کاجول کی ویلنٹائن ڈے پوسٹ سے اجے دیوگن غائب کیوں؟ صارفین کی قیاس آرائیاں
اشاعت کی تاریخ: 17th, February 2025 GMT
بھارتی فلم کے معروف اداکار اجے دیوگن اور انکی اہلیہ کاجول بالی ووڈ کی بہت زیادہ پسند کی جانے والی فلمی جوڑیوں میں شامل ہیں، تاہم اجے دیوگن اور کاجول کی مختلف پوسٹس دیکھ کر قیاس آرائیاں کی جا رہی ہیں کہ دونوں کے درمیان سب ٹھیک نہیں ہے۔
14 فروری کو ویلنٹائن ڈے کے موقع پر کاجول نے سماجی رابطوں کی سائٹ ایکس پر ایک پوسٹ کی جس میں انہوں نے خود کو ویلنٹائن ڈے کی مبارکباد دی اور لکھا کہ میں خود سے محبت کرتی ہوں۔
Happy Valentine’s Day to myself…I Love You! ????#selflove #the #greatest #love #of #all pic.
— Kajol (@itsKajolD) February 14, 2025
دوسری جانب بالی ووڈ اداکاراجے دیوگن نے سوشل میڈیا پر پوسٹ کے ذریعے اپنی اہلیہ کاجول سے اظہار محبت کیا اور اپنی اور کاجول کی پرانی رومانوی تصویر شیئر کرتے ہوئے لکھا کہ شروع سے ہی فیصلہ کرلیا تھا کہ اپنا دل کس کے ساتھ بانٹوں گا اور آج تک یہ وہی ہے، میرا ویلنٹائن آج بھی اور ہر دن۔
Figured early on who to share my heart with… and till date, it remains the same! My #Valentine today & everyday ❤️ @itsKajolD pic.twitter.com/6NjIslxbBh
— Ajay Devgn (@ajaydevgn) February 14, 2025
ویلنٹائن ڈے پر دونوں کی شیئر کی گئی پوسٹس میں فرق نے سوشل میڈیا پر بہت ساری قیاس آرائیوں کو جنم دیا۔ ایک صارف نے لکھا کہ دونوں کے درمیان جھگڑا چل رہا ہے جبکہ ایک صارف نے لکھا کہ اجے نے کاجول کو ویلنٹائن ڈے کی مبارکباد دی جبکہ کاجول نے خود کو ویلنٹائن ڈے کی مبارکباد دی، ساتھ ہی انہوں نے لکھا کہ آج کل کی شادیاں واقعی خوفناک لگتی ہیں۔
ایک اور صارف نے تبصرہ کرتے ہوئے کہا کہ شاید اجے دیوگن ہمیشہ کاجول کو نظر انداز کر دیتے ہیں اور کبھی انہیں مبارکباد نہیں دیتے اس لیے وہ یہ پوسٹ کر رہی ہیں کیونکہ اداکارہ پریشان ہو چکی ہیں۔
یہ بھی پڑھیں: بالی وڈ اداکارہ کاجول نے ’سوشل میڈیا سے بریک‘ کیوں لی؟
اجے دیوگن اور کاجول، جو پہلی بار 1995 میں اپنی فلم “ہلچل” کے سیٹ پر ایک دوسرے سے ملے تھے، 24 فروری 1999 کو شادی کے بندھن میں بندھ گئے تھے۔ ان کے دو بچے ہیں بیٹی نیسا (جو 2003 میں پیدا ہوئی) اور بیٹے یوگ (جو 2010 میں پیدا ہوئے)۔
واضح رہے کہ اجے دیوگن نے حال ہی میں 80 کروڑ بھارتی روپے کے بجٹ سے بننے والی فلم ’آزاد‘ میں کام کیا جو باکس آفس پر بری طرح ناکام ہوئی جبکہ کاجول نے نیٹ فلکس کی سنسنی خیز فلم ’دو پتی‘ میں کام کیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اجے دیوگن کاجولذریعہ: WE News
کلیدی لفظ: اجے دیوگن کاجول کو ویلنٹائن ڈے اجے دیوگن کاجول نے لکھا کہ
پڑھیں:
شہری 804 نمبر والی گاڑی منہ مانگی قیمت پر خریدنے کو تیار، سوشل میڈیا پر پوسٹ بھی لگادی
بانی تحریک انصاف (پی ٹی آئی) اور سابق وزیر اعظم عمران خان کے جیل جانے کے بعد ’قیدی نمبر 804‘ کی اصطلاح تحریک انصاف کے کارکنان اور حامیوں میں ان سے محبت کی وجہ سے عام ہو گئی ہے۔
اسی نمبر کی شرٹس، ٹوپیاں، جیولری، چپل، جیکٹس اور دیگر سامان بھی مارکیٹ میں موجود ہے اور جس چیز پر 804 لکھ دیا جائے پی ٹی آئی کے دیوانوں میں اس کی ڈیمانڈ بھی بڑھ جاتی ہے اور وہ منی مانگی قیمت میں اسے خریدنے کو تیار ہو جاتے ہیں۔ ایسی کئی اشیا کی ویڈیوز اور تصاویر سوشل میڈیا پر وائرل ہوتی رہتی ہیں۔
یہ بھی پڑھیں: پنجاب پولیس کی گاڑی کا نمبر 804، ویڈیو وائرل
حال ہی میں ایک ویڈیو سوشل میڈیا پر وائرل ہو رہی ہے جس میں ایک گاڑی کی نمبر پلیٹ پر 804 لکھا ہوا ہے۔ صارف نے ویڈیو شیئر کرتے ہوئے لکھا کہ پشاور سے اسلام آباد جاتے ہوئے موٹروے پر یہ 804 نمبر کی گاڑی سامنے آئی ہے۔ یہ گاڑی جس کی بھی ہے مجھ سے رابطہ کرے میں منہ مانگے داموں پہ خریدنے کے لیے تیار ہوں۔
گاڑی والے تک پہنچائے ویڈیو ????
پشاور سے اسلام آباد جاتے ہوئے موٹروے پر یہ 804 نمبر کی گاڑی سامنے آئی یہ گاڑی جس کی بھی ہے مجھ سے رابطہ کرے میں منہ مانگے داموں پہ خریدنے کیلئے تیار ہوں !! pic.twitter.com/48q3Gj0hH4
— Mohammad Shehzad Khan (@MShehzadSpeaks) July 24, 2025
اس پر سوشل میڈیا صارفین کی جانب سے مختلف تبصرے کیے جا رہے ہیں۔ خالد اعوان لکھتے ہیں کہ میرے پاس 804 نمبر کے 5 ہزار والے 2 فریش نوٹ ہیں کتنے میں خریدو گے۔
میرے پاس 804 نمبر کے 5 ہزار والے 2 فریش نوٹ ہیں کتنے میں خریدو گے
— Khalid Awan (@KhalidA03043660) July 24, 2025
تنویر احمد لکھتے ہیں کہ یہ نمبر گاڑی میرے ایک دوست کی ہے میڈیا کی حد تک اس کو کئی افراد نے خریدنے کی کوشش کی ہے لیکن حقیقت میں کوئی خریدار نہیں ہے۔
یہ نمبر گاڑی میرے ایک دوست کی ہے میڈیا کی حد تک اس کو کئی افراد نے خریدنے کی کوشش کی ہے حقیقت میں نہیں۔ https://t.co/JfhU3clJzZ
— Tanvir Ahmad (@Tanvir0019) July 24, 2025
ایک ایکس صارف کا کہنا تھا کہ اتنا ڈرامہ کرنے کی ضرورت نہیں 5 لاکھ مجھے دو میں یہی نمبر لگوا دیتا ہوں۔
اتنا ڈرامہ کرنے کی ضرورت نہیں پانچ لاکھ مجھے دو میں یہی نمبر لگوا دیتا ہوں https://t.co/TOtU6dP4xy
— Haroon Tahir awan???? (@HaroonTahirPMLN) July 25, 2025
عامر خان نے 804 نمبر پلیٹ والی گاڑیوں کی چند تصاویر شیئر کرتے ہوئے کہا کہ آپ پسند کر لیں ہم آپ کو گاڑی بک کروا دیتے ہیں۔
ٹھیک ہے بھائی آپ ان 6 گاڑیوں میں پسند کر لیں ہم آپکو بک کروا دیتے ہیں۔ دو گاڑیاں اگلے پوسٹ میں pic.twitter.com/1BL896vfYN
— Amir Khan (@AnadilKTK) July 24, 2025
کئی صارفین کا کہنا تھا کہ آپ گاڑی کا نمبر سرچ کریں گے تو اس کا نام وغیرہ آ جائے گا اور اس نمبر پلیٹ کے لیے گاڑی خریدنے کی ضرورت نہیں ہے بلکہ ایکسائز کی سائٹ پر بولی لگتی ہے آکشن میں پیسے دے کر نمبر خرید لیں۔ جبکہ کئی صارفین کا کہنا تھا کہ پاکستان میں 804 نمبر پلیٹ والی کئی گاڑیاں موجود ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
804 پی ٹی آئی عمران خان قیدی نمبر 804 نمبر پلیٹ
یورپی یونین سے مذاکرات کے بعد اسرائیل دکھاوے کیلیے غزہ میں انسانی بحران کم کرنے پر رضامند