ترک وزیرِ خارجہ کا اسحاق ڈار سے رابطہ، غزہ میں امن کے اقدامات پر تبادلہ خیال
اشاعت کی تاریخ: 28th, October 2025 GMT
نائب وزیرِ اعظم اور وزیرِ خارجہ سینیٹر محمد اسحاق ڈار کو پیر کے روز ترک وزیرِ خارجہ ہاکان فدان کا ٹیلیفون موصول ہوا۔
وزارت خارجہ کے مطابق، دونوں رہنماؤں نے مذکورہ ٹیلیفون کال پر غزہ کی بگڑتی ہوئی صورتحال اور فلسطین میں پائیدار امن کے قیام کے لیے آئندہ کے لائحہ عمل پر تبادلہ خیال کیا۔
یہ بھی پڑھیں: پاکستان اور ترکیہ کے وزرائے خارجہ کا رابطہ، غزہ میں اسرائیلی مظالم کی شدید مذمت
وزارتِ خارجہ کے مطابق، گفتگو کے دوران دونوں وزرائے خارجہ نے خطے میں جاری سفارتی کوششوں، جنگ بندی کے امکانات اور غزہ میں انسانی بحران کے خاتمے کے لیے مختلف پہلوؤں پر مشاورت کی۔
Deputy Prime Minister/Foreign Minister Senator Mohammad Ishaq Dar @MIshaqDar50 received a telephone call from Turkish Foreign Minister @HakanFidan.
The two leaders discussed the evolving situation in Gaza, and the next steps & modalities for achieving lasting peace in Palestine.… pic.twitter.com/SRQpieWHIx
— Ministry of Foreign Affairs – Pakistan (@ForeignOfficePk) October 28, 2025
ترک وزیرِ خارجہ ہاکان فدان نے اسحاق ڈار کو آئندہ ہفتے ترکی میں ہونے والے شراکت دار ممالک کے 8 وزرائے خارجہ کے اجلاس میں شرکت کی دعوت دی۔
مذکورہ اجلاس ان ممالک کے درمیان رابطے کے سلسلے کی ایک کڑی ہے، جنہوں نے رواں سال اقوامِ متحدہ کی جنرل اسمبلی کے 80ویں اجلاس کے موقع پر غزہ کے مسئلے پر نیویارک میں ملاقات کی تھی۔
مزید پڑھیں: پاکستان اور ترکیہ کا بحری شعبے میں مشترکہ سرمایہ کاری پر اتفاق
ترک وزارتِ خارجہ کے مطابق، یہ اجلاس آئندہ ہفتے منعقد ہوگا جس میں مشترکہ سفارتی کوششوں کی پیش رفت کا جائزہ لیا جائے گا اور پائیدار جنگ بندی کے قیام کے لیے آئندہ کے عملی اقدامات پر غور کیا جائے گا۔
ذرائع کے مطابق، پاکستان اور ترکیہ دونوں نے اس بات پر زور دیا کہ غزہ میں انسانی جانوں کے تحفظ، امدادی رسائی کی بحالی، اور خطے میں دیرپا امن کے لیے عالمی برادری کو متفقہ اور مؤثر کردار ادا کرنا چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار اقوام متحدہ پائیدار امن ترک وزیر خارجہ جنرل اسمبلی غزہ فلسطین ہاکان فدانذریعہ: WE News
کلیدی لفظ: اسحاق ڈار اقوام متحدہ پائیدار امن جنرل اسمبلی فلسطین ہاکان فدان اسحاق ڈار کے مطابق خارجہ کے کے لیے
پڑھیں:
مریم نوازسے نیدرلینڈز کے سفیر کی ملاقات، تجارت وسرمایہ کاری پر تبادلہ خیال
لاہور:(نیوزڈیسک) وزیراعلیٰ پنجاب مریم نواز شریف سے مملکت نیدرلینڈز کے سفیر رابرٹ جان سیگرٹ نے حالیہ ملاقات کی، جس میں تجارت، سرمایہ کاری، زراعت، پانی کے انتظام، موسمیاتی تبدیلی، ٹیکنالوجیکل تعاون اور عوامی روابط کے فروغ پر تفصیلی بات چیت کی گئی۔وزیراعلیٰ مریم نواز شریف نے سفیر رابرٹ جان سیگرٹ کی حالیہ تعیناتی پر نیک تمناؤں کا اظہار کیا۔ ملاقات کے دوران اعلیٰ تعلیمی اداروں، ٹیکنیکل ٹریننگ، واٹر مینجمنٹ تعلیم اور تحقیق میں ڈچ تعاون بڑھانے پر اتفاق کیا گیا۔
مریم نواز شریف نے ڈچ کمپنیوں کی پاکستان میں موجودگی کو سرمایہ کاروں کا اعتماد قرار دیا اور اس پر حوصلہ افزائی کی۔ انہوں نے ڈچ ماہرین کی واٹر گورننس اور فلڈ مینجمنٹ میں عالمی شہرت کو سراہا۔
نیدرلینڈز کے سفیر کا تعارفی دورہ باہمی تعلقات کو مثبت سمت میں آگے بڑھانے کی علامت قرار دیا گیا۔ وزیراعلیٰ نے کہا کہ پاکستان اور نیدرلینڈز کے تعلقات مشترکہ ترقیاتی اہداف پر مبنی ہیں اور صوبائی سطح پر پنجاب پاک نیدرلینڈ تعاون کو مزید آگے بڑھانے کا خواہاں ہے۔
مریم نواز شریف نے کہا کہ نیدرلینڈز پاکستان کا دوسرا بڑا یورپی تجارتی شراکت دار ہے اور پنجاب سرمایہ کاروں کو سازگار ماحول فراہم کرتا ہے۔ انہوں نے کہا کہ نیدرلینڈز کی زرعی اور فوڈ ٹیکنالوجی مہارت پنجاب کے ترقیاتی اہداف اور زرعی حکمت عملی سے ہم آہنگ ہے اور آلو کی بہتر پیداوار کے لیے نیدرلینڈز کی شراکت داری انقلاب برپا کر سکتی ہے۔
وزیراعلیٰ نے کہا کہ نیدرلینڈز کے Room for the River جیسے منصوبے دنیا کے لیے مثال ہیں اور پنجاب اس ضمن میں جامع تعاون کا خواہاں ہے۔ سُتھرا پنجاب، اسمارٹ ایریگیشن اور کلائمٹ ریزیلینٹ ایگریکلچر جیسے بڑے منصوبوں میں ڈچ تعاون سود مند ہو سکتا ہے۔
انہوں نے ڈچ یونیورسٹیوں کے ساتھ مضبوط روابط اور مشترکہ تحقیقی پروگرامز کو فروغ دینے کی خواہش کا اظہار کیا۔ ڈچ کاروباری وفود کی پاکستان کے تجارتی میلوں TEXPO اور FoodAg میں شرکت کو حوصلہ افزا قرار دیا۔
وزیراعلیٰ نے براہ راست فضائی رابطے کی بحالی کی خواہش کا اظہار کرتے ہوئے کہا کہ نیدرلینڈز سے تعلقات کا فروغ کاروبار، سرمایہ کاری اور سیاحت کو نئی جہت دے گا۔ پنجاب نیدرلینڈز کے ساتھ وسیع اور مضبوط معاشی شراکت داری کا خواہاں ہے۔ نیدرلینڈز جدت، زرعی ٹیکنالوجی اور پائیدار ترقی میں عالمی مثال ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر