جنوبی افریقہ کیخلاف شاندار سنچریاں، رضوان اور سلمان نےکئی ریکارڈبناڈالے
اشاعت کی تاریخ: 13th, February 2025 GMT
کراچی (نیوزڈیسک)جنوبی افریقہ کیخلاف شاندار سنچریاں، رضوان اور سلمان نےکئی ریکارڈ بنادیئے،پاکستان کی جانب سے پہلی مرتبہ دو مڈل آرڈر بیٹرز نے ایک اننگز میں سنچریاں اسکور کی ہیں،سہ ملکی سریز کے اہم میچ میں پاکستان نے محمد رضوان اور سلمان آغا کی شاندار سنچریوں کی بدولت جنوبی افریقہ کو شکست دے کر فائنل میں جگہ بنالی۔
سلمان علی آغا اور محمد رضوان نے اس میچ میں نئی تاریخ رقم کی، سلمان آغا 103 گیندوں پر 134 رنز بنا کر آؤٹ ہوئے جب کہ کپتان محمد رضوان 122 رنز بنا کر ناقابل شکست رہے۔پاکستان کی جانب سے پہلی مرتبہ 2 مڈل آرڈر بیٹرز نے ایک اننگز میں سنچریاں اسکور کی ہیں۔
مجموعی طور پر پاکستان کی جانب سے ون ڈے کی اننگز میں 2 سنچریاں 27 ویں بار بنائی گئی ہیں۔سلمان آغا اور محمد رضوان نے پاکستان کی جانب سے چوتھی وکٹ کی سب سے بڑی شراکت بھی بنائی ہے۔
اس سے قبل شعیب ملک اور محمد یوسف نے 2009 میں چوتھی وکٹ پر 206 رنز کی شراکت بنائی تھی۔سلمان آغا اور محمد رضوان نے چوتھی وکٹ پر 260 رنز کی شراکت بنائی۔
آج کے میچ میں نیشنل بینک اسٹیڈیم کراچی میں کھیلےگئے میچ میں جنوبی افریقا نے پہلےکھیلتے ہوئے پاکستان کو 353 رنز کا ہدف دیا جو قومی ٹیم نے محمد رضوان اور سلمان آغا کی شاندار سنچریوں کی بدولت 4 وکٹوں کے نقصان پر 49 اوور میں پورا کرلیا۔
یہ پاکستان کی جانب سے اب تک کامیابی سے مکمل کیا گیا سب سے بڑا ہدف ہے، ون ڈے انٹرنیشنل کی تاریخ میں پاکستان نے کبھی اتنا بڑا ہدف حاصل نہیں کیا تھا۔اس سے قبل پاکستان نے 2022 میں آسٹریلیا کے خلاف 349 رنز کا ہدف حاصل کیا تھا۔
سابق جج سپریم کورٹ عظمت سعید شیخ انتقال کرگئے
ذریعہ: Daily Ausaf
کلیدی لفظ: پاکستان کی جانب سے رضوان اور سلمان محمد رضوان اور محمد میچ میں
پڑھیں:
اے بی ڈی ویلیئرز ریٹائرمنٹ کے بعد بھی باز نہیں آئے، 41 گیندوں پر سینچری بنالی
گریس روڈ لیسٹر میں جمعرات کو ہونے والے ورلڈ چیمپئن شپ آف لیجنڈز (WCL) 2025 کے آٹھویں میچ میں اے بی ڈی ویلیئرز کی ناقابل یقین سنچری کی بدولت ساؤتھ افریقہ چیمپئنز نے انگلینڈ چیمپئنز کو باآسانی شکست دے دی۔
153 رنز کے نسبتاً آسان ہدف کے تعاقب میں ساؤتھ افریقہ چیمپئنز نے صرف 12.2 اوورز میں ہدف حاصل کر لیا۔
اے بی ڈی ویلیئرز نے انگلش باؤلرز پر بھرپور حملے کیے اور ہاشم آملہ کے ساتھ ناقابل شکست 153 رنز کی شراکت داری قائم کی، ڈی ویلیئرز نے جارحانہ کھیل پیش کیا جبکہ ہاشم آملہ نے محتاط انداز اپنایا۔
یہ بھی پڑھیں:
پاور پلے کے اختتام تک ساؤتھ افریقہ نے 80 رنز بنا لیے، جس میں لیام پلنکٹ کے ایک اوور میں پڑنے والے 21 رنز بھی شامل تھے۔ ڈی ویلیئرز نے صرف 19 گیندوں پر اپنی نصف سنچری مکمل کی جبکہ آملہ نے 17 گیندوں پر 14 رنز بنائے۔
41 سالہ ڈی ویلیئرز نے اپنی جارحیت جاری رکھی اور اننگز کے 10ویں اوور کی دوسری گیند پر سنگل لے کر صرف 41 گیندوں پر اپنی سنچری مکمل کی، انہوں نے اپنی اننگز میں صرف 51 گیندوں پر 116 رنز بنائے، جس میں 7 چھکے اور 15 چوکے شامل تھے، ان کے ساتھ شراکت داری کرتے ہوئے ہاشم آملہ محض 29 رنز ہی بنا سکے۔
اس سے قبل انگلینڈ چیمپئنز نے ساؤتھ افریقہ کو 153 رنز کا ہدف دیا، جو ان کی مضبوط بولنگ کی بدولت ممکن ہوا۔ انگلینڈ کی جانب سے فل مسٹرڈ نے 33 گیندوں پر 3 چوکوں اور ایک چھکے کی مدد سے 39 رنز بنائے، جبکہ کپتان ایون مورگن نے 14 گیندوں پر 20 رنز اسکور کیے جس میں 2 چوکے اور ایک چھکا شامل تھا۔
مزید پڑھیں:
ساؤتھ افریقہ چیمپئنز کی طرف سے عمران طاہر اور وین پارنیل نے ایک ایک وکٹ حاصل کی۔
ورلڈ چیمپئن شپ آف لیجنڈز 2025 کا یہ ٹورنامنٹ انگلینڈ کے چار میدانوں یعنی ایجبیسٹن (برمنگھم)، کاؤنٹی گراؤنڈ (نارتھمپٹن)، گریس روڈ (لیسٹر) اور ہیڈنگلے (لیڈز) پر کھیلا جا رہا ہے۔
ٹورنامنٹ میں بھارت، پاکستان، آسٹریلیا، انگلینڈ، ساؤتھ افریقہ اور ویسٹ انڈیز راؤنڈ روبن فارمیٹ میں مدمقابل ہوں گی، جبکہ سرفہرست 4 ٹیمیں سیمی فائنلز کے لیے کوالیفائی کریں گی۔
یہ ٹورنامنٹ اپنی نوعیت کا دوسرا ایڈیشن ہے؛ اس سے قبل پہلا ایڈیشن 2024 میں ہوا تھا جس میں یوراج سنگھ کی قیادت میں بھارتی ٹیم نے چیمپیئنز کا اعزاز حاصل کیا تھا۔
کھیلی جانے والی ٹیمیں:
انگلینڈ چیمپئنز: فل مسٹرڈ (وکٹ کیپر)، ایان بیل، ایون مورگن (کپتان)، معین علی، روی بوپارا، ٹِم ایمبروز، سمت پٹیل، لیام پلنکٹ، اجمل شہزاد، اسٹورٹ میکر، دیمتری ماسکریناس۔
ساؤتھ افریقہ چیمپئنز: ژاک روڈولف، سارل اروِی، اے بی ڈی ویلیئرز (کپتان), جے پی ڈومنی، جے جے اسموٹس، مرنے وین وک (وکٹ کیپر), وین پارنیل، کرس مورس، ہارڈس ولجون، ڈوان اولیویئر، عمران طاہر۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اے بی ڈی ویلیئرز جارحانہ جنوبی افریقہ سینچری محتاط ہاشم آملہ
برازیل حکومت سابق صدر کو چھوڑ دے یا 50 فیصد ٹیکس دے: ٹرمپ کی بلیک میلنگ