کراچی: قانونی ٹائٹل کے تنازع پر شہیدِ ملت روڈ پر کثیر منزلہ عمارت سر بمہر
اشاعت کی تاریخ: 30th, January 2025 GMT
— جنگ فوٹو
کراچی کے شہیدِ ملت روڈ پر واقع ہل پارک ٹریڈ سینٹر کو سندھ بلڈنگ کنٹرول آتھارٹی نے سربمہر کر دیا۔
حکّام کے مطابق اس عمارت کے قانونی ٹائٹل کے تنازع پر موصول ہونے والی شکایات کے پیشِ نظر اسے سربمہر کیا گیا۔
ترجمان ملیر پولیس کے مطابق تھانہ سکھن کے علاقے میں قائم پروجیکٹ میں 6 چینی باشندے کام کر رہے ہیں۔ بہت چھوٹی چودیواری اور بغیر سیکیورٹی انتظامات کے کام جاری تھا۔
حکّام نے بتایا کہ عمارت کی زمین کے اصل مالکان کی شکایت پر سندھ بلڈنگ کنٹرول اتھارٹی نے کارروائی کرتے ہوئے عمارت کو فوری طور پر سیل کر دیا ہے۔
سندھ بلڈنگ کنٹرول اتھارٹی کی جانب سے جاری کردہ نوٹیفکیشن کے مطابق سیل شدہ عمارت کو کھولنا غیر قانونی تصور کیا جائے گا اور اس خلاف ورزی کی صورت میں ملوث افراد کے خلاف قانونی کارروائی کی جائے گی۔
نوٹیفکیشن میں یہ بھی لکھا ہے کہ عمارت کی اراضی کی ملکیت کے حوالے سے مزید تحقیقات کا آغاز کر دیا گیا ہے۔
.ذریعہ: Jang News
پڑھیں:
سندھ جاب پورٹل پر جونیئر کلرکس کی آسامیوں کا پہلا اشتہار جاری
کراچی:سندھ جاب پورٹل پر جونیئر کلرکس کی ملازمتوں کا پہلا اشتہار جاری کردیا گیا ہے۔
وزیراعلیٰ سندھ سید مراد علی شاہ نے صوبے کے نوجوانوں کو ہدایت کی ہے کہ وہ روزگار کے اس موقع سے فائدہ اٹھاتے ہوئے پورٹل پر اپلائی کریں۔
ترجمان کے مطابق جاب پورٹل پر نہ صرف ملازمتوں کی تفصیلات جاری کی گئی ہیں بلکہ درخواست دینے کا مکمل طریقہ کار بھی بتایا گیا ہے تاکہ امیدوار باآسانی آن لائن درخواست جمع کروا سکیں۔
ذرائع کے مطابق سندھ حکومت کا مقصد شفاف اور میرٹ پر مبنی بھرتیوں کو یقینی بنانا ہے۔
کسی سزا یافتہ شخص کی مشاورت پر حکومتی فیصلے کرنا آئینی طور پر درست نہیں; طلال چوہدری