حادثات و واقعات میں بچے سمیت 10 افراد جاں بحق
اشاعت کی تاریخ: 2nd, February 2025 GMT
کراچی ( اسٹاف رپورٹر ) شہر کے مختلف علاقوںمیں حادثات واقعات میں بچے سمیت 10 افراد جاںبحق اور خاتون سمیت 5 افراد زخمی ہوگئے۔ تفصیلات کے مطابق سکھن تھانے کی حدود لانڈھی بھینس کالونی میں تیز رفتار ٹریلر نے معصوم بچے اور ماں کو کچل دیا، بچہ موقع پر جاں بحق ہوگیا والدہ کو شدید زخمی حالت میں جناح اسپتال منتقل کیا گیا، بچے کی شناخت 15ماہ سوہان علی شاہ اور والدہ کی شناخت 28 سالہ شبانہ زوجہ نور محمد شاہ کے ناموں سے ہوئی۔ ڈرائیور موقع سے فرار ہوگیا۔ ڈرگ روڈ بائیکو پمپ کے قریب ڈکیتی کے دوران فائرنگ سے 29 سالہ وقار ولد محمد یونس نامی شخص زخمی ہوگیا۔ منظور کالونی سیکٹر آئی گلی نمبر 09 کشمیر پلازہ کے قریب گھر سے 34 سالہ اشرف علی ولد روزی علی کی پھند ا لگی لاش ملی۔ پولیس کے مطابق واقعہ خودکشی کا ہے۔ سائٹ اے تھانے کی حدود سائٹ ایریا نزد پاک ارم کمپنی کے قریب تیز رفتار واٹر ٹینکر کی ٹکر سے فیکٹری ملازم 40 سالہ محمد راحیل جاں بحق ہوگیا، ڈرائیور موقع سے فرار ہونے میں کامیاب ہوگیا۔ لانڈھی رزاق آباد سے پورٹ قاسم جاتے ہوئے مین روڈ پر ٹریفک حادثے میں 35سالہ شخص جاں بحق ہوگیا ۔ متوفی کی لاش کو جناح اسپتال منتقل کردیا گیا، شناخت نہ ہوسکی۔ بلدیہ اتحاد ٹاؤن A25 بس اسٹاپ کے قریب ٹریفک حادثے میں 12سالہ منصور ولد عبدالمجید جاں بحق ہوگیا۔ گلستان جوہر رابعہ سٹی کے قریب ٹریفک حادثہ میں زخمی 52 سالہ نامعلوم شخص دم توڑ گیا۔ مواچھ گوٹھ گبول چوک کے قریب 42 سالہ شخص کی لاش ملی، شناخت نہ ہوسکی۔ کورنگی میں ٹریفک حادثے کے دوران زخمی شخص دم توڑ گیا شناخت نہ ہوسکی۔ حب چوکی جام کالونی کے قریب نامعلوم افرادکی فائرنگ سے35 سالہ عاشق ولد نور محمد جاں بحق ہوگیا۔ بن قاسم کے علاقے پیپری نصیرآباد نیو اللہ بخش گوٹھ میں گھر کے اندر فائرنگ سے 30 سالہ کوثر نامی خاتون شدید زخمی ہوگئی، واقعہ جھگڑے کے دوران پیش آیا ہے۔ مری گوٹھ روٹ ڈی ون بس اسٹاپ کے قریب نامعلوم ملزمان کی فائرنگ سے 22 سالہ محمد عمر زخمی ہوگیا۔ سرجانی ٹاؤن کے علاقے سیکٹر 36 جمعرات بازار کے قریب ڈکیتی مزاحمت پر فائرنگ کے واقعہ میں 25 سالہ یاسین نامی نوجوان شدید زخمی ہوگیا۔ دریں اثناء محمود آباد کے علاقے اختر کالونی ٹی سی ایف اسکول کے قریب فائرنگ سے 25 سالہ ڈینئل ولد دانیال زخمی ہوگیا۔ محمود آباد پولیس کا کہنا ہے کہ واقعہ ذاتی جھگڑے کے دوران پیش آیا ہے۔
.ذریعہ: Jasarat News
کلیدی لفظ: جاں بحق ہوگیا زخمی ہوگیا فائرنگ سے کے دوران کے قریب
پڑھیں:
گائے کی لات لگنے سے نوجوان جاں بحق، ذبیحہ کے دوران حادثات میں 144 زخمی
خیبرپختونخوا کے ضلع صوابی میں ذبیحہ کے دوران گائے کی لات لگنے سے نوجوان جاں بحق جبکہ پنجاب میں بھی اسی طرح کے واقعات میں 41 شہری زخمی ہوگئے۔
ایکسپریس نیوز کے مطابق ٹوپی صوابی کے علاقے مینئی لویہ لار میں قربانی کی گائے نے ذبیحہ کے وقت لات ماری جو ایک نوجوان کو لگی۔
گائے نے ذبیحہ سے قبل رسیاں باندھنے کے دوران لات ماری، جو نوجوان کے سینے پر لگی اور وہ موقع پر ہی دم توڑ گیا۔ واقعے کے بعد نوجوان کی لاش کو اسپتال منتقل کیا گیا اور پھر ضابطے کی کارروائی کے بعد جسد خاکی کو لواحقین کے حوالے کردیا گیا۔
حادثاتی موت پر اہل خانہ شدت غم سے نڈھال ہوگئے جبکہ حادثاتی موت پر علاقے کی فضا بھی سوگوار ہے۔
دوسری جانب پنجاب کے مختلف علاقوں میں جانور ذبیحہ کے دوران بھگڈر اور دیگر حادثات میں 144 شہری زخمی ہوئے جن میں سے 33 شدید زخمی ہوئے
ریسکیو 11122 کے مطابق 111 زخمیوں کو طبی امداد کے بعد گھر جانے کی اجازت دے دی گئی جبکہ 33 شدید زخمی مختلف اسپتالوں میں زیر علاج ہیں۔
ترجمان ریسکیو 1122 کے مطابق لاہور،راولپنڈی، فیصل آباد سمیت تمام اضلاع میں قربانی کرنے کے دوران جانوروں کے بھاگنے سے حادثات ہوئے ہیں۔
خیبر؛ امن لشکر کا رکن نامعلوم افراد کی فائرنگ سے جاں بحق