45 کسٹمز ایجنٹس کے لائسنس بحال نہ ہوئے تو کام بند کردیں گے، کسٹمز ایجنٹس ایسوسی ایشن
اشاعت کی تاریخ: 3rd, February 2025 GMT
کسٹمز ایجنٹس ایسوسی ایشن نے 45 ایجنٹس کے معطل لائسنس بحال کرنے کا مطالبہ کردیا۔
کسٹمز حکام سے مذاکرات کے پہلے دور کے بعد آل پاکستان کسٹمز ایجنٹس ایجنٹس ایسوسی کے چیئرمین سیف اللّٰہ خان نے میڈیا سے گفتگو میں کہا کہ محکمہ کسٹمز نے 3 روز قبل ایک مقدمہ درج کرکے بغیر شوکاز کے 45 ایجنٹس کے لائسنس معطل کردئیے۔لائسنس بحال نہ کیے گئے تو ہم ہڑتال نہیں اپنا کام بند کردیں گے۔
انہوں نے کہا کہ کسٹمز اپریزر جی ڈی کلئیر ہونے پر اپنے واٹس ایپ گروپ کے ذریعے پیسوں کا مطالبہ کرتا تھا۔ جی ڈی کلیئرنس کے بعد رشوت کیلئے بلیک میل کیا جاتا تھا جو کہ صرف بھتہ تھا۔اس افسر سے کسٹم ایجنٹس نہیں بلکہ یہ خود رابطے کرتا تھا۔ چیف کلکٹر 45 کلئیرنگ ایجنٹس کے لائسنس کی بحالی سے معذوری کا اظہار کررہے ہیں۔ شام 4 بجے چیف کلکٹر نے دوبارہ اجلاس طلب کیا ہے لیکن ان کا رویہ ٹھیک نہیں لگ رہا۔
چیئرمین کسٹمز ایجنٹس ایسوسی ایشن نے مزید کہا کہ اپریزر نے پرال کے ساتھ مل کر واٹس ایپ گروپ بنایا تھا اس میں ہمارا کیاقصور ہے۔ فیس لیس اسیسمنٹ سسٹم ناکام سسٹم ہے جسے ہم نے کامیاب بنایا ہے۔آئل اور گھی کے جہازوں نے کروڑوں روپے ڈیمرج ادا کیا ہے۔اب درآمدی تیل اور گھی کو فیس لیس سسٹم سے نکال دیا گیا ہے۔
.ذریعہ: Express News
کلیدی لفظ: ایجنٹس ایسوسی کسٹمز ایجنٹس ایجنٹس کے
پڑھیں:
اسلام آباد: ٹریفک پولیس کا ناکوں پر لرنر پرمٹ بنا کر دینے کا اعلان
ویب ڈیسک : آئی جی اسلام آباد کی ہدایت پر ٹریفک پولیس نے شہریوں کی سہولت کے لیے اہم قدم اٹھاتے ہوئے ٹریفک نظام کو مزید مؤثر اور جدید بنانے کا عمل شروع کر دیا ہے.
ڈرائیونگ لائسنس مہم کے دوسرے مرحلے میں ٹریفک پولیس نے اسلام آباد کے ناکوں پر ہی لرنر پرمٹ بنا کر دینے کا اعلان کیا ہے۔
سی ٹی او حمزہ ہمایوں کا کہنا ہے کہ شہری ناکوں پر موجود سہولت وینز سے پرمٹ حاصل کر سکیں گے۔ اسلام آباد ٹریفک پولیس کی سہولت وینز 4 ناکوں پر موجود ہوں گی، زیرو پوائنٹ، فیض آباد، جی 14 اورفارن آفس ناکوں پر سہولت ہو گی۔
پاکستان سپورٹس بورڈ نے ویٹ لفٹنگ کے کھلاڑیوں و عہدیداروں پر پابندیاں لگادیں
ان کا مزید کہنا تھا کہ ڈرائیونگ لائسنس نہ رکھنے والے شہری لرنر پرمٹ حاصل کر سکتے ہیں، لائسنس یا پرمٹ نہ رکھنے والے شہریوں کو موقع پر پرمٹ دیا جائے گا۔
انہوں نے کہا کہ ناکوں پر موجود ٹریفک پولیس اہلکار گاڑیوں کے لائسنس چیک کر رہے ہیں تاکہ غیر لائسنس یافتہ ڈرائیونگ کی حوصلہ شکنی کی جا سکے۔
سی ٹی او نے مزید کہا کہ اسلام آباد ٹریفک پولیس شہریوں کو آسان اور شفاف سہولیات فراہم کرنے کے لیے پرعزم ہے، یہ مہم شہریوں میں ڈرائیونگ کے حوالے سے شعور اجاگر کرنے میں اہم کردار ادا کرے گی۔
لاہور: سیف سٹی اتھارٹی کا پولیس ڈرونز پائلٹ پروجیکٹ کا آغاز
پاکستان میں آئندہ حج سستا ہونے کا امکان