رانا اسلم یاسین کی جانب سے احسان الحق باجوہ کےاعزاز میں عشائیہ تقریب
اشاعت کی تاریخ: 15th, December 2025 GMT
data-id="863a0a8" data-element_type="widget" data-widget_type="theme-post-content.default">
الریاض( وسیم خان ) سعودی عرب کی معروف سیاسی اور سماجی شخصیت رانا اسلم یاسین کی جانب سے کنارا ریسٹورنٹ پر پارلیمانی سیکرٹری احسان الحق باجوہ کے اعزاز میں پرتکلف عشائیہ تقریب کا انعقاد کیا گیا جس میں پارٹی کے رہنماؤں سمیت پارٹی کارکنوں نے شرکت کی بعدازاں تقریب سے خطاب کرتے ہوئے مہمان خصوصی احسان الحق باجوہ کا کہنا تھا کہ اوورسیز پاکستانی ہمارا قیمتی سرمایہ ہیں، ملکی معیشت کی بہتری میں بیرون ملک مقیم پاکستانیوں کا کردار ہمیشہ سے اہم رہا ہے مشترکہ کاوشوں سے آج ہماری معیشت مستحکم ہو چکی، اب ملک معاشی ترقی کی طرف بڑھے گا حکومت اوورسیز کے حقوق کے تحفظ کے لیے ہر ممکن اقدامات کر رہی ہے احسان الحق باجوہ کا مزید کہنا تھا کہ ایسی تقریبات کمیونٹی کو ایک دوسرے سے جوڑنے کے ساتھ ساتھ اوورسیز منعقد کرنے پر احسان الحق باجوہ نے رانا اسلم یاسین کا شکریہ ادا کرتے ہوئے نیک تمناؤں کا اظہارکیا۔ پاکستانیوں کے مسائل اجاگر کرنے کا ذریعہ بھی بنتی ہیں موجودہ حکومت کا اوورسیز پاکستانیوں کے لیے کیے گئے اقدامات قابل تعریف ہیں تقریب سے خطاب کرتے میزبان رانا اسلم یاسین نے کہا کہ پاک فوج کی وجہ سے ہمارا ملک محفوظ ہے اسی وجہ سے ہم آج باوقار قوم کہلاتے ہیں ہمیں ایک قوم بن کر اپنے ملک پاکستان اور اپنے اداروں کے ساتھ کھڑا ہونا ہے تاکہ ملک کو مضبوط کر سکیں تقریب سے رانا محمد اشرف ، طارق باجوہ اور دیگر نے بھی خطاب کرتے ہوئے اوورسیز پاکستانی پاکستان کی ترقی اور خوشحالی کیلئے اپنی تمام تر صلاحیتوں کو بروئے کار لائیں گے خوبصورت تقریب منعقد کرنے پراحسان الحق باجوہ نے رانا اسلم یاسین کا شکریہ ادا کرتے ہوئے نیک تمناؤں کا اظہارکیا۔
ذریعہ
ذریعہ: Jasarat News
کلیدی لفظ: احسان الحق باجوہ رانا اسلم یاسین کرتے ہوئے
پڑھیں:
میٹا اے آئی سمیت چیٹ بوٹس کے ذریعے سوشل میڈیا اکاؤنٹس ہیک ہونے کا خطرہ، ماہرین کی وارننگ
سائبر سیکیورٹی ماہرین نے خبردار کیا ہے کہ مصنوعی ذہانت یا اے آئی پر مبنی چیٹ بوٹس کے خلاف ایک نئے قسم کے سائبر حملے سامنے آئے ہیں جن کے ذریعے ہیکرز سوشل میڈیا اکاؤنٹس اور ذاتی معلومات تک غیر مجاز رسائی حاصل کر سکتے ہیں۔
یہ بھی پڑھیں: دنیا بھر کی اہم شخصیات کے انسٹاگرام اکاؤنٹس ہیک ہونے کا انکشاف، میٹا نے سب بتادیا
ماہرین کے مطابق جدید بڑی زبان کے ماڈلز(ایل ایل ایمز) جن میں میٹا اے آئی سمیت دیگر اے آئی چیٹ بوٹس شامل ہیں کو ایک تکنیک پرومپٹ انجیکشن‘ کے ذریعے دھوکا دیا جا سکتا ہے۔ اس طریقے میں حملہ آور چیٹ بوٹس کے حفاظتی نظام کو بائی پاس کرتے ہوئے انہیں ایسے احکامات پر عمل کرنے پر آمادہ کرتے ہیں جو عام حالات میں ممکن نہیں ہوتے۔
سائبر سیکیورٹی ماہر بروس شنائر کے مطابق ہیکرز اس مقصد کے لیے ’پرولیج ایسکلیشن‘ نامی حکمت عملی استعمال کرتے ہیں جس کے تحت اے آئی ماڈل کو ایسی فرضی شخصیت اختیار کرنے پر قائل کیا جاتا ہے جو حفاظتی قواعد کو نظر انداز کر دے یوں چیٹ بوٹ کی محدود صلاحیتیں وسیع ہو جاتی ہیں۔
رپورٹ کے مطابق حملہ آور یہ خفیہ ہدایات بظاہر بے ضرر مواد، جیسے ای میلز، ویب سائٹس یا آن لائن پیغامات میں شامل کرتے ہیں۔ اگر چیٹ بوٹ ان ہدایات کو قبول کر لے تو ہیکرز کو صارف کے منسلک اکاؤنٹس اور ڈیجیٹل سروسز تک رسائی حاصل ہو سکتی ہے۔
مزید پڑھیے: اوپن اے آئی نے ’سورا‘ ایپ لانچنگ کے چند ماہ بعد ہی اچانک کیوں بند کردی؟
ماہرین کا کہنا ہے کہ ایک بار چیٹ بوٹ کے متاثر ہونے کے بعد اسے ذاتی معلومات چرانے، حساس ڈیٹا باہر منتقل کرنے یا صارف کے اکاؤنٹس تک غیر مجاز رسائی حاصل کرنے جیسے اقدامات کے لیے استعمال کیا جا سکتا ہے۔
سائبر سیکیورٹی ماہرین نے خبردار کیا ہے کہ خطرہ اس وقت مزید بڑھ جاتا ہے جب صارفین اے آئی ٹولز کو اپنی ای میل، کیلنڈر یا دیگر ذاتی سروسز تک رسائی دے دیتے ہیں کیونکہ اس سے حملہ آوروں کے لیے نقصان دہ سرگرمیوں کے نئے راستے کھل سکتے ہیں۔
مزید پڑھیں: ’کوئی پڑھے نہ پڑھے اے آئی تو پڑھے گی‘: قدیم زمانوں کے محبت نامے، خفیہ تحریریں آشکار
ماہرین کے مطابق ہیکرز کا حتمی مقصد مالی فراڈ، شناختی معلومات کی چوری اور دیگر نقصان دہ سرگرمیوں کو انجام دینا ہوتا ہے۔ ان کا کہنا ہے کہ یہ رجحان ظاہر کرتا ہے کہ مستقبل میں مصنوعی ذہانت کی اپنی استدلالی صلاحیتیں بھی صارفین کے خلاف استعمال کی جا سکتی ہیں جس سے روایتی سائبر سیکیورٹی اقدامات کو مؤثر بنانا مزید مشکل ہو جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اے آئی مصنوعی ذہانت ہیکنگ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ