آئی فون کی نئی ڈیوائس کی لانچ سے متعلق بڑی خبر!
اشاعت کی تاریخ: 13th, February 2025 GMT
بلومبرگ سے تعلق رکھنے والے مارک گرمن نے تازہ ترین بیان میں کہا ہے کہ ٹیکنالوجی کمپنی ایپل اپنی فلیگ شپ ڈیوائس آئی فون ایس ای 4 آئندہ ہفتے متعارف کرائے گی۔
گزشتہ روز یعنی بدھ کو گُرمن کی جانب سے کی گئی ایک ٹویٹ میں کہا گیا کہ نیا آئی فون ایس ای 4عنقریب متعارف کرایا جانے والا ہے اور آئندہ ہفتے تک جب کمپنی کی جانب سے بریفنگ کی جائے گی، اس کا اعلان کر دیا جانا چاہیئے۔ جمعرات کو ایک چھوٹا سا اعلان ہوگا جبکہ جمعے کو ایپل ویژن پرو کے نمائندے ایک اعلان کے حوالے سے پریس کانفرنس کریں گے۔
New iPhone SE is still imminent and should be announced by next week, when the company is holding product briefings.
دلچسپ بات یہ ہے کہ مارک گرمن نے اپنے ٹویٹ مین آئی فون ایس ای 4 کے لانچ ایونٹ کا ذکر نہیں کیا ہے، تو عین ممکن ہے ڈیوائس کے متعلق باقاعدہ طور پر ایک پریس ریلیز سے آگاہ کیا جائے۔
آئی فون ایس ای 4 کے متعلق عرصے سے بتایا جا رہا ہے کہ یہ آئی فون 14 سے مشابہ ہوگا۔ اس میں 6.06 انچ کی ایف ایچ ڈی+ ایل ٹی پی ایس او ایل ای ڈی اسکرین 60 ہرٹز ریفریش ریٹ کے ساتھ ہوگی اور فون کے سامنے چہرے کی شناخت کے لیے ایک نوچ اور کیمرا ہوگا۔
واضح رہے فون میں اے 18 چپ، 8 جی بی ریم، 48 میگا پکسل کیمرا اور 12 میگا پکسل سیلفی کیمرا کی شمولیت بھی متوقع ہے۔
ذریعہ: Express News
کلیدی لفظ: ا ئی فون ایس ای
پڑھیں:
پاریش راول نے نیشنل ایوارڈز سے متعلق بڑا انکشاف کردیا
معروف بھارتی اداکار پاریش راول نے انکشاف کیا ہے کہ بھارت کے نیشنل ایوارڈز جیسے معتبر اعزازات بھی لابنگ سے مکمل طور پر پاک نہیں ہیں۔
ایک حالیہ پوڈکاسٹ میں راول نے بتایا کہ جس طرح آسکر ایوارڈز میں لابنگ ہوتی ہے اور اثرو رسوخ کی بنیاد پر ایوارڈز خریدے یا دیے جاتے ہیں، ویسی ہی سرگرمیاں بھارت کے نیشنل ایوارڈز میں بھی دیکھنے کو ملتی ہیں۔
1993 میں نیشنل ایوارڈ وصول کرنے والے اداکار کا کہنا تھا کہ اگرچہ نیشنل ایوارڈز میں لابنگ کا عنصر کم ہے، لیکن دیگر فلمی ایوارڈز کے مقابلے میں اسے زیادہ معتبر سمجھا جاتا ہے۔
اداکار کے مطابق آسکر سمیت دنیا بھر کے بڑے ایوارڈز میں نیٹ ورکنگ اور ذاتی تعلقات نمایاں کردار ادا کرتے ہیں۔ بقول پاریش راول ’لابنگ کے لیے بڑی پارٹیاں بھی منعقد کی جاتی ہیں‘۔
پاریش راول نے مزید کہا کہ وہ ایوارڈز سے زیادہ ہدایت کاروں اور مصنفین کی جانب سے ملنے والی تعریف کو اہمیت دیتے ہیں۔ ان کے مطابق ان کے لیے سب سے بڑا اعزاز یہی ہے کہ ان کا کام تخلیقی ٹیم کو متاثر کرے۔
اسلام آباد: وفاقی وزیر برائے قومی غذائی تحفظ رانا تنویر حسین سے کینیڈین ہائی کمشنر ملاقات کررہے ہیں