پولیس مقابلے : ڈکیت ہلاک‘ 4زخمی حالت میں گرفتار
اشاعت کی تاریخ: 9th, February 2025 GMT
کراچی( اسٹاف رپورٹر ) شہر کے مختلف علاقوں میں پولیس مقابلوں کے دوران ایک ڈاکو مارا گیا ،دیگر مقابلوں میں 4ملزمان کو زخمی حالت میں گرفتا ر کرلیا گیا ۔ تفصیلات کے مطابق جوہر آباد تھانے کی حدود فیڈرل بی ایریا د ستگیر بلاک 9 اسکول کے قریب دو ڈاکوؤں کی لوٹ مار کے دوران شہریوں نے گھیرا ڈالا ، ڈاکوں نے اپنے گرد گہرا تنگ ہوتے دیکھ کر فائرنگ کر دی،موقع پر گشت پر معمور پولیس اہلکار بھی پہنچ گئے ، فائرنگ کے نتیجے میں ساتھی ڈاکو اپنے ہی ساتھی کی گولی کی زد میں آگیا ،اور موقع پر ہی مارا گیا ،ہلاک ڈاکو کی لاش کو پولیس تحویل میں لے کر عباسی شہید اسپتال منتقل کیا گیا جہاں ہلاک ڈاکو کی شناخت 40سالہ محمد ولی ولد شاہ ولی کے نام سے ہوئی ،ہلاک ڈاکو افغانستان سے تعلق ثابت ہوا ہے ۔ پولیس مزید تفتیش جاری ہے ۔ ادھر اسٹیل ٹاؤن تھانے کی حدود گلشن حدید فیز 02 گھگر پھاٹک پارک لین روڈ کے قریب پولیس اور ڈاکوؤں کے درمیان مقابلہ ہوا ۔ دو طرفہ فائرنگ کے تبادلے کے بعد 02 ڈاکو زخمی حالت میں گرفتار ہوئے ،گرفتار ملزمان کی شناخت گمشاد ولد پٹھان اور حسین کے نام سے ہوئی۔ پولیس نے پستول بمعہ گولیاں ، موبائل فون، نقدی اور نقدی برآمد کر لی۔ زخمیوں کو ہسپتال منتقل کر دیا گیا ہے اور مزید تفتیش جاری ہے۔تھانہ اسٹیل ٹاؤن کے علاقے گلشن حدید کے قریب پولیس اور ڈاکوں کے درمیان مقابلہ ہوا ۔گرفتار ملزمان کی شناخت عبد الرسول اور محمد پناہ عرف حاجی کے نام سے ہوئی۔گرفتار ملزمان کے قبضے سے 2 عدد 30 بور پستول بمعہ گولیاں ، 1 عدد موٹر سائیکل, اور نقدی رقم برامد ہوئی۔ملزمان علاقے میں شہریوں سے لوٹ مار کی واردات کر رہے تھے۔زخمی ملزمان کو طبی امداد کیلئے ہسپتال روانہ کردیا گیا ہے۔اسٹیل ٹاؤن پولیس کی جانب سے ضابطے کے تحت قانونی کاروائی عمل میں لائی جارہی ہے اور مزید تفتیش جاری ہے۔ واضح رہے کہ گلشن حدید، سومار گوٹھ میں مبینہ مقابلے کے بعد پرائیویٹ کار میں اہلکار ایمبولنسوں اور موبائلوں کا کانوائے بنا کر گلیوں سڑکوں پر دونوں زخمیوں کو گھماتے رہے اور بلاوجہ شدید ہوائی فائرنگ کرتے رہے۔
.ذریعہ: Jasarat News
پڑھیں:
کراچی میں نو عمر لڑکے سے بدفعلی کی کوشش کرنے والے 2 ملزمان گرفتار
شہر قائد کے علاقے ابراہیم پولیس نے نوعمر لڑکے سے مبینہ طور پر زیادتی کی کوشش کرنے کے الزام میں 2 ملزمان کو گرفتار کرلیا۔
ترجمان ڈسٹرکٹ ملیر کے مطابق ابراہیم حیدری پولیس نے بنگالی پاڑہ میں نوعمر لڑکے کو زیادتی کا نشانہ بنانے کی کوشش ناکام بناتے ہوئے بروقت کارروائی کر کے 2 ملزمان کو گرفتار کرلیا جن کی شناخت فراز اور حمزہ کے نام سے کی گئی۔
پولیس کے مطابق گرفتار ملزمان بچے کو دوست سے ملوانے کا جھانسہ دیکر اپنے ہمراہ لے گئے تھے تاہم پولیس نے اطلاع ملتے ہی موقع پر پہنچ کر دونوں کو ملزمان کو گرفتار کرلیا جبکہ بچے کو پولیس نے جسمانی معائنہ کے لیے اسپتال منتقل کر دیا۔
پولیس نے دونوں ملزمان کے خلاف مقدمہ درج کرلیا ہے اور مزید تفتیش کا عمل جاری ہے۔
نفرت انگیز بیانیہ معاشرے کیلئے زہر قاتل ہے، راغب نعیمی