جنید اکبر خان وزیراعظم کے ذریعے چیئرمین پی اے سی بنے ہیں‘رانا تنویر
اشاعت کی تاریخ: 3rd, February 2025 GMT
مریدکے (آن لائن )وفاقی وزیر صنعت و پیداوار اینڈ فوڈ سکیورٹی رانا تنویر حسین نے کہا ہے کہ بانی پی ٹی آئی کی تمام تر تخریب کاری کے باوجود تمام دوست ممالک پاکستان کے قریب آچکے ہیں اورپاکستان بہتری کی طرف گامزن ہے اگر پی ٹی آئی مثبت سیاست کرے تو ان کے معاملات درست ہوسکتے ہیں۔وفاقی وزیر نے کہا کہ جنید اکبر خان وزیراعظم کے ذریعے
چیئرمین پی اے سی بنے ہیں اور اپنی خفگی مٹانے کے لیے الٹے سیدھے بیانات دے رہے ہیں۔ سابق چیئرمین بلدیہ مریدکے راناماجد نواز، کوارڈی نیٹر رانا حسیب عامراور انعام اللہ ورک کے ہمراہ میڈیا سے گفتگو کرتے ہوئے انہوں نے کہا کہ سائفر سمیت کئی مقدمات اوپن کرنے کی ضرورت ہے تاکہ انصاف کا عمل مکمل ہو سکے۔ وزیر صنعت و پیدوار نے کہا کہ عدالتوں میں لاکھوں مقدمات زیر التوا ہیں اور عوام انصاف کے لیے رل رہے ہیں جس کے پیش نظر عوام کو جلد انصاف کی فراہمی کے لئے اعلیٰ عدلیہ میں ججز لگائے جا رہے ہیں۔رانا تنویر حسین نے کہا کہ ججزکی تعیناتی اور تبادلوں پر کوئی استعفی دیتا ہے تو اس سے حکومت یا ملک کو کوئی نقصان نہیں پہنچے گا۔ انہوں نے کہا کہ ہماری اداروں کے جوان ملک کے لئے لازوال قربانیاں پیش کررہی ہیں جبکہ فتنہ الخوارج بیرونی فنڈنگ سے ملک کو کمزور کرنے کے لیے کوشاں ہیں۔رانا تنویر حسین نے کہا ہے کہ امریکہ کے ساتھ ہمارے اچھے تعلقات ہیں اور دیگر ممالک کے ساتھ امریکی اقتصادی تنازعہ کے پاکستان پر کوئی اثرات نہیں ہوں گے۔ ان کا کہنا تھا کہ وزیر اعلیٰ پنجاب مریم نواز بہترین کام کررہی ہیں ، انہوںنے دھی رانی پروگرام، ہمت کارڈ، مینارٹی کارڈ، کسان کارڈ، گھروںکی تعمیر کے لیے بلا سود قرضہ جات اور کسانوں کو سولر پینل کی فراہمی جیسے منصوبے پیش کئے ہیں اور ان کی محنت سے پنجاب مزید ترقی کرے گا۔رانا تنویر حسین نے کہا کہ حقائق ظاہرہونے کے لیے کچھ وقت ضرور لگتا ہے تا ہم سامنے آنے پر پی ٹی آئی کا بھدا چہرا عیاں ہورہا ہے۔ انہوں نے کہا کہ وفاقی وزیر چودھری احسن اقبال نے آکسفورڈ یونیورسٹی میں مباحثہ جیت کر پی ٹی آئی کے سخت پراپیگنڈا کا سدباب کیاہے۔ان کا مزید کہنا تھا کہ پی ٹی آئی کے زہریلے پراپیگنڈا نے نوجوانوں کو ورغلایا تھا مگر اب حالات بہتری کی طرف گامزن ہیں۔
ذریعہ: Jasarat News
کلیدی لفظ: رانا تنویر حسین نے کہا پی ٹی ا ئی نے کہا کہ ہیں اور کے لیے
پڑھیں:
تاریخ گواہ ہے کہ قربانیوں سے جنم لینے والی تحریکیں کبھی دبائی نہیں جا سکتیں، عزیر احمد غزالی
چیئرمین پاسبانِ حریت نے کہا کہ بھارتی فوج کشمیری عوام کی آواز دبانے اور انہیں خوفزدہ کرنے کے لیے ماورائے عدالت قتل عام کا سلسلہ جاری رکھے ہوئے ہے۔ اسلام ٹائمز۔ چیئرمین پاسبانِ حریت جموں و کشمیر عزیر احمد غزالی نے حاجن، بانڈی پورہ میں قابض بھارتی فوج کی حراست کے دوران نوجوان فردوس احمد میر کی شہادت پر شدید غم و غصے کا اظہار کیا ہے۔ انہوں نے کہا کہ بھارتی فوج کی بربریت اور انسانی حقوق کی سنگین خلاف ورزیاں مقبوضہ جموں و کشمیر کے عوام کو مزید مزاحمت اور آزادی کی جدوجہد کے لیے پرعزم کر رہی ہیں۔ عزیر احمد غزالی نے کہا کہ ایک اور کشمیری نوجوان کو غیر قانونی حراست میں تشدد کے ذریعے شہید کرنا بھارتی جبر و استبداد کا واضح ثبوت ہے۔چیئرمین پاسبانِ حریت نے کہا کہ بھارتی فوج کشمیری عوام کی آواز دبانے اور انہیں خوفزدہ کرنے کے لیے ماورائے عدالت قتل عام کا سلسلہ جاری رکھے ہوئے ہے، مگر تاریخ گواہ ہے کہ قربانیوں سے جنم لینے والی تحریکیں کبھی دبائی نہیں جا سکتیں۔ انہوں نے عالمی برادری، انسانی حقوق کی تنظیموں اور اقوامِ متحدہ سے مطالبہ کیا کہ وہ بھارتی فوج کے مظالم کا نوٹس لیں اور کشمیری عوام کو ان کا مسلمہ حقِ خودارادیت دلوانے کے لیے اپنا کردار ادا کریں۔ عزیر احمد غزالی نے کہا کہ شہید فردوس احمد میر اور دیگر ہزاروں شہداء کا خون اس بات کی گواہی دیتا ہے کہ کشمیری عوام اپنے مقصد سے پیچھے ہٹنے والے نہیں ہیں۔ انہوں نے شہداء کے مشن کو جاری رکھنے اور تحریک آزادی کو ہر قیمت پر منزلِ مقصود تک پہنچانے کے عزم کا اعادہ کیا۔ چیئرمین پاسبانِ حریت نے شہید فردوس احمد میر کے اہلخانہ سے دلی ہمدردی اور تعزیت کا اظہار کرتے ہوئے کہا کہ ان کی قربانی رائیگاں نہیں جائے گی۔ انہوں نے کہا کہ پوری کشمیری قوم اس دکھ کی گھڑی میں شہید کے خاندان کے ساتھ ہے اور ان کے صبر و استقامت کو سلام پیش کرتی ہے۔
مون سون کا خطرناک اسپیل کراچی پر برسنے کو تیار، مختلف علاقوں میں بارش شروع