ٹنڈو جام ، مہندی کی رسم میں فائرنگ سے زخمی نوجوان چل بسا،تعداد 2ہوگئی
اشاعت کی تاریخ: 14th, February 2025 GMT
ٹنڈوجام ،مہندی کی تقریب میں فائرنگ سے جاں بحق اسراراحمد پٹھان کی یادگار تصویر
ٹنڈوجام(نمائندہ جسارت)شادی کی رسم مہندی میں ہونے والی فائرنگ سے زخمی ہونے والا نوجوان دم توڑ گیا گھر میں کہرام مچ گیا اس قبل بھی مہندی راجپوت نام کی خاتون گولی سے جابحق ہو چکی ہے ملزم فرار۔ تفصیلات کے مطابق گزشتہ روز المدنیہ ہاوسنگ سو سائٹی میں ایک شادی کی مہندی کی تقریب میں علاقے کے لوگوں کے مطابق شدید فائر نگ میں کی جارہی تھی کہ ایک نوجوان اسرار احمد پٹھان جو علاقے کے لوگوں کے مطابق چھت پر شٹرنگ کا کام کر رہا تھا اس کے سر میں ایک گولی آکر لگی جس کے بعد اسے فوری اسپتال پہنچایا لیکن حالت نازک ہونے کی وجہ سے کراچی منتقل کیا گیا لیکن وہاں پر نوجوان دم توڑ گیا نوجوان کی ہلاکت کی خبر سے اس کے گھر میں کہرام مچ گیا واضح رہے کہ اس قبل بھی شادی میں فائرنگ کی وجہ ایک خاتون مہندی راجپوت جا بحق ہو چکی ہے پولیس نے مقدمہ درج کر لیا اور اس واقعے میں ملوث جس کا نام عادل قائم خانی بتایا جارہا ہے وہ فرار ہے اور پولیس کے مطابق وہ اس کی گرفتاری کے لیے چھاپے مار رہی ہے۔ ٹنڈوجام کی عوام اور سماجی رہنما ارشاد سولنگی نے کہا ہے جب ہوائی فائرنگ اور آتش بازی پر پابندی لگی ہوئی تو پھر شادی ہالوں کے باہر ہونے والی فائرنگ اور آتش بازی کے خلاف پولیس کارروائی کیوں نہیں کرتی جبکہ شادی ہالوں کے قریب لوگ رہتے ہیں انہوں نے کہا روز روز کی فائرنگ کی وجہ سے لوگوں کی زندگی غیر محفوط بن کر رہ گئی اور پولیس کوئی افسوناک واقعہ ہونے کے بعد کارروائی کرتی اگر وہ پہلے کارروائی کرے تو اس طرح کے افسوناک واقعات رونما نہ ہوں۔
.ذریعہ: Jasarat News
کلیدی لفظ: کے مطابق
پڑھیں:
کراچی؛ پولیس مقابلے میں ہلاک و زخمی ڈکیت ایس پی یو اہلکار کی شہادت میں ملوث نکلے
کراچی:کورنگی میں پولیس مقابلے میں ہلاک اور زخمی حالت میں گرفتارڈکیت اسپیشل پروٹیکشن یونٹ کے اہلکارکی شہادت میں ملوث نکلے۔
جمعہ کی علی الصبح کورنگی تھانے کے علاقے کورنگی نمبر 4 واقع تنظیم فلورملزکے قریب پولیس اور ڈکیتوں کے درمیان دو طرفہ فائرنگ کے تبادلے میں 2 ڈکیت ہلاک اورایک ڈکیت کو زخمی حالت میں گرفتار کیا گیا تھا۔
ڈکیتوں کے قبضے سے دو 30 بور پسٹلز اورایک نائن ایم ایم پسٹل بمعہ رائونڈز،2 موٹرسائیکلزاور3 موبائل فونز برآمد کر لیے گئے۔ ہلاک ڈکیتوں کی شناخت مہران ولد بہادر اورحمید عرف مُنا جبکہ زخمی حالت میں گرفتار ڈکیت کی شناخت نثار عرف فیصل ولد رمضان کے نام سے کی گئی ۔
ایس ایچ اوکورنگی کے مطابق پولیس مقابلے میں ہلاک اورزخمی حالت میں گرفتار ڈکیت اسپیشل پروٹیکشن یونٹ کے اہلکار محمد عمیر کی شہادت میں ملوث تھے۔ ابتدائی معلومات کے مطابق ملزمان عادی جرائم پیشہ ہیں اورکورنگی پولیس کو متعدد وارداتوں میں مطلوب تھے۔ ملزمان کا مزید کریمنل ریکارڈ بھی چیک کیا جا رہا ہے۔
علی گنڈاپور صادق و امین نہیں رہے، وزیراعلیٰ پختونخوا کیخلاف مقدمے کی درخواست