سال 2025 میں سونے کی قیمت کہاں تک پہنچنے کا امکان ہے؟
اشاعت کی تاریخ: 6th, February 2025 GMT
پاکستان میں گزشتہ برس کے اختتام سے ہی پاکستانی معیشت میں استحکام دیکھا گیا ہے جس کا اندازہ روپے کی قدر میں استحکام، اشیائے خورونوش کی قیمتوں میں کمی اور مہنگائی کی مجموعی شرح میں کسی حد تک کمی سے بھی ہوتا ہے۔
لیکن گزشتہ برس سے اب تک اگر بات کی جائے سونے کی تو اس کی قیمت میں معمولی اتار چڑھاؤ دیکھا گیا۔ گزشتہ برس اگست کے مہینے میں فی تولہ سونے کی قیمت 2 لاکھ 57 ہزار روپے تھی اور اس وقت بھی اگر ایک دن میں 1000 روپے اضافہ ہوتا تو اگلے دن 500 یا 800 روپے کی کمی بھی ہو جاتی۔ یہ اتار چڑھاؤ گولڈ مارکیٹ میں جاری رہا لیکن دیکھتے ہی دیکھتے 6 ماہ بعد یعنی اب سونے کی قیمت تاریخ کی بلند ترین سطح پر پہنچ چکی ہے اور اس وقت 2 لاکھ 92 ہزار روپے فی تولہ ہے۔
یہ بھی پڑھیں: سونے کی قیمت میں مسلسل اتار چڑھاؤ، آخر قیمت کا تعین کیسے کیا جاتا ہے؟
پاکستان میں سونے کی قیمت میں اضافے کی وجوہات اور سال رواں میں اس کی صورتحال جاننے کے لیے وی نیوز نے اس کاروبار سے منسلک افراد و ماہرین سے بات کی۔
آل پاکستان گولڈ ایسوسی ایشن کے ممبر عبداللہ چاند نے وی نیوز سے گفتگو کرتے ہوئے بتایا کہ سونے کی قیمت اس وقت تاریخ کی بلند ترین سطح پر پہنچ چکی ہے۔
عبداللہ چاند نے کہا کہ سنہ 2025 میں گولڈ کی قیمت بلند ترین سطح پر رہنے کا امکان ہے اور اس کی مختلف وجوہات ہیں۔ انہوں نے مزید کہا ایک تو پوری دنیا میں مہنگائی کی شرح میں اضافہ ہوا ہے دوسرا بڑے ممالک کے سینٹرل بینکس گولڈ زیادہ سے زیادہ خرید رہے ہیں کیونکہ ایسا وہ آئندہ حالات کے پیش نظر اپنی معیشت کو مستحکم رکھنے کے لیے کر رہے ہیں جس کی وجہ سے گولڈ کی ڈیمانڈ اور قیمت میں اضافہ ہو رہا ہے۔
انہوں نے کہا کہ ایک اور پہلو یہ ہے کہ امریکا نے میکسیکو، کینیڈا اور چین میں امپورٹ پر ٹیکس کی شرح بڑھائی ہے اس کا بھی گولڈ کی قیمت پر اثر پڑا ہے اور آنے والے دنوں میں گولڈ کی قیمت 3 لاکھ روپے فی تولہ سے بھی تجاوز کرتی نظر آ رہی ہے۔ انہوں نے مزید کہا کہ اگر عالمی مارکیٹ میں سونے کی قیمت 3 ہزار ڈالر فی اونس تک پہنچی تو پھر پاکستان میں سونا 3 لاکھ 10 ہزار روپے فی تولہ تک ہوجائے گا۔
عبداللہ چاند کے مطابق شنید ہے کہ گزشتہ برس یہی پیشنگوئی ہوئی تھی کہ عالمی مارکیٹ میں گولڈ کی قیمت 3 ہزار سے 3200 فی اونس تک پہنچ جائے گی اور ابھی یہ 2800 ڈالر فی اونس تک تو پہنچ ہی چکی ہے۔
مزید پڑھیے: سونا: اٹک سے اربوں روپے کے ذخائر مل گئے
ان کا کہنا تھا کہ اگر یہی صورتحال رہی اور امریکا نے جو امپورٹس ریٹ بڑھا دیے ہیں اس سے ایک معاشی جنگ چھڑ جائے گی جس کا سب سے زیادہ اثر گولڈ ریٹ پر ہوگا۔ ان کا مزید کہنا تھا کہ فی الحال کوئی ایسی غیر متوقع صورتحال نظر نہیں آ رہی کہ گولڈ کے ریٹس کم ہوں گے۔
وی نیوز سے گفتگو کرتے ہوئے معاشی ماہر راجہ کامران کا کہنا تھا کہ پاکستان میں گولڈ کی قیمت بلند ترین سطح پر ہے لیکن امریکا کی اسٹاک مارکیٹ تنزلی کا شکار ہے۔ ان کا مزید کہنا تھا کہ گولڈ کو ایک محفوظ انویسٹمینٹ سمجھا جاتا ہے اس لیے جب بھی دنیا میں معاشی عدم استحکام آتا ہے، اسٹاک مارکیٹ تنزلی کا شکار ہوتی ہے یا کسی ملک میں بہت بڑا بحران آتا ہے تو لوگ گولڈ کی خریدوفروخت کی طرف جاتے ہیں لہٰذا یہی وجہ ہے کہ اس وقت سونے کی فروخت اور ساتھ ہی اس کی قیمت میں اضافہ ہو رہا ہے۔
راجہ کامران نے کہا کہ گولڈ کا استعمال صرف جیولری تک ہی محدود نہیں ہے بلکہ اس کا صنعتی استعمال بھی اچھا خاصا ہے اور یہ کمپیوٹر، موبائل فونز اور دیگر ڈیوائسسز کے سرکٹ بورڈز میں بھی استعمال ہوتا ہے لہٰذا یہ تمام فیکٹرز مل کراس کے ریٹس بڑھا رہے ہیں۔
انہوں نے نشاندہی کی کہ سینٹرل بینک گولڈ کو رویزرو بلڈ اپ کے لیے بھی استعمال کرتے ہیں اور اگر کرنسی میں کہیں اتار چڑھاؤ نظر آرہا ہو تو اس صورت میں سینٹرل بینک دنیا بھر سے گولڈ کی خریداری شروع کر دیتے ہیں۔ انہوں نے کہا کہ اس وقت بھی گولڈ کی خریداری دنیا بھر میں عروج پر ہے اور انویسٹرز، سینٹرل بینکس اور صنعتکار اس کی خریداری کر رہے ہیں۔
مزید پڑھیں: امریکا کی جانب سے کینیڈا اور میکسیکو پر ٹیرف کا نفاذ موخر، چین سے مخاصمت برقرار
ایک سوال پر ان کا کہنا تھا کہ گولڈ کی قیمت میں کمی بہت جلدی ہوتی ہوئی نظر نہیں آرہی کیوں کہ ٹرمپ انتظامیہ ایسے اقدامات کرنے جا رہی ہے جس سے دنیا میں تجارتی لین دین کے تناؤ میں اضافہ ہو سکتا ہے۔
راجہ کامران نے کہا کہ لگتا ایسا ہے کہ امریکی صدر ڈونلڈ ٹرمپ فزیکل وار نہیں بلکہ ٹریڈ اور ٹیرف وار کریں گے اور دنیا میں بڑے ممالک اپنی معیشت اور کرنسی کو بچانے کے لیے اپنے گولڈ کے ذخائر بڑھائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی ٹیرف کا گولڈ ریٹ پر اثر سونا مہنگا کیوں سونے کی قیمت سونے کے ریٹ میں اضافہ گولڈ ریٹ.ذریعہ: WE News
کلیدی لفظ: سونا مہنگا کیوں سونے کی قیمت سونے کے ریٹ میں اضافہ میں گولڈ کی قیمت میں اضافہ ہو سونے کی قیمت پاکستان میں کی قیمت میں کہنا تھا کہ اتار چڑھاؤ گزشتہ برس نے کہا کہ انہوں نے دنیا میں رہے ہیں فی تولہ ہے اور کے لیے
پڑھیں:
سونے کی قیمتوں میں پھر بڑا اضافہ، فی تولہ کتنے کا ہو گیا؟
سونے کی قیمتوں میں پھر بڑا اضافہ، فی تولہ کتنے کا ہو گیا؟ WhatsAppFacebookTwitter 0 3 November, 2025 سب نیوز
کراچی (آئی پی ایس) سونے کی مقامی اور بین الاقوامی قیمتوں میں اضافہ، دس گرام سونا 1115 روپے اور ایک تولہ سونا 1300 روپے مہنگا ہوگیا۔
مقامی صرافہ مارکیٹ میں فی تولہ سونا 1300 روپے کے اضافے سے 4 لاکھ 23 ہزار 862 روپے کا ہو گیا۔
اسی طرح 10 گرام سونا 1115 روپے مہنگا ہو کر 3 لاکھ 63 ہزار 393 روپے میں فروخت ہونے لگا۔
سونے کی عالمی مارکیٹ میں قیمت 13ڈالر بڑھ کر4015 ڈالر فی اونس ہوگئی ۔
چاندی کی قیمتوں میں بھی اضافہ دیکھا گیا، ایک تولہ چاندی 25 روپے اضافے کے بعد 5152 روپے کی سطح پر پہنچ گئی ہے۔
واضح رہے کہ کاروباری ہفتے کے آخری روز یکم نومبر کو عالمی اور مقامی مارکیٹ میں سونا سستا ہوا تھا۔ اس روز عالمی مارکیٹ میں سونا 16 ڈالر کمی کے بعد 4002 ڈالر فی اونس تک گر گیا جبکہ مقامی مارکیٹ میں ایک تولہ سونا 1600 روپے کمی کے بعد 4 لاکھ 22 ہزار 562 روپے پر آ گیا تھا۔
دس گرام سونا 1372 روپے کی کمی کے ساتھ 3 لاکھ 62 ہزار 278 روپے اور ایک تولہ چاندی 65 روپے کمی کے بعد 5127 روپے ہو گئی تھی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرشاہانہ زندگی گزارنے والے ممکنہ ٹیکس چوروں کی نشاندہی کرلی گئی سونے کی قیمت میں کمی ، فی تولہ کتنے کا ہوگیا؟ پاکستان کو سمندر میں تیل و گیس کی دریافت کیلئے کامیاب بولیاں موصول، ایک ارب ڈالر سرمایہ کاری متوقع ایل پی جی کی قیمت میں بڑی کمی کا اعلان، اوگرا نے نوٹیفکیشن جاری کردیا سونے کی قیمت میں ایک بار پھر بڑا اضافہ حکومت کا کمرشل استعمال شدہ گاڑیوں کی درآمد پر 40فیصد ریگولیٹری ڈیوٹی عائد کرنیکا فیصلہ پاکستان اور چین کا صنعتی تعاون مزید بڑھانے پر اتفاقCopyright © 2025, All Rights Reserved
رابطہ کریں ہماری ٹیم
ٹرمپ نے فوج کو فوری طور پر نیوکلیئر ٹیسٹنگ کا حکم دیدیا