اداکار فیروز خان اور یوٹیوبر رحیم پردیسی کی ایک دوسرے پر مکوں کی بارش
اشاعت کی تاریخ: 16th, February 2025 GMT
لاہور(ویب ڈیسک ) اداکار فیروز خان اور یوٹیوبر رحیم پردیسی نے ایک دوسرے پر مکے برسا دیے۔
لاہور کے ایکسپو سینٹر میں منعقد ہونے والے ایک تھرلر باکسنگ میچ میں یوٹیوبر رحیم پردیسی نے معروف اداکار فیروز خان کو شکست دے دی۔ باکسنگ میچ کے لیے رحیم پردیسی اور فیروز خان رنگ میں اترے ۔دونوں نے مقابلہ جیتنے کیلئے داؤ پیچ آزمائے۔
تاہم فیروز خان رحیم پردیسی کے مکوں کو زیادہ دیر برداشت نہ کر سکے اور 5 منٹ بعد ہی ڈھیر ہوگئے۔دونوں فائٹرزنے مقابلے جیتنے کیلئے بہت محنت کی ۔
View this post on InstagramA post shared by Zůüû ???????????? (@zaha_shah.
مکوں کے باعث اداکار فیروز خان کو کچھ چوٹیں آئیں لیکن میچ کے بعد دونوں ایک دوسرے کے ساتھ عزت و احترام کے ساتھ پیش آئے۔ دونوں نے ہاتھ ملایا اور ایک دوسرے کی کارکردگی کو بھی سراہا۔
فیروز کی اہلیہ ڈاکٹر زینب نے انسٹاگرام پر ایک پوسٹ شیئر کرتے ہوئے لکھا، ’’مجھے اپنے شوہر فیروز خان پر بے حد فخر ہوں۔ پہلی بار رنگ میں اترے، ایک مشکل مخالف کا سامنا کیا، اور دوسرے ہی راؤنڈ میں خون بہنے کے باوجود پانچویں راؤنڈ تک لڑتے رہے۔ یہ ایک اصل جنگجو کا جذبہ ہے۔‘‘
انہوں نے کہا کہ ’’فتح صرف اسکورز سے نہیں ہوتی۔ نتیجے سے کچھ نہیں ہوتا، جو اصل چیز ہے وہ ہمت، لگن، اور وہ جذبہ ہے جو آپ نے دکھایا۔ آپ میری نظر میں ہمیشہ ایک چیمپئن ہو۔‘‘
اہلیہ کی پوسٹ پر اداکار فیروز کان نے کمنٹ کرتے ہوئے محبت بھرا پیغام دیا۔
یاد رہے کہ فیروز خان نے اپنے مداحوں کو انسٹاگرام اسٹوری کے ذریعے اس نئے سفر کی خبر دی تھی۔
مزیدپڑھیں:حکومت کا 5 لاکھ سولر سسٹم غریبوں کو دینے کا اعلان
ذریعہ: Daily Ausaf
کلیدی لفظ: اداکار فیروز خان ایک دوسرے
پڑھیں:
ملک کے مختلف علاقوں میں بارش اور برفباری کی پیشگوئی
محکمہ موسمیات نے پیشگوئی کی ہے کہ ملک کے چند علاقوں میں بارش جبکہ شمالی پہاڑی علاقوں میں برفباری کا امکان ہے۔ تفصیلات کے مطابق، آج ملک کے بیشتر علاقوں میں موسم خشک اور پہاڑی مقامات پر صبح و رات کے اوقات میں سرد رہنے کی توقع ہے۔ تاہم، مسلسل خشک موسم اور فضائی آلودگی کے باعث پنجاب کے مختلف اضلاع میں اسموگ برقرار رہنے کا امکان ہے۔ شہریوں کو سانس اور آنکھوں کی حفاظت کے لیے احتیاطی تدابیر اختیار کرنے کی ہدایت کی گئی ہے۔ اسلام آباد میں موسم خشک اور سرد رہے گا، جبکہ مری، گلیات اور قریبی علاقوں میں بھی خشک موسم کی پیشگوئی کی گئی ہے۔ پنجاب کے شہروں لاہور، گوجرانوالہ، قصور، شیخوپورہ، سیالکوٹ، خانیوال، ساہیوال، رحیم یار خان، بہاولپور اور ملتان میں اسموگ کے اثرات نمایاں رہنے کا امکان ہے۔ سندھ اور بلوچستان کے بیشتر اضلاع میں بھی موسم خشک اور سرد رہے گا، تاہم چترال، دیر، باجوڑ اور کرم میں چند مقامات پر ہلکی بارش کی توقع ہے۔ اسی طرح، آزاد کشمیر اور گلگت بلتستان میں موسم سرد اور خشک رہنے کی پیشگوئی کی گئی ہے۔ محکمہ موسمیات کے مطابق، کل سے موسم میں تبدیلی کا امکان ہے اور کشمیر، گلگت بلتستان اور خیبرپختونخوا کے شمالی علاقوں میں بارش اور پہاڑوں پر برفباری کی پیشگوئی کی گئی ہے۔ اس کے علاوہ، راولپنڈی، اسلام آباد اور خطہ پوٹھوہار میں ہلکی بارش جبکہ مری میں بادل برسنے کا امکان ہے۔ گزشتہ 24 گھنٹوں کے دوران ملک کے بیشتر علاقوں میں موسم خشک جبکہ پہاڑی علاقوں میں سرد رہا، جب کہ پنجاب کے مختلف اضلاع میں اسموگ چھائی رہی۔
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف