سارک جرنلسٹ فورم: عابد شمعون سعودی چیپٹرکے دوسری مرتبہ صدر مقرر
اشاعت کی تاریخ: 3rd, February 2025 GMT
ایس اے اے آر سی کے صدر عابد شمون
سارک جرنلسٹ فورم (ایس اے اے آر سی) جنوبی ایشیا میں صحافت کے پیشے سے وابستہ صحافیوں کے حقوق اور آزادی اظہارِ رائے کیلئے کام کرنے والوں کی تنظیم ہے۔ گذشتہ دنوں سارک جرنلسٹ فورم سعودی عرب چیپٹر نے سعودی عرب میں عرصہ دراز سے مقیم معروف سینئرپاکستانی صحافی اورمرکزی چیئرمین پاک یونائیٹڈ میڈیا فورم عابد شمعون شاند کو سارک جرنلسٹ فورم سعودی عرب چیپٹر کیلئے دوسری دفعہ صدر نامزد کر دیا ہے۔ ان کی بطورصدر نامزدگی پرصحافتی تنظیموں، پاکستانی کمیونٹی اور مختلف مکاتب فکر سے تعلق رکھنے والی شخصیات نے مبارکباد پیش کی ہے۔ عابد شمعون اپنی مثبت صحافتی ذمہ داریاں بھرپورطریقے سے سرانجام دے رہے ہیں۔ انھوں نے آعلیٰ، بے لوث اور مثبت صحافت کے ذریعے اپنی پہچان بنائی اور ذوق جستجو ، جدت پسندی کی وجہ سے بہت کم عرصہ میں غیرمعمولی مقبولیت حاصل کی۔ عابد شمعون چاند خوش مزاجی ، ملنساری اور بہترین قلم کاری کی وجہ سے تمام صحافتی ، ادبی ، سماجی حلقوں میں مقبول ہیں۔ غیر جانبدار صحافت کی وجہ سے عابد شمعون چاند ایک خاص مقام رکھتے ہیں۔ وہ دیار غیر میں رہتے ہوئے جہاں اپنی کمیونٹی کی سر گرمیوں کو نمایاں اور ایوان بالا تک پہنچا کر اعلی خدمت کی مثال قائم کی ہے وہیں پاکستان کی سفارتکاری کے فروغ اورمختلف ایشوز پر پاکستان کے موقف کو بھی بہتر انداز میں عالمی دنیا تک پہنچایا ہے۔ عابد شمعون چاند نے دیارغیر میں انتھک محنت ، لگن کے بل بوتے پر اپنا نام کمایا ہے عابد شمعون چاند جیسے محب وطن اور قلم کی پاسداری کرنے والے صحافی پاکستان کا قیمتی اثاثہ ہیں۔ ان کی غیر معمولی مثالی صحافتی خدمات آج کے صحافیوں کے لیے مشعل راہ ہے عابد شمعون چاند ایک اچھے لکھاری ہونے کے ساتھ ساتھ بہترین نعت خواں بھی ہیں۔ اپنی پرسوز آواز کی وجہ سے مذہبی اور ادبی حلقوں میں قدر کی نگاہ سے جانے جاتے ہیں۔ یاد رہے عابد شمعون چاند کو صحافتی خدمت کے اعتراف میں اب تک کئی اہم ایوارڈز ، میڈلز ، سرٹیفکیٹ اور شیلڈز سے نوازا جا چکا ہے جو ان کی اعلی بے لوث اور مثبت صحافتی خدمات کا منہ بولتا ثبوت ہے۔ عابد شمعون چاند نے بھر پور اعتماد کرکے دوسری دفعہ صدر منتخب کرنے پر سارک جرنلسٹ فورم کے مرکزی صدر راجو لامہ اور سیکرٹری جنرل عبدالرحمن سمیت پوری منجمنٹ کا شکریہ ادا کرتے ہوئے اپنے مکمل تعاون کی یقین دہانی کروائی۔
.ذریعہ: Jasarat News
کلیدی لفظ: سارک جرنلسٹ فورم عابد شمعون چاند کی وجہ سے
پڑھیں:
کے پی کے بار الیکشن: 13 نشستوں پر اے این پی وکلا کامیاب، پی ٹی آئی پیچھے رہ گئی
لاہور+ گوجرانوالہ+ قصور+ پشاور+ کراچی(خبر نگار+ نمائندگان+ نوائے وقت رپورٹ+ کامرس رپورٹر) پنجاب بار کونسل الیکشن میں لاہور کی 16 نشستوں کے غیر حتمی غیر سرکاری نتائج روک دئیے گئے۔ حامد خان گروپ لیڈ کر رہا ہے۔ ریٹرننگ افسروں نے نتائج سیل کر کے ایڈووکیٹ جنرل پنجاب کو بھیج دئیے ہیں۔ حتمی اعلان 6 نومبر کو کیا جائے گا۔ پروفیشنل گروپ نے لاہور ڈویژن میں انڈی پینڈنٹ بھون تارڑ گروپ کو چاروں شانے چت کر دیا۔ ڈویژن کی کل 20 نشستوں میں سے 17 کا رزلٹ آگیا۔ پروفیشنل اور آئی ایل ایف کے 13 امیدوار فاتح قرار پائے، انڈی پینڈنٹ گروپ کے حصے میں 4 سیٹیں آ سکیں۔ لاہور کی 16 نشستوں میں سے پروفیشنل گروپ نے 10 سیٹوں پہ کامیابی حاصل کر لی۔ انڈی پینڈنٹ گروپ کو لاہور سے3 سیٹیں ہی مل سکیں۔ پروفیشنل گروپ کے کامیاب امیدواروں میں رانا اویس بھٹی، ریحان احمد خان، شہزاد کاکڑ، رانا ضمیر احمد جھیڈو، میاں یاسر صدیق، ملک سہیل مرشد، مرید بھٹہ، میاں عمران پاشا، عرفان خان، زبیر کسانہ شامل ہیں۔ لاہور سیٹ پہ انڈی پینڈنٹ گروپ کے ملک مقصود کھوکھر، عدیل احسان اور سمیرا حسین کامیاب ہو سکے۔ لاہور کی 3 سیٹوں کا رزلٹ آنا باقی ہے۔ قصور کی دونوں سیٹوں پہ پروفیشنل گروپ کے سردار نبی احمد اور چوہدری شریف زاہد کامیاب ہوئے۔ ننکانہ سے پروفیشنل اور آئی ایل ایف کے خادم حسین سدھو نے کامیابی حاصل کی۔ شیخوپورہ سے انڈی پینڈنٹ گروپ کے عمر حیات بھٹی فاتح قرار پائے۔ گوجرانوالہ ڈویژن کی 10 سیٹوں میں 7 آئی ایل ایف جیت گئی۔ دریں اثناء گوجرانوالہ کی تین سیٹوں پر ظہیر احمد چیمہ، رانا سربلند خان اور سعید احمد بھٹہ کامیاب ہوئے۔ سیالکوٹ سے چوہدری رضا سبحانی، حسن سرفراز بھلی، گجرات سے اورنگزیب مرل اور محمد نوید وڑائچ،حافظ آباد سے محمد شعیب بھٹی نے کامیابی حاصل کی۔ منڈی بہائوالدین سے قاسم محمود بابا اور نارووال سے مجتبی حسن تتلہ ایڈووکیٹ کو بھی برتری حاصل رہی۔ پشاور میں خیبر پختونخوا بار کونسل کی28 نشستوں کے غیر حتمی نتائج کے مطابق اے این پی سے وابستہ ملگری وکیلان نے برتری حاصل کرتے ہوئے 13 نشستیں اپنے نام کر لیں۔ پشاور کی سات نشستوں میں سے ملگری وکیلان نے چار، انصاف لائرز فورم نے دو جبکہ ایک آزاد امیدوار نے کامیابی حاصل کی۔ ملگری وکیلان کے خضر حیات جبکہ فضل واحد ‘ انصاف لائرز فورم کی صوفیہ نورین نے ور علی زمان نے کامیابی حاصل کی۔ ملگری وکیلان کے رفیق مہمند نے 861 ووٹ حاصل کیے، جبکہ آزاد امیدوار محمد سعید 828 ووٹ لے کر کامیاب قرار پائے۔ ملگری وکیلان کے بابر خان یوسفزئی نے بھی 792 ووٹ حاصل کر کے کامیابی نام کی۔ پیپلز لائر فورم کے سعید حکیم نے بونیر جبکہ حشمت نے ڈیرہ اسماعیل خان سے کامیابی حاصل کی۔ جمعیت لائر فورم کے فواد خان اور وقارالملک نے میدان مار لیا۔ مسلم لائر فورم کے حمایت یافتہ محمد علی خان ایبٹ آباد سے کامیاب ہوئے، جبکہ چترال سے اسلامک لائر فورم کے اکرام حسین کامیاب قرار پائے۔ آزاد امیدواروں میں فدا گل آفریدی اور محمد سعید نمایاں رہے۔ صوبے بھر میں بار کونسل انتخابات کے نتائج کے مطابق اس بار ملگری وکیلان نے واضح برتری حاصل کی ہے جبکہ دیگر فورمز کو محدود کامیابیاں مل سکیں۔ کراچی کامرس رپورٹر کے مطابق پیپلز پارٹی کے چیئرمین بلاول بھٹو زرداری نے سندھ بار کونسل کے انتخابات میں پیپلز لائرز فورم کے حمایت یافتہ امیدوراں کی بھاری اکثریت سے کامیابی پر مسرت کا اظہار کیا اور مبارکباد دی۔
اشتہار