اسرائیل کی مقبوضہ مغربی کنارے پر فضائی کارروائی، فلسطینی نوجوان شہید
اشاعت کی تاریخ: 1st, February 2025 GMT
JENIN, PALESTINIAN TERRITORIES:
مغربی کنارے میں اسرائیل کی فضائی کارروائی سے 16 سالہ نوجوان شہید ہوگیا۔
غیرملکی خبرایجنسی رائٹرز کی رپورٹ کے مطابق فلسطین کی وزارت صحت نے بتایا کہ مقبوضہ مغربی کنارے کے علاقے جینن میں فضائی کارروائی کی، جس کے نتیجے میں نوجوان شہید ہوگیا اور یہ کارروائیاں تیسرے ہفتے سے جاری ہیں۔
فلسطینی عہدیداروں کے مطابق جینن اور قریبی علاقوں میں اسرائیلی فوج کی ان کارروائیوں کے دوران اب تک دو لڑکیوں سمیت 18 فلسطینی شہید ہوچکے ہیں۔
اسرائیل کی فوج نے غزہ میں جنگ بندی کے بعد شمال مغربی کنارے میں 21 جنوری کو چھاپے شروع کردیے تھے اور اسرائیل کا کہنا ہے کہ سیکڑوں فوجی ایئرفورس کے تعاون سے جینن میں کارروائیاں کر رہے ہیں۔
اسرائیلی فوج نے اپنے بیان میں فورسز کی کارروائیوں میں اب تک 18 فلسطینیوں کی شہادت کا اعتراف کرتے ہوئے کہا کہ 60 افراد کو حراست میں بھی لیا گیا۔
اسرائیلی وزیردفاع اسرائیل کاٹز نے بیان مین کہا کہ جینن میں فوج اس وقت تک موجود رہے گی جب فوجی آپریشن مکمل نہیں ہوتی تاہم انہوں نے آپریشن کے خاتمے سے متعلق واضح نہیں کیا۔
.ذریعہ: Express News
پڑھیں:
فلسطینی قیدیوں پر تشدد کی ویڈیو کیوں لیک کی؟ اسرائیل نے فوجی افسر کو مستعفی ہونے پر مجبور کردیا
اسرائیلی فوج کی چیف لیگل افسر میجر جنرل یفات تومر یروشلمی نے اس وقت استعفیٰ دے دیا جب ان کے خلاف ایک ویڈیو لیک کی تحقیقات شروع ہوئیں جس میں اسرائیلی فوجیوں کو ایک فلسطینی قیدی پر بدترین تشدد کرتے ہوئے دکھایا گیا تھا۔
تومر یروشلمی نے اپنے استعفے میں کہا کہ انہوں نے اگست 2024 میں اس ویڈیو کے افشا کی اجازت دی تھی۔ اس ویڈیو سے متعلق تحقیقات کے نتیجے میں 5 فوجیوں پر مجرمانہ الزامات عائد کیے گئے، جس پر ملک بھر میں شدید ردِعمل دیکھنے میں آیا۔ دائیں بازو کے سیاست دانوں نے تحقیقات کی مذمت کی اور مظاہرین نے دو فوجی اڈوں پر دھاوا بول دیا۔
یہ بھی پڑھیے: اسرائیل نے 30 فلسطینی قیدیوں کی لاشیں واپس کردیں، بعض پر تشدد کے واضح آثار
واقعے کے ایک ہفتے بعد، ایک سیکیورٹی کیمرے کی ویڈیو اسرائیلی چینل این12 نیوز پر لیک ہوئی جس میں فوجیوں کو ایک قیدی کو الگ لے جا کر اس کے اردگرد جمع ہوتے دکھایا گیا، جبکہ وہ ایک کتے کو قابو میں رکھے ہوئے اور اپنی ڈھالوں سے منظر کو چھپانے کی کوشش کر رہے تھے۔
وزیر دفاع اسرائیل کاٹز نے بدھ کو تصدیق کی کہ ویڈیو لیک سے متعلق فوجداری تحقیقات جاری ہیں اور تومر یروشلمی کو جبری رخصت پر بھیج دیا گیا ہے۔
تومر یروشلمی نے اپنے دفاع میں کہا کہ انہوں نے یہ اقدام فوج کے قانونی محکمے کے خلاف پھیلنے والے پراپیگنڈے کا مقابلہ کرنے کے لیے کیا، جو قانون کی بالادستی کے تحفظ کی ذمہ داری ادا کر رہا تھا مگر جنگ کے دوران شدید تنقید کی زد میں تھا۔
یہ بھی پڑھیے: امریکا میں فلسطینیوں کی حمایت میں احتجاج کرنے والی خاتون پر پولیس کا تشدد
ویڈیو سدے تیمن حراستی کیمپ کی تھی، جہاں 7 اکتوبر 2023 کے حملے میں شریک حماس کے جنگجوؤں سمیت بعد میں گرفتار کیے گئے فلسطینی قیدی رکھے گئے ہیں۔ انسانی حقوق کی تنظیموں نے اس دوران فلسطینی قیدیوں پر تشدد کی سنگین رپورٹس دی ہیں۔
ان کے استعفے پر سیاسی ردِعمل فوری آیا۔ وزیر دفاع کاٹز نے کہا کہ جو لوگ اسرائیلی فوجیوں کے خلاف جھوٹے الزامات گھڑتے ہیں وہ وردی کے اہل نہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل تشدد غزہ فلسطین قیدی
20 ہزار پاکستانی فوجی غزہ بھیجنے کا بھارتی جریدے کا دعویٰ جھوٹانکلا