نوابشاہ،ڈکیتی میں ملوث مبینہ ملزم کی پولیس حراست میں ہلاکت
اشاعت کی تاریخ: 16th, February 2025 GMT
نواب شاہ (نمائندہ جسارت)چند روز قبل تھانہ سکرنڈ کی حدود میں ڈکیتی کی واردات ہوئی تھی جس میں نواز خاندان کے نوجوان کو زبردستی پولیس موبائل میں بٹھایا گیا تھا جس کی تفتیش تاحال جاری تھی کہ نوجوان محمد نواز زرداری پولیس حراست میں دم توڑ گیا جبکہ اس کے بھائی امیر نواز زرداری عرف پپو نے میڈیا سے گفتگو کرتے ہوئے کہا کہ میرے بھائی کی موت پولیس کی غفلت کے باعث ہوئی ہے جبکہ ڈی آئی جی شہید بے نظیر آباد نے انکوائری آفیسر ایس ایس پی ضلع سانگھڑ کو مقرر کرکے متعلقہ ایس ایچ او کا تبادلہ کر دیا ہے جبکہ امیر نواز زرداری عرف پپو زرداری نے اپنے بھائی محمد نواز کے انتقال کی تصدیق کر دی ہے۔ چند روز قبل نوابشاہ قومی شاہراہ سکرنڈ پر ایکسائز پولیس کی وردی پہن کر ڈکیتی کرنے والے دو ملزمان کی نشاندہی پر لوٹا ہوا 10 ٹن گھی ایک دوکان سے بر آمد ہوا تھا، ڈکیتی کرنے والے 5 میں سے 2 ملزمان کو اہل علاقہ نے پکڑ کر پولیس کے حوالے کیا ،3 ڈکیت مفرور ہیں ،دونوں ملزمان کی شناخت نواز زرداری اور سجاد سیلرو کے نام سے ہوئی تھی ، ملزم نواز زرداری کی پولیس حراست میں پر اسرار ہلاکت کئی سوال پیدا کررہی ہے ،کیا نواز زرداری نے کچھ ایسا بتا دیا تھا کہ جس سے کسی بڑی مچھلی جال میں پھنس سکتی تھی؟ پا پھر کچھ اور معاملات ہیں چونکہ قومی شاہراہ پر ایکسائز پولیس کی وردی میں ڈکیتی کرنے والا ملزم نواز زرداری پولیس حراست میں پراسرار نمونے سے جاںبحق ہوا،ملزم نواز زرداری کو گھی سے بھری مزدا گاڑی ڈکیتی کرتے وقت علاقہ مکینوں نے پکڑ کر پولیس کے حوالے کیا تھا۔ملزم کی لاش کو پوسٹ مارٹم کیلیے تعلقہ اسپتال سکرنڈ منتقل کردیا گیاہے۔ملزم کے بھائی نے الزام عائد کیا ہے کہ میرے بھائی کو پولیس نے بہیمانہ تشدد کر کے ہلاک کیا۔ملزم کے ورثاء بڑی تعداد میںاسپتال میں جمع ہونا شروع ہوگئے اور نعرے بازی کرتے ہوئے پولیس کے خلاف سخت اقدام اٹھانے کا مطالبہ کیا ہے۔پولیس حراست میں ملزم نواز زرداری کی ہلاکت کے معاملے پر ڈی آئی جی شہید بینظیر آباد نے ایس ایس پی سانگھڑ کو انکوائری آفیسر مقرر کردیا۔ایس ایچ او مٹھل ککرانی کا تبادلہ کرکے ایس ایچ او اصغر علی اعوان کو سکرنڈ تعینات کر دیاہے۔ پولیس ترجمان کے مطابق سکرنڈ تھانہ میں ملزم کی ہلاکت کے معاملہ کا ڈی آئی جی شہید بینظیر آباد پرویز احمد چانڈیو نے نوٹس لے لیا ،ایس ایچ او مٹھل کھکھران کو معطل کرکے واقعہ کی رپورٹ طلب کرلی۔علاوہ ازیںوزیر جیل خانہ جات ورکس اینڈ سروسز حاجی علی حسن زرداری نے پی ایم سی اسپتال نوابشاھ پہنچ کر محمد نواز زرداری کے ماورائے عدالت قتل کا نوٹس لیکر مکمل شفاف تحقیقات کرانے کا حکم دیتے ہوئے کہا کہ ہم زرداری برداری کے ساتھ کھڑے ہیں اور کسی قسم کی زیادتی نہیں ہونے دیں۔ انھوں نے میڈیا سے بات کرتے ہوئے کہا کہ قانون کی بالا دستی کے قائل ہیں اور فوری انصاف کی فراہمی سندھ حکومت کی پہلی ترجیح ہے۔
.
ذریعہ
ذریعہ: Jasarat News
کلیدی لفظ: ملزم نواز زرداری پولیس حراست میں ایس ایچ او
پڑھیں:
راولپنڈی: ہولی فیملی اسپتال میں مبینہ غفلت، نومولود بچی کا انگوٹھا کٹ گیا، مقدمہ درج
---فائل فوٹوراولپنڈی کے ہولی فیملی اسپتال میں مبینہ طبی غفلت کے باعث نومولود بچی کا انگوٹھا کٹ گیا، جس پر پولیس نے مقدمہ درج کر کے تحقیقات شروع کر دیں۔
پولیس کے مطابق تھانہ نیو ٹاؤن میں بچی کے والد کی مدعیت میں مقدمہ درج کیا گیا ہے۔
ایف آئی آر کے متن کے مطابق ڈاکٹرز نے اہل خانہ کو بتایا کہ نرس سے غلطی کے باعث بچی کا انگوٹھا کٹ گیا۔
راولپنڈی کے ہولی فیملی اسپتال سے اغوا کئے گئے نوزائیدہ بچے کو سائنٹیفک ٹیکنالوجی اور ہیومن انٹیلی جنس کی مدد سے بازیاب کرالیا گیا۔
ایف آئی آر میں کہا گیا ہے کہ اسپتال انتظامیہ نے واقعے کی انکوائری کرانے کی یقین دہانی کرائی، تاہم تاحال اہلِ خانہ کو حقائق سے آگاہ نہیں کیا گیا۔
ایف آئی آر کے مطابق میڈیکو لیگل رپورٹ میں بھی نومولود بچی کا انگوٹھا ضائع ہونے کی تصدیق کی گئی ہے۔
پولیس کا کہنا ہے کہ متاثرہ بچی کو سانس لینے میں دشواری کے باعث ہولی فیملی اسپتال کی نرسری میں داخل کیا گیا تھا، پولیس نے واقعے کی تحقیقات کا آغاز کر دیا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع