پاکستان میں آئندہ حج سستا ہونے کا امکان
اشاعت کی تاریخ: 29th, October 2025 GMT
اسلام آباد: سعودی عرب کی کمپنی کی طرف سے اخراجات میں کمی کے باعث پاکستان میں آئندہ حج سستا ہونے کا امکان پیدا ہوگیا۔
عرب نیوز کے مطابق وفاقی وزیرِ مذہبی امور سردار یوسف نے بتایا ہے کہ سعودی عرب کی الراجحی کمپنی کی طرف سے اخراجات میں کمی کے بعد حکومتِ پاکستان آئندہ حج 2026ئ کے پیکیج میں لاگت کم کرنے پر غور کر رہی ہے ۔
سعودی کمپنی نے فی حاجی 200 ریال یعنی تقریباً 53 ڈالر کم بولی دی ہے، جس کے باعث پاکستانی عازمین کے لیے مجموعی اخراجات میں کمی متوقع ہے۔
انہوں نے بتایا کہ پاکستانی حج اسکیم کے تحت سرکاری پیکیج کی موجودہ لاگت 11 لاکھ 50 ہزار سے 12 لاکھ 50 ہزار روپے کے درمیان ہے جو حتمی معاہدوں کے بعد طے پائے گی، ان معاہدوں کے نتیجے میں جو رقم بچائی جائے گی وہ حاجیوں کو واپس کی جائے گی۔
رواں برس بھی اصل اخراجات اندازے سے کم آنے پر 66 ہزار عازمین کو 12.
2 ملین ڈالر یعنی تقریباً 3.45 ارب روپے واپس کیے گئے۔
اس معاملے میں سیکرٹری مذہبی امور ڈاکٹر سید عطاالرحمان کا کہنا ہے کہ الراجحی کمپنی کی فراہم کردہ سہولیات میں ائیر کنڈیشنڈ خیمے اور آرام دہ بستر شامل تھے، جو پاکستانی عازمین کے لیے اطمینان بخش رہیں جنہیں وزیرِاعظم پاکستان نے بھی سراہا۔
آئندہ سال کا حج مزید بہتر، شفاف اور حاجیوں کے لیے آسان بنانے کی کوشش کی جا رہی ہے، حکومتی اقدامات کے نتیجے میں آئندہ سال کا حج خدمات اور عازمین کی آسانی کے لحاظ سے اس سال سے بہتر ہوگا۔
ذریعہ
ذریعہ: Al Qamar Online
پڑھیں:
پاکستان میں سونے کی قیمت میں پھر بڑا اضافہ
ملک بھر میں فی تولہ سونےکی قیمت میں 4600 روپے کا اضافہ ہوا ہے۔آل پاکستان جیمز اینڈ جیولرز ایسوسی ایشن کے مطابق ایک تولہ سونا 4600 روپے اضافے کے بعد اب 4 لاکھ 76 ہزار 362 روپے میں فروخت ہو رہا ہے۔اس کے علاوہ10گرام سونے کی قیمت3944 روپےبڑھ کر 4 لاکھ8 ہزار 403 روپے ہوگئی ہے۔عالمی بازار میں سونے کی قیمت 46 ڈالر اضافے سے 4540 ڈالر فی اونس ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ