سائنس دانوں کی حیرت انگیز دریافت: کینسر زدہ خلیوں کو صحت مند بنانے والا ’سوئچ‘ دریافت
اشاعت کی تاریخ: 14th, February 2025 GMT
سیول:جنوبی کوریا کے سائنس دانوں نے ایک اہم سائنسی پیش رفت حاصل کی ہے، جس میں انہوں نے ایک ایسا ’سوئچ‘ دریافت کیا ہے جو کینسر سے متاثرہ خلیوں کو دوبارہ صحت مند حالت میں واپس لا سکتا ہے۔
غیرملکی میڈیا رپورٹس کے مطابق یہ انقلابی دریافت روایتی علاج کے برعکس ایک نئی راہ متعین کر سکتی ہے، جس میں خلیوں کو تباہ کرنے کے بجائے انہیں دوبارہ درست کام کرنے پر مجبور کیا جاتا ہے۔
کینسر کا روایتی علاج اور نئی پیش رفت
کینسر کا موجودہ علاج عام طور پر تین بنیادی طریقوں پر مبنی ہوتا ہے، ایک طریقہ سرجری ہے جس میں متاثرہ خلیے جسم سے نکال دیے جاتے ہیں، دوسرا طریقہ تابکاری (ریڈی ایشن تھراپی) ہے جس میں کینسر زدہ خلیوں کو ہائی انرجی شعاعوں سے تباہ کیا جاتا ہے، تیسرا کیموتھراپی ہے، جس میں ایسی ادویات دی جاتی ہیں جو کینسر خلیوں کو ختم کرتی ہیں، مگر اس کے ساتھ صحت مند خلیے بھی متاثر ہو سکتے ہیں۔
لیکن اس نئی تحقیق میں ایک بالکل مختلف نقطہ نظر اپنایا گیا ہے، جہاں سائنس دانوں نے خلیوں کی ری وائرنگ کے ذریعے انہیں دوبارہ صحت مند بنانے پر توجہ دی ہے۔
تحقیق میں شامل سائنس دانوں نے مشاہدہ کیا کہ خلیے ایک ایسے عبوری مرحلے سے گزرتے ہیں جہاں وہ بیک وقت صحت مند اور کینسر زدہ ہوتے ہیں۔ ماہرین نے اس موقع پر ایک مخصوص مالیکیولر سوئچ کو متحرک کیا، جس کے نتیجے میں کینسر خلیے صحت مند خلیوں میں تبدیل ہو گئے۔
طبی ماہرین نے کہاکہ یہ عمل ایسے ہے جیسے پانی 100 ڈگری سیلسیئس پر ابل رہا ہو اور ایک مختصر لمحے کے لیے نہ مکمل طور پر مائع ہوتا ہے، نہ ہی بھاپ۔ اسی طرح، کینسر خلیے بھی ایک خاص مقام پر بیک وقت صحت مند اور بیمار ہوتے ہیں، اور یہی وہ موقع ہوتا ہے جب ان کی ری وائرنگ ممکن ہوتی ہے۔
.
ذریعہ
ذریعہ: Jasarat News
کلیدی لفظ: خلیوں کو
پڑھیں:
جوز بٹلر نے ویسٹ انڈیز کے لیجنڈ کو بھی پیچھے چھوڑ دیا
لندن(نیوز ڈیسک) انگلینڈ کے مایہ ناز وکٹ کیپر بلے باز جوز بٹلر نے ویسٹ انڈیز کے لیجنڈ کرس گیل کو پیچھے چھوڑ دیا۔
دی ہنڈریڈ میں مانچسٹر سپر جائنٹس اور لندن اسپرٹ کے درمیان لارڈز میں کھیلے گئے میچ کے دوران بٹلر نے صرف 16 رنز کی اننگز کھیلنے کے باوجود ٹی ٹوئنٹی کیریئر 14 ہزار 572 رنز کے ساتھ ٹی ٹوئنٹی کرکٹ کی تاریخ میں دوسرے سب سے زیادہ رنز بنانے والے بلے باز بن گئے۔
کرس گیل اب 14 ہزار 562 رنز کے ساتھ تیسرے نمبر پر چلے گئے ہیں۔
ٹی ٹوئنٹی کرکٹ میں سب سے زیادہ رنز بنانے کا عالمی ریکارڈ اب بھی ویسٹ انڈیز کے آل راؤنڈر کیرون پولارڈ کے پاس ہے جنہوں نے 14 ہزار 803 رنز بنا رکھے ہیں۔
بٹلر اب اس سنگ میل سے صرف 231 رنز دور ہیں اور رواں سیزن میں یہ اعزاز اپنے نام کر سکتے ہیں۔
واضح رہے کہ 35 سالہ بٹلر بین الاقوامی ٹی ٹوئنٹی کرکٹ میں بھی سب سے زیادہ رنز بنانے والوں کی فہرست میں تیسرے نمبر پر موجود ہیں۔
مزید پڑھیں۔امریکہ کا پاکستان سمیت 60 ممالک پر نئے ٹیرف عائد کرنے کا اعلان
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم