کے اشتراک سے لاہور سے راولپنڈی ہائی اسپیڈ ٹرین سروس، دونوں اسٹیشنز کی اپ گریڈیشن، اور پنجاب میں آٹھ برانچ لائنز پر سب اربن ٹرین سروسز کا منصوبہ زیر تکمیل ہے۔
مزید بتایا گیا کہ شاہدرہ باغ سے کوٹ لکھپت تک ریلوے لائن کے اطراف گرین بیلٹ بنائی جائے گی جبکہ مین لائنز کے ساتھ ساتھ محکمہ جنگلات کے تعاون سے پھل دار درخت لگائے جائیں گے۔
بلوچستان میں سریاب-کچلاک اور کوئٹہ-چمن ریلوے لائن سیکشنز کی اپ گریڈیشن کا منصوبہ بھی حکومت بلوچستان کے اشتراک سے شروع کیا جا رہا ہے۔
وزیراعظم نے پاکستان ریلویز میں جاری اصلاحات اور منصوبوں کی رفتار پر وفاقی وزیر حنیف عباسی کی کاوشوں کو سراہا۔ اجلاس میں وزیراعظم کے مشیر ڈاکٹر توقیر شاہ، وزیر مملکت برائے ریلوے بلال اظہر کیانی، اور متعلقہ اعلیٰ سرکاری افسران شریک ہوئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ریلویز پاکستان ریلوے وزیراعظم محمد شہباز شریف وفاقی وزیر ریلوے حنیف عباسی
سندھ حکومت اور کے الیکٹرک کو متنبہ کردیں کہ ہم احتجاج کی کال دینے جارہے ہیں، راجہ اظہر