ایٹکو لیبارٹری ملازمین خود کو تنہا نہ سمجھیں، منعم ظفر
اشاعت کی تاریخ: 17th, February 2025 GMT
امیرجماعت اسلامی کراچی منعم ظفر نے ایٹکو لیبارٹری سائٹ ایریا کے 46 مزدوروں کی برطرفیوں کے خلاف مزدوروں کے احتجاجی دھرنے میں شرکت کی اور مزدوروں سے بھرپور اظہاریکجہتی اور ان کو جماعت اسلامی کی جانب سے ہر ممکن تعاون کی یقین دہانی کروائی ایٹکو انتظامیہ مسائل کا حل مذاکرات سے نکالے ورنہ مزدوروں کے مسائل کے حل کے لیے آخری حد تک جائیں گے۔انہوںنے کہاکہ جب بھی ملازمین کے ساتھ ناانصافی ہوئی ہے تو جما عت اسلامی نے ان کے دکھوں کا مداوا کیا ہے۔ جماعت اسلامی نے ہمیشہ اورہر دور میں مزدوروںکے حقوق اورمسائل کے حل کے لیے اپنا کردار ادا کیا ہے۔ مزدور تحریک میں جماعت اسلامی ان کے شانہ بشانہ ہے اور ان کی فلاح وبہود کے لیے اپنی جدوجہد جاری رکھے گی۔ ایٹکو لیبارٹری کمپنی کے ملازمین خود کو تنہانہ سمجھیں جماعت اسلامی ان کے ساتھ ہے ان کے جائز مطالبات کے حق میںاوران کی منظوری کے لیے ہرسطح پر اورہرفورم پر آواز اٹھائے گی ۔کئی دن سے احتجاج کرنے والے ملازمین کی آوازسننے والاکوئی نہیں۔ انہوںنے حکومت سندھ سے مطالبہ کیاکہ ایٹکو ملازمین کو فوری ڈیوٹی پر بحال کیاجائے اور ان کی تنخواہیں اداکی جائیں ۔
جماعت اسلامی ضلع غربی کے امیر ڈاکٹر نور الحق نے دھرنے میں شرکت کرکے مظاہرین کی حمایت کااعلان کیا اوران کے ساتھ بھرپور اظہاریکجہتی کیا۔ انہوںنے احتجاجی دھرنے کے شرکاء سے کہاکہ جماعت اسلامی آپ کے ساتھ ہے فیکٹری مالکان خداکاخوف کریں اورفوری طورپرملازمین کو نوکریوں پر بحال کیاجائے۔
نیشنل لیبر فیڈریشن کراچی زون کے صدر خالد خان نے کہاکہ ایٹکو لیبارٹری کے محنت کشوںکوانتظامیہ نے مایوس کیا اور تباہی کے کنارے پر لاکھڑا کیا ہے۔ مزدوروںسے ان کا حق چھیننا، ان کو سہولیات اور روزگار سے محروم کرنا اور ان کو مہنگائی اوربے روزگاری کے دلدل میں دھکیلنا ایٹکو ملازمین کے ساتھ سراسر ظلم وزیادتی اورناانصافی ہے۔ ہائی کورٹ کے اسٹے کے باوجود 46 ملازمین کو باہرکردیا اوران کی تنخواہیں بھی بندکی ہوئی ہیں۔ ہائی کورٹ کے فیصلہ اوراسٹے آڈر کی خلاف ورزی کی جارہی ہے۔ کمپنی میں ٹھیکیداری نظام جاری ہے اور مزدوروں کو کم ازکم تنخواہ بھی ادانہیں کی جارہی جوکہ سراسرظلم ہے مزدوروںکا کوئی پرسان حال نہیں۔ ملازمین اپنے تمام قانونی حقوق سے محروم ہے اوراس جدید دنیا میں قدیم خرکاری نظام کے تحت کام کرنے پر مجبور ہے۔ کئی روز سے احتجاجی دھرنا جاری ہے پر لیبر ڈیپارٹمنٹ ابھی تک سورہاہے کمپنی میں ٹھیکیداری نظام کا فوری خاتمہ کیاجائے اور ایٹکوملازمین کو فوری ڈیوٹی پر بحال کرکے ان کے تمام قانونی حقوق دیے جائیں۔ NLF اوراس سے ملحقہ یونینز ایٹکو لیبارٹری کمپنی ملازمین کی اس جدوجہد میں بھرپور تعاون جاری رکھیںگی۔
نیشنل لیبرفیڈریشن کراچی کے ڈپٹی جنرل سیکرٹری امیرروان نے کہاکہ ان کے مطالبات کی حمایت کرتے ہوئے ان کے ساتھ بھرپور اظہار یکجہتی کیا۔ انہوںنے کہاکہ ایٹکو ملازمین خود کو تنہانہ سمجھیںنیشنل
لیبرفیڈریشن ان کے ساتھ ہے ہر سطح پر اور ہر فورم پر آوازاٹھائیں گے۔ انہوںنے کہاکہ نیشنل لیبرفیدریشن نے ہمیشہ مزدوروںکے حقوق و مسائل کے حل کے لیے ہمیشہ اپنا کردار ادا کیاہے۔
اس احتجاجی دھرنے سے ایٹکو لیبارٹری یونین کے صدر عدنان اور جنرل سیکرٹری اسماعیل شاہ ودیگرنے خطاب کیے۔ ایٹکو ملازمین کا احتجاجی دھرنا فیکٹری گیٹ پرگزشتہ روزسے جاری ہے۔ جبکہ نیشنل لیبرفیڈریشن کراچی کے صدر خالد خان احتجاجی دھرنے میں روزانہ کی بنیادپر موجود رہتے اس کے علاوہ NLF کراچی کے سینئرنائب صدرصغیراحمد انصاری، جنرل سیکرٹری قاسم جمال، ڈپٹی جنرل سیکرٹری امیرروان، نائب صدر محمد خالق عثمانی بھی موجود ہوتے ہیں۔ جبکہ اس احتجاجی دھرنے میں ایٹکو ملازمین سے اظہار یکجہتی کرنے کے لیے نیشنل لیبرفیڈریشن کراچی کی ملحقہ یونینز کے ذمہ داران ساتھیوں کے ہمراہ تشریف لائیں۔
فارما ٹیک یونین کے صدر نفیس الحق اور جنرل سیکرٹری محی الدین ودیگر عہدیداران، کوہ نورسوپ ایمپلائز یونین کے جنرل سیکرٹری اسرار احمد ودیگر عہدیداران، زین پیکیجنگ کے جنرل سیکرٹری محمد کلیم،محمد اسلم خان اور دلشاد علی نور اسلام،محمود عالم،آئی ایم ایس یونین کے صدرسلمان علی ودیگر عہدیداران، نورٹس فارما کے عہدیداران، ہیلکس فارما کے مزدوروں، سرل پاکستان کے جنرل سیکرٹری فضل وہاب، پاکولا پاکستان یونین کے صدررفیع اللہ اورجنرل سیکرٹری نعمت اللہ ودیگر نے شرکت کی۔ ایٹکو لیبارٹری ملازمین کے احتجاجی کیمپ میں نیشنل ٹریڈ یونین فیڈریشن سندھ کے صدرگل رحمن، ریا ض عباسی جنرل سیکرٹری نیشنل ٹریڈ یونین فیڈریشن، متحدہ لیبرفیڈریشن کی فرحت، پاکستان کیمیکل اینڈ مائنز ورکرز فیڈریشن کے جنرل سیکرٹری عمران علی، صدر محمد سلیم، ڈپٹی جنرل سیکرٹری غلام مرتضیٰ اور پبلسٹی سیکرٹری رحیم آفریدی ودیگر کی آمد ورفت کا سلسلہ جاری ہے۔ ضلع ویسٹ پبلک ایڈ کمیٹی کے کامران اور ان کی پوری ٹیم روزانہ کی بنیاد پرآتے ہیں۔ تمام آنے والے ساتھیوں کا دیگر فیڈریشنز اور ٹریڈ یونینز رہنمائوں کا احتجاجی کیمپ میں اظہاریکجہتی کے لیے آنے پر نیشنل لیبر فیڈریشن کراچی کے ذمہ داران نے شکریہ اداکیا۔
.ذریعہ: Jasarat News
کلیدی لفظ: کے جنرل سیکرٹری فیڈریشن کراچی جماعت اسلامی یونین کے صدر ملازمین کو ان کے ساتھ نے کہاکہ کراچی کے کے لیے ا جاری ہے اور ان
پڑھیں:
فلسطینی عوام پر ہونے والے مظالم کیخلاف 26 اپریل کو شٹر ڈاؤن ہڑتال اور احتجاج کیا جائے گا، منعم ظفر
ایک بیان میں امیر جماعت اسلامی کراچی نے کہا کہ پوری قوم افواج پاکستان کے ساتھ کھڑی ہے اور 26 اپریل کو ہونے والی ہڑتال فلسطین سے اظہار یکجہتی اور ظلم کے خلاف آواز بلند کرنے کا ایک بڑا پیغام ہوگی، یہ احتجاج نہ صرف قومی سطح پر ہوگا بلکہ بین الاقوامی سطح پر بھی آواز بلند کی جائے گی۔ اسلام ٹائمز۔ امیر جماعت اسلامی کراچی منعم ظفر خان نے اعلان کیا ہے کہ 26 اپریل کو کراچی سے چترال تک ملک بھر میں فلسطینی عوام پر ہونے والے مظالم کے خلاف شٹر ڈاؤن ہڑتال اور احتجاج کیا جائے گا۔ ان کا کہنا ہے کہ یہ احتجاج عالمی ضمیر کو جھنجھوڑنے اور مظلوموں کے ساتھ یکجہتی کے اظہار کے لیے ہوگا۔ منعم ظفر کا کہنا تھا کہ امریکہ اسرائیل کو جنگی سازوسامان فراہم کر رہا ہے اور ڈیڑھ سال کے دوران غزہ کے 90 فیصد علاقے تباہ کیے جا چکے ہیں، اسپتال، شیلٹر ہومز اور معصوم شہری تک محفوظ نہیں رہے جبکہ اب تک 55 ہزار سے زائد فلسطینی شہید ہو چکے ہیں۔ انہوں نے کہا کہ مسلمانوں کا ہولوکاسٹ جاری ہے، مگر دنیا خاموش تماشائی بنی ہوئی ہے۔
انہوں نے اقوام متحدہ کے کردار پر سوال اٹھاتے ہوئے کہا کہ دنیا کے دیگر علاقوں میں اقوام متحدہ فوری ایکشن میں آتی ہے، مگر فلسطین کے معاملے میں اس کی خاموشی قابل مذمت ہے۔ انہوں نے مسلم حکمرانوں کی خاموشی کو افسوسناک قرار دیا اور کہا کہ پاکستان ایک ایٹمی طاقت اور اسٹریٹیجک اہمیت کا حامل ملک ہے لیکن ہمارے اندر ایمان کی کمی ہے۔ منعم ظفر نے کہا کہ یہ احتجاج نہ صرف قومی سطح پر ہوگا بلکہ بین الاقوامی سطح پر بھی آواز بلند کی جائے گی۔ انہوں نے صیہونی مصنوعات کے بائیکاٹ اور بھارت کی آبی جارحیت کی شدید مذمت کرتے ہوئے کہا کہ بھارت نے سندھ طاس معاہدہ معطل کرکے دشمنی کا ثبوت دیا ہے۔ امیر جماعت اسلامی کراچی نے کہا کہ پوری قوم افواج پاکستان کے ساتھ کھڑی ہے اور 26 اپریل کو ہونے والی ہڑتال فلسطین سے اظہار یکجہتی اور ظلم کے خلاف آواز بلند کرنے کا ایک بڑا پیغام ہوگی۔
پنجاب میں20 کلو آٹے کا تھیلا 200 روپے سستا ہو گیا