ترکیہ: پاکستان مثالی دوستی
اشاعت کی تاریخ: 15th, February 2025 GMT
برادر اسلامی ملک جمہوریہ ترکیہ کے صدر عزت مآب رجب طیب اردوان پاکستان کا دو روزہ دورہ مکمل کر کے اپنے وطن واپس پہنچ گئے ہیں۔ پاکستان اور ترکیہ کے برادر مسلمان عوام میں قدیم اور تاریخی تعلقات ہیں۔ ترک عوام کی جدوجہد آزادی میں برصغیر کے عوام نے اپنے بھائیوں کا بھر پور ساتھ دیا اس دور میں یہاں برپا کی جانے والی ’تحریک خلافت‘ کو بھی فراموش نہیں کیا جا سکتا جس کے نقوش آج بھی دونوں ملکوں کی تاریخ پر خاصے گہرے ثبت ہیں، ترک عوام نے برصغیر کے عوام کے کردار کو اس حوالے سے ہمیشہ یاد رکھا ہے پاکستان اور ترکیہ کے مابین صدیوں پر محیط برادرانہ دوستانہ تعلقات اخوت، محبت اور زبردست اعتماد کے رشتوں پر استوار ہیں، دونوں ملکوں کے عوام کے دل ایک ساتھ دھڑکتے ہیں، تاریخ کے سنہری اور یادگار لمحات ہوں یا آزمائش کے کٹھن مراحل، دونوں ملکوں کے عوام ہمیشہ ایک دوسرے کے دوش بدوش کھڑے نظر آتے ہیں، دوستی اور باہمی اعتماد کے یہ مضبوط رشتے پوری دنیا کے لیے ایک روشن اور قابل تقلید مثال کی حیثیت رکھتے ہیں جو وقت گزرنے کے ساتھ ساتھ مضبوط سے مضبوط تر ہو رہے ہیں۔ دونوں ملک ماضی میں ایران، ترکی اور پاکستان کے مابین علاقائی تعاون برائے ترقی کی تنظیم آر سی ڈی میں بھی نہایت قریبی تعاون کے رشتوں میں منسلک رہے ہیں اور آج بھی پاکستان اور ترکیہ ایک دوسرے کی ترقی اور خوش حالی کی خاطر دو طرفہ مثالی تعاون کے کئی معاہدوں میں بندھے ہوئے ہیں۔ دونوں ملکوں نے آزمائش کی ہر گھڑی میں ایک دوسرے کا بھر پور ساتھ دیا ہے، پاکستان میں زلزلہ، سیلاب اور دیگر زمینی اور آسمانی آفات کے موقع پر ترکیہ کی حکومت اور عوام نے بڑھ چڑھ کر بحالی کے کام میں مدد کی ہے۔ 2010ء میں جب پاکستان میں بڑے پیمانے پر سیلاب نے تباہی مچائی تو ترکیہ نے امداد کا حق ادا کر دیا۔ صدر رجب طیب اردوان اور خاتون اول امینہ اردوان نے ذاتی طور پر پاکستان پہنچ کر سیلاب میں گھرے ہوئے علاقوں کا دورہ کیا اور متاثرہ دیہات میں تباہ ہونے والے اسکولوں، اسپتالوں اور گھروں کی از سر نو تعمیر کے لیے فراخدلی سے امداد فراہم کی، یوں پہلے سے صدر رجب طیب اردوان کے گرویدہ پاکستانی عوام کے دل انہوں نے اپنے کردار اور عمل سے جیت لیے۔ عالمی سطح پر بھی دونوں ممالک ہمیشہ ایک صف میں کھڑے نظر آئے ہیں، مسئلہ کشمیر پر پاکستان کے موقف کی غیر مشروط حمایت جمہوریہ ترکیہ کی خارجہ پالیسی کا ستون ہے اور ترکیہ نے بھارت کے غیر قانونی تسلط میں خطۂ کشمیر کے عوام کی بے مثال جدوجہد آزادی اور اقوام متحدہ کی قراردادوں کی روشنی میں ان کے حق خود ارادیت کی غیز متزلزل حمایت کی ہے، اسی طرح پاکستان بھی شمالی قبرص کے معاملے پر جمہوریہ ترکیہ کے منصفانہ موقف کے ساتھ کھڑا رہا ہے، ترکیہ اور پاکستان نے فلسطین اور خصوصاً غزہ پر اسرائیل کی حالیہ جارحیت کی بھی ڈٹ کر مخالفت اور مذمت کی ہے اور مظلوم فلسطینی مسلمانوں کی آ زاد اور خود مختار ریاست کی حمایت کی ہے جس کا دارالحکومت بیت المقدس ہو۔ پاکستان کی طرح ترکیہ کو بھی دہشت گردی کی لعنت کا سامنا ہے، دونوں ملک اس کے خاتمہ کے لیے پرعزم ہیں اور ایک دوسرے سے تعاون کر رہے ہیں…!
جمہوریہ ترکیہ کے صدر رجب طیب اردوان عالمی برادری میں ممتاز اور باوقار مقام رکھتے ہیں وہ اسلامی دنیا کے نہایت محترم رہنما ہیں انہوں نے جب سے ترکیہ کا اقتدار سنبھالا ہے، اپنی قائدانہ صلاحیتوں اور جرأت مندانہ کردار کی بدولت ترکیہ کو ترقی و خوش حالی اور عزت و وقار کی ایک نئی منزل سے روشناس کرایا ہے، انہوں نے نہ صرف ترکیہ میں اندرونی طور پر ایک انقلاب برپا کر کے ملک استحکام اور عوام میں اپنی مقبولیت میں اضافہ کیا ہے بلکہ بین الاقوامی سطح پر بھی مختلف معاملات و مسائل میں ان کے دو ٹوک، واضح اور منصفانہ موقف کے سبب جمہوریہ ترکیہ کا شمار دنیا کے اہم ممالک میں ہونے لگا ہے۔ پاکستان کے حوالے سے یہ حقیقت بھی نہایت اہم ہے کہ ان کی حکومت کے دوران دونوں ممالک کے مابین دوستی کے بندھن مضبوط سے مضبوط تر ہوئے ہیں اور ان میں باہمی شراکت داری کو پائیدار بنیادوں پر فروغ و استحکام حاصل ہو رہا ہے جو بلا شبہ دونوں برادر ملکوں کے عوام کے مفاد میں ہے۔ صدر رجب طیب اردوان کے حالیہ دو روزۂ دورہ پاکستان کے دوران دونوں ملکوں نے تجارت، خزانہ، دفاع، سائنس اور ٹیکنالوجی، توانائی، اطلاعات و نشریات، تعلیم، صحت، غذائی تحفظ، آبی وسائل، مذہبی امور سمیت مختلف شعبوں میں باہمی تعاون اور اشتراک کار کے فروغ کے لیے 24 معاہدوں، پروٹو کولز اور مفاہمت کی یادداشتوں پر دستخط اور دستاویزات کا تبادلہ کیا۔ تجارتی حجم بڑھا کر 5 ارب ڈالر کی سطح پر لانے پر اتفاق کیا گیا۔ پاکستان کے دورے پر آئے ترک صدر رجب طیب اردوان نے صدر آصف زرداری اور وزیر اعظم شہباز شریف سے ملاقات کی۔ پاکستان ترکیہ اعلیٰ سطحی تزویراتی تعاون کونسل کے اجلاس کے بعد وزیر اعظم ہائوس میں سمجھوتوں پر دستخطوں کی باضابطہ تقریب ہوئی جس میں پاکستانی وزیر اعظم شہباز شریف اور ترکیہ کے صدر رجب طیب اردوان نے شرکت کی۔ شہباز شریف اور طیب اردوان نے تزویراتی شراکت داری کو مزید گہرا اور متنوع بنانے اور ادارہ جاتی شکل دینے کے لیے پاکستان۔ ترکیہ اسٹرٹیجک کونسل کے ساتویں اجلاس کے مشترکہ اعلامیہ پر دستخط کیے۔ اس موقع پر دونوں جانب سے دستخط شدہ 24 معاہدوں، پروٹو کولز، اعلامیوں اور ایم او یوز کا تبادلہ کیا گیا۔ ان میں سماجی اور ثقافتی مقاصد کے لیے فوجی، سویلین اہلکاروں کے تبادلے، ائر فورس الیکٹرونک وارفیئر میں تعاون، ملٹری ہیلتھ کے شعبے میں تربیت اور تعاون، ہائیڈرو کاربن، انرجی ٹرانزیشن، کان کنی، تجارتی معاہدے کو اپ گریڈ کرنے، تجارتی سرٹیفکیٹس کی تصدیق کی ڈیجیٹلائزیشن، زرعی بیج، آبی شعبے میں تعاون کے معاہدے، لیگل میٹرولوجی انفرا اسٹرکچر کے قیام کی یادداشت، ٹیکسٹائل ٹیکنالوجی سینٹر کی تکنیکی معاونت اور ترقی، ایکسپورٹ کریڈٹ، حلال تجارت، دینی خدمات اور مذہبی تعلیم کے شعبوں میں تعاون، حج اور عمرہ کی ادائیگی، تعلقات عامہ اور کمیونیکیشنز میں تعاون بڑھانے، صحت اور ادویہ سازی کے شعبے میں تکنیکی تعاون، بحری اور ایرو اسپیس کی صنعت، دفاعی صنعت و دفاعی پیداوار، ثقافت اور آڈیوویژول سروسز پروڈکشن کے شعبوں میں معاہدوں اور مفاہمت کی یادداشتوں پر متعلقہ وزراء اور اعلیٰ حکام نے دستخط کیے۔ دونوں ملکوں نے شدت پسندی، دہشت گردی اور فرقہ واریت کے چیلنجوں سے نمٹنے کے لیے باہمی مشاورت جاری رکھنے اور مشترکہ حکمت عملی اپنانے کا فیصلہ بھی کیا۔ اس حوالے سے جائزہ لیا جائے تو یہ حقیقت روز روشن کی طرح نمایاں ہو کر سامنے آتی ہے ترکیہ کے صدر عزت مآب رجب طیب اردوان کا دورہ نہایت کامیاب رہا ہے انہوں نے اپنے اس دورہ میں مختصر وقت میں دور رس اثرات کے حامل معاہدے کیے ہیں جن کے نتیجے میں بجا طور پر یہ توقع کی جا سکتی ہے کہ یہ دورہ دونوں ممالک کے مابین مضبوط دو طرفہ دوستانہ و برادرانہ تعلقات، باہمی دوستی، ترقی اور خوش حالی کے نئے باب رقم کرے گا جن سے دونوں برادر ممالک کے عوام یکساں مستفید ہو سکیں گے!!
.ذریعہ: Jasarat News
کلیدی لفظ: صدر رجب طیب اردوان ترکیہ کے صدر دونوں ملکوں پاکستان کے اردوان نے ایک دوسرے اور ترکیہ دونوں ملک میں تعاون کے مابین انہوں نے کے عوام عوام کے کے لیے
پڑھیں:
سی ڈی اے کی جانب سے ایرانی صدر کے استقبال میں مثالی انتظامات، شہر کو جھنڈوں اور انتہائی شاندار اور خوبصورت لائٹس سے سجا دیا گیا
سی ڈی اے کی جانب سے ایرانی صدر کے استقبال میں مثالی انتظامات، شہر کو جھنڈوں اور انتہائی شاندار اور خوبصورت لائٹس سے سجا دیا گیا WhatsAppFacebookTwitter 0 3 August, 2025 سب نیوز
اسلام آباد (سب نیوز ) ایرانی صدر کے دورۂ اسلام آباد کے موقع پر سی ڈی اے کی جامع تیاریاں۔اسلام آباد شہر کو دونوں ملکوں کے خوبصورت جھنڈوں اور انتہائی شاندار اور خوبصورت لائٹس سے سجا دیا گیا۔
ایران کے صدر کا حالیہ دورۂ پاکستان اور ایران دونوں ہمسایہ ممالک کے درمیان تاریخی، ثقافتی اور برادرانہ تعلقات کو مزید مضبوط بنانے کی جانب ایک اہم کامیابی ہے۔پاکستان کے دارالحکومت اسلام آباد میں برادر اسلامی ملک کے معزز مہمان کے استقبال کے لیے تیاریوں کے لیے سی ڈی اے نے شاندار تیاریاں کیں جن کو کومرکزی حیثیت حاصل ہے۔
وفاقی وزیر داخلہ محسن نقوی کے ویژن اور چیئرمین سی ڈی اے محمد علی رندھاوا کی زیر قیادت کیپیٹل ڈیولپمنٹ اتھارٹی (سی ڈی اے) نے معزز مہمان کے اسلام آباد میں شایان شان استقبال اور اس سلسلہ میں تیاریوں میں اہم اور فعال کردار ادا کیا۔
وفاقی دارالحکومت اسلام آباد مہمان نوازی، وقار اورادارہ جاتی مہارت کی بھرپور عکاسی کرتا ہے جو کہ ایسے اعلیٰ سطح کے دوروں میں ضرورت ہوتی ہے۔
ایرانی صدر کی آمد کے پیش نظر سی ڈی اے نے شہر بھر کی خوبصورتی کو بڑھانے کے علاوہ وفاقی دارلحکومت اسلام آباد کو دونوں برادر اسلامی ممالک کے رنگ برنگے جھنڈوں سے نہ صرف بھر دیا جس سے شہر کی خوبصورتی کو چار چاند لگ گئے۔ ایران کے صدر کے روٹ پر آنے والے تمام اہم مقامات کو جدید اور خوبصورت روشنیوں سے سجایا گیا جس سے وفاقی دارالحکومت روشنیوں کے شہر میں تبدیل ہونے کے علاوہ ایک پُروقار اور خوش نما اور مزید خوبصورت لگنے لگا۔ یہ روشنیاں نہ صرف شہر کی خوبصورتی میں اضافے کا سبب بنیں بلکہ پاکستان کی طرف سے ایرانی مہمان کے گرمجوش سے استقبال کی علامت بھی بنیں۔
مزید برآں دونوں ممالک کے مابین مضبوط سفارتی تعلقات کو اجاگر کرنے کے لیے پاکستان اور ایران کے قومی پرچموں کو تمام اہم شاہراہوں اور چوراہوں پر نمایاں طور پر آویزاں کیا گیا۔ اس سجاوٹ نے شہر کے ماحول میں ایک اور باوقار رنگ بھرا اور ظاہر کیا کہ اسلام آباد عالمی رہنماؤں کی میزبانی کے لیے کتنی خوش اسلوبی سے تیار جاسکتا ہے۔
وفاقی وزیر داخلہ کے ویژن کے مطابق سی ڈی اے کے چیرمین محمد علی رندھاوا نے دن رات محنت کرتے ہوئے معزز مہمان کی اسلام آباد میں آمد کے موقع پر بھر پور تیاریاں کرتے شہر کو خوبصورت جھنڈوں اور برقی قمقموں سے سجا دیا۔ سڑکوں کی خاص طور پر بہترین صفائی کے علاوہ گرین بیلٹس کی مناسب دیکھ بھال کے ساتھ ساتھ اہم عوامی مقامات پر خوبصورت پھولوں کی آرائش کی گئی۔ یہ تمام اقدامات سی ڈی اے نے پوری محنت، دل جمعی اور پورے خلوس اور پروفیشنل انداز میں دیگر متعلقہ محکموں کے ساتھ ہم آہنگی سے کیے جو چیئرمین سی ڈی اے محمد علی رندھاوا کی قیادت میں بہترین کارکردگی کی عکاسی کرتے ہیں جس کی بدولت اسلام آباد کوصاف، سرسبز اور منظم اماڈل دارالحکومت کے طور پر برقرار رکھنے میں مدد مل سکے۔
ایرانی صدر کا دورہ نہ صرف پاکستان کی خارجہ پالیسی میں علاقائی تعاون، مشترکہ ترقی اور باہمی احترام کی ترجیحات کا مظہر ہے بلکہ یہ اسلام آباد کے لیے خود کو امن، ترقی اور منصوبہ بندی کا شہر ثابت کرنے کا موقع بھی ہے۔ چیئرمین سی ڈی اے محمد علی رندھاوا کی قیادت میں اسلام آباد نے معزز مہمان کے بھر پور استقبال کے لیے بہترین اور شاندار انتظامات کیے گیے۔
مزید برآں ایرانی صدر کا یہ دورہ پاکستانی قوم کے لیے باعثِ فخر ہے۔ وفاقی وزیر داخلہ کے ویژن کے مطابق سی ڈی اے نے چیئرمین محمد علی رندھاوا کی قیادت میں اس موقع کو یادگار بنا دیا۔ اسلام آباد کو ایک جدید، خوبصورت اور مہمان نواز دارالحکومت میں تبدیل کر کے نہ صرف مہمان نوازی کی اعلی روایات کو برقرار رکھا بلکہ طویل مدتی وژن کے تحت اسلام آباد کو دنیا کے خوبصورت اور بہترین نظم و نسق والے دارالحکومتوں میں شامل کرنے کی جانب بھی ایک اہم قدم اُٹھایا گیا جس کو عوام نے بے حد سراہا
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرویسٹ انڈیز نے دوسرے ٹی ٹوئنٹی میں پاکستان کو سنسنی خیز مقابلے کے بعد شکست دی عمران خان نے ڈیل کی آفر لے جانے پر علی امین پر جوتی اٹھا لی تھی، سہیل وڑائچ کا انکشاف نواز شریف اور شہباز شریف کے کزن شاہد شفیع انتقال کر گئے خیبرپختونخوا کے مختلف اضلاع میں فورسز کی کارروائیاں، 7 ماہ میں 892 دہشت گرد ہلاک ایشیا کپ 2025 کے وینیوز کا اعلان، دبئی اور ابوظہبی میں میدان سجے گا،پاک انڈیا ٹاکرا بھی فائنل، غیرملکی مسافروں کیلئے ایئرپورٹس پر علیحدہ امیگریشن کا ئونٹرز قائم کرنے کا فیصلہ اسحاق ڈار کی سید عباس عراقچی سے ملاقات، تجارت و اقتصادی تعاون پر اتفاقCopyright © 2025, All Rights Reserved
رابطہ کریں ہمارے بارے ہماری ٹیم
ایران نے امریکی جی پی ایس سے منہ موڑلیا، کیا یہ ایک نئی ٹیکنالوجی وار کا آغاز ہے؟