چین کا امریکہ سے فوری طور پر اپنی غلطیوں کو درست کرنے کا مطالبہ
اشاعت کی تاریخ: 17th, February 2025 GMT
چین کا امریکہ سے فوری طور پر اپنی غلطیوں کو درست کرنے کا مطالبہ WhatsAppFacebookTwitter 0 17 February, 2025 سب نیوز
بیجنگ : چینی وزارت خارجہ کے ترجمان گو جیا کھون نے منعقدہ یومیہ پریس کانفرنس میں کہا ہے کہ امریکی محکمہ خارجہ کی جانب سے امریکہ تائیوان تعلقات کی حقیقت کی فہرست میں ترمیم، تائیوان کے معاملے پر موقف ، ایک چین کے اصول اور چین اور امریکہ کے تین مشترکہ اعلامیوں کی سنگین خلاف ورزی کے ساتھ ساتھ بین الاقوامی قانون اور بین الاقوامی تعلقات کے بنیادی اصولوں کی بھی سنگین خلاف ورزی ہے ۔
انہوں نے کہا کہ یہ تائیوان کے علیحدگی پسندوں کو منفی اشارہ ہے جو امریکہ کی جانب سے “چین کو کنٹرول کرنے کے لیے تائیوان کا استعمال” کرنے کی غلط پالیسی پر ڈٹے رہنے کی عکاسی کرتا ہے۔وزارت خارجہ کے ترجمان نے کہا کہ ہم امریکہ پر زور دیتے ہیں کہ وہ فوری طور پر اپنی غلطیوں کو درست کرے،
ایک چین کے اصول اور تین چین امریکہ مشترکہ اعلامیوں پر سختی سے عمل کرے، تائیوان کے معاملے کو انتہائی احتیاط سے دیکھے اور چین کو کنٹرول کرنے کے لیے تائیوان کو استعمال کرنا بند کرے۔
گو جیا کھون کا کہنا تھا چین کا مطالبہ ہے کہ امریکہ تائیوان کے مابین عملی تعلقات کو بڑھانے سے باز آئے، تائیوان کو بین الاقوامی سطح پر اپنی الگ شناخت بنانے میں مدد کر نا بند کرے اور “تائیوان کی علیحدگی” کی حمایت کرنا بند کرے، تاکہ چین امریکہ تعلقات اور آبنائے تائیوان کے امن و استحکام کو مزید نقصان سے بچایا جا سکے۔
.ذریعہ: Daily Sub News
کلیدی لفظ: پر اپنی
پڑھیں:
سی ڈی اے کو تمام تجاوزات فوری ہٹانے کی ہدایت
اسلام آباد (نجیب ملک ) چیئرمین سی ڈی اے و چیف کمشنر اسلام آباد محمد علی رندھاوا نے تمام سیکٹرز میں ترقیاتی کام نہ صرف تیز کرنے بلکہ معیار اور کوالٹی پر کوئی سمجھوتہ نہ کرنے کی ہدایت کی ہے ، تمام تجاوزات اور غیرقانونی تعمیرات کو قانون کے مطابق ہٹانے کی بھی ہدایت کی ہے ۔ سی ڈی اے ہیڈکوارٹرز میں ایک اہم اجلاس منعقد ہوا ۔ اجلاس میں سی ڈی اے کے ممبر ایڈمن و اسٹیٹ طلعت محمود، ممبر انجینئرنگ سید نفاست رضا، ممبر پلاننگ ڈاکٹر خالد حفیظ، ڈی جی ورکس، ڈی سی سی ڈی اے اور دیگر سینئر افسران نے شرکت کی۔ اجلاس میں سیکٹر سی چودہ ، سیکٹر سی پندرہ ، سیکٹر سی سولہ ، سیکٹر ای بارہ اور سیکٹر آئی بارہ میں ترقیاتی کاموں کی اب تک کی پیشرفت کا تفصیلی جائزہ لیا گیا ۔ چیئرمین سی ڈی اے نے ہدایت کی کہ تمام سیکٹرز میں ترقیاتی کام نہ صرف تیز کیا جائے بلکہ معیار اور کوالٹی پر کوئی سمجھوتہ نہ کیا جائے۔ انہوں نے ہدایت کی کہ متعلقہ سی ڈی اے ڈائریکٹوریٹس، خاص طور پر ڈی سی سی ڈی اے، اپنے متعلقہ ونگز کے دفاتر کے ساتھ مل کر ان سیکٹرز میں اپنے دفاتر قائم کریں جہاں ترقیاتی کام جاری ہے، تاکہ عوامی مسائل کو ان کے دہلیز پر حل کیا جا سکے۔ نیز، کیمپ دفاتر پر عوامی شکایات کو شفافیت کے ساتھ اور قانون و انصاف کے اصولوں کے مطابق حل کیا جائے۔ انہوں نے مزید ہدایت کی کہ تمام نئے سیکٹرز میں جدید اور خوبصورت لائٹنگ کے انتظامات اور سڑکوں کی انفراسٹرکچر کو بہتر بنانے کیلئے اقدامات کئے جائیں ۔ چیئرمین سی ڈی اے نے مختلف نئے سیکٹرز میں مرکزی داخلی راستوں کو کشادہ کرنے اور تمام تجاوزات اور غیرقانونی تعمیرات کو قانون کے مطابق ہٹانے کی بھی ہدایت کی۔ انہوں نے تمام سیکٹرز میں ترقیاتی کاموں کو تیز کرنے خصوصاً لائٹس کی تنصیب کو یقینی بنانے کی تاکید کی ۔ چیئرمین سی ڈی اے نے کہا کہ سی ڈی اے سیکٹرز میں ترقیاتی کاموں میں رکاوٹ بننے والے تمام مسائل کو ترجیحی بنیادوں پر دور کیا جائے ۔ سی ڈی اے کی کمرشل پلاٹوں کی نیلامی کی تاریخی کامیابی کو سراہتے ہوئے چیئرمین سی ڈی اے محمد علی رندھاوا نے تمام متعلقہ ونگز کی کارکردگی کو سراہا۔ انہوں نے فنانس ونگ کو ہدایت کی کہ ترقیاتی منصوبوں کیلئے مناسب فنڈز مختص کئے جائیں تاکہ یہ جلد از جلد مکمل ہو سکیں ۔ چیئرمین سی ڈی اے نے کہا کہ سی ڈی اے اعلیٰ معیار کی ترقیاتی کاموں کو یقینی بنا کر اور شہریوں کی رہائشی ضروریات کو پورا کرتے ہوئے اسلام آباد کو ایک مثالی شہر بنانے کیلئے پرعزم ہے۔ اس مقصد کو موثر اور شفاف طریقے سے حاصل کرنے کیلئے تمام وسائل بروئے کار لائے جارہے ہیں ۔
Post Views: 8
جنہیں بارڈرز پر ہونا چاہیے وہ سیاست کر رہے ہیں، علی امین گنڈاپور