راشد لطیف نے اسپنر راشد خان کو وسیم اکرم سے بھی بہتر کیوں قرار دیا؟
اشاعت کی تاریخ: 17th, February 2025 GMT
قومی کرکٹ ٹیم کے سابق وکٹ کیپر اور افغان کرکٹ ٹیم کے ہیڈ کوچ راشد لطیف نے افغان کرکٹ ٹیم کے سپنر راشد خان سابق کپتان وسیم اکرم سے اچھا کرکٹر قرار دیتے ہوئے کہا ہے راشد خان کی وجہ سے افغانستان ٹیم کو صحیح معنوں میں شہرت ملی، مجھے لگتا ہے کہ افغان سپنر راشد خان سوئنگ کے سلطان وسیم سے بڑے کرکٹر ہیں۔
نجی ٹی وی سے گفتگو میں مختلف کرکٹرز کے بارے میں اپنی رائے کا اظہار کرتے ہوئے سابق کرکٹر راشد لطیف نے قومی کرکٹ ٹیم کے فاسٹ بولر شاہین شاہ آفریدی کو مشورہ دیا کہ وہ ٹیسٹ کرکٹ میں بھرپور واپسی کریں کیوں کہ لیجنڈ ہمیشہ ٹیسٹ کرٹ بناتی ہے، وائٹ بال سے کبھی کوئی لیجنڈ نہیں بنتا۔
یہ بھی پڑھیں: ’مجھے لوٹ لیا گیا‘، وسیم اکرم کے ساتھ آسٹریلیا میں کیا واردات ہوئی؟
میزبان نے سوال کیا کہ کہا جاتا ہے کہ شاہین شاہ آفریدی اپنے شاہد آفریدی کے اثرورسوخ میں ہیں، اس پر آپ کا کیا خیال ہے؟ جواب میں راشد لطیف نے کہا کہ شاہد خان آفریدی سے تو ہم بھی متاثر ہیں، شاہین تو ان کے داماد ہیں، لیکن میرا نہیں خیال کہ وہ زیراثر ہیں، کیوں کہ شاہین آفریدی مینٹلی تگڑے ہیں۔
انہوں نے محمد رضوان کے بارے میں بات کرتے ہوئے کہا کہ 40 سال میں اگر کوئی اچھا کریکٹر پاکستان کرکٹ ٹیم میں آیا ہے تو وہ محمد رضوان ہیں، کرکٹ کو سائیڈ پر رکھ دیں تو محمد رضوان بہت اچھے انسان ہیں۔
انڈین کرکٹ ٹیم کے کپتان روہیت شرما کے بارے میں راشد لطیف نے کہا کہ وہ وائٹ بال کے کھلاڑیوں میں سے ایک بڑے کھلاڑی ہیں، روہیت شرما کو اب انٹرنیشنل کرکٹ چھوڑ دینی چاہیے، چیمپیئنز ٹرافی کے بعد وہ انٹرنیشنل کرکٹ چھوڑ دیں گے، وہ آئی پی ایل کھیلتے رہیں گے۔
سابق وکٹ کیپر نے کہا کہ افغانستان کو پہیچان صحیح معنوں میں راشد خان سے ملتی ہیں، وہ وسیم اکرم سے بھی اچھے کھلاڑی ہیں، اپنے ملک کے حساب سے سب کو دیکھنا چاہیے، میں ان کو مشورہ دوں گا کہ اپنی ٹیسٹ ٹیم کو بہتر کریں اور پاکستان سے جتنی ٹیسٹ کرکٹ کھیل سکتے ہیں کھیلیں۔
یہ بھی پڑھیں: ’پنگا نہیں لینے کا اپن سے‘، راشد لطیف نے یہ دھمکی کس کو دی؟
انہوں نے کہا کہ تین پلیئرز نے اپنا کیریئر ضائع کیا، سلمان بٹ اچھے کپتان تھے جبکہ محمد آصف جیسا بولر پاکستان میں کبھی آیا ہی نہیں۔’محمد عامر گریٹ ٹیلینٹ، لیکن اپنے آپ کو گنوا دیا، 5 سال بہت ہوتے ہیں، پاکستان کا بھی بہت بڑا نقصان ہوا، اپنا نقصان بھی ہوا اور کرکٹ کا بہت زیادہ نقصان کرگئے یہ لوگ۔
راشد لطیف نے کہا کہ اگر کوئی پلیئر ایک بار کسی غیرقانونی کام میں ملوث پایا جائے تواسے دوبارہ قومی ٹیم میں نہیں آنا چاہیے، عامر سے ملتا بھی ہوں، کوچنگ بھی کی ہے، میرا اختلاف عامر سے نہیں بلکہ کرکٹ کو جو نقصان ہوا اس سے دکھ ہے۔
وسیم اکرم کے بارے میں انہوں نے کہا کہ ایک بار انگلینڈ میں سائیڈ میچ ہورہا تھا، میں کھیل نہیں رہا تھا، وسیم اکرم مجھے لے گئے پریکٹس کے لیے، میں نے کہا پیچھے بال نہیں کرانا، وسیم اکرم نے دو بالیں کروائیں پھر تیسرا باؤنسر مار دیا، وسیم اکرم، وقار یونس مینٹلی ٹف لوگ ہیں، ان سے ڈریسنگ روم میں ہم نے سیکھا کہ ڈریسنگ روم کا ماحول کیسے رکھنا ہے۔
احمد شہزاد سے متعلق گفتگو میں انہوں نے اپنی رائے دیتے ہوئے کہا کہ وہ اچھا بولتے ہیں، ان کی اب دوسری فیلڈ ہوگئی ہیں، ان کو اب کرکٹ میں واپس نہیں آنا چاہیے، ان کو اسی فیلڈ میں رہنا چاہیے، ان کے پاس کنٹینٹ اچھا ہوتا ہے، یہ پی سی بی میں جاکر اچھا کام کرسکتے ہیں۔
بابر اعظم کی کرکٹ سے متعلق اظہار خیال کرتے ہوئے راشد لطیف نے کہا کہ بابراعظم اب آؤٹ ہونا شروع ہوگئے ہیں، جاوید میاںداد اور یہ دونوں اپنے زمانے میں آؤٹ نہیں ہوتے تھے، اگر آپ نے جاوید میاںداد کے نقش قدم پر چلنا ہے تو آؤٹ نہیں ہونا، ان کو کپتانی سے ہٹا کے شاہین آفریدی کو لایا، پھر ان کو کپتان بنایا پھر ہٹایا، اس سے ان کی طاقت توڑی گئی۔
یہ بھی پڑھیں: ’تم کہاں جاؤ گے سوچو محسن‘ راشد لطیف کی محسن نقوی پر شاعرانہ تنقید
سابق کپتان راشد لطیف کا کہنا تھا کہ شعیب اختر کا ریکارڈ توڑنا بہت مشکل ہے کیونکہ ان کا بالنگ کرنے کا انداز مختلف تھا۔ فاسٹ بولر محمد سمیع کی گیند ایسی تھی جو ہاتھ میں آکر بہت تیز لگا کرتی تھی، محمد سمیع، شعیب اختر کے برابر کے ہی بولر تھے ۔سابق کپتان نے کہا کہ ہم محمد سمیع کو دیکھ نہیں پائے کہ وہ کس فارمیٹ کا کھلاڑی ہے اس کو ٹیسٹ میچ کھلاتے چلے گئے ، وہ وائٹ بال کا بہت اچھا بولر تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news افغانستان بابر اعظم پاکستان راشد خان راشد لطیف رضوان روہیت شرما کرکٹ محمد عامر وسیم اکرم.ذریعہ: WE News
کلیدی لفظ: افغانستان پاکستان راشد لطیف رضوان کرکٹ وسیم اکرم راشد لطیف نے کہا کہ کے بارے میں کرکٹ ٹیم کے وسیم اکرم انہوں نے
پڑھیں:
پیپلز پارٹی کی سب سے بہتر سیاسی پوزیشن
پیپلز پارٹی ملک کی تمام سیاسی جماعتوں میں اس لیے سب سے بہتر پوزیشن میں ہے کہ اقتدار پر اقتدار اسے حاصل ہو رہا ہے مگر اس کے مطابق وہ وفاقی حکومت میں شامل نہیں، مگر ملک کے دو بڑے اور دو چھوٹے وفاقی عہدے اور دو صوبوں کی حکومتیں اس کے پاس تو تھیں ہی مگر اس نے حصول اقتدار میں اضافے کے لیے 8 ماہ کی بچی ہوئی آزاد کشمیرکی حکومت بھی حاصل کر لی مگر پھر بھی مطمئن نہیں، کیونکہ اسے ملک کے سب سے بڑے صوبے پنجاب کے اقتدار میں حصہ نہیں مل رہا۔
صوبہ سندھ میں اس کی واضح اکثریت ہے کہ جہاں اس نے اپنے تمام بڑے لیڈروں کو وزارتوں سے نواز رکھا ہے اور تھوک کے حساب سے سندھ حکومت کے ترجمان مقرر کر رکھے ہیں بلکہ بعض کو کئی کئی عہدوں اور محکموں سے نواز رکھا ہے جس کی ایک مثال یہ بھی ہے کہ اس نے سکھر کے میئر کو سندھ حکومت کا ترجمان بھی بنا رکھا ہے۔ سندھ حکومت نے پی پی سے باہر صرف ایک عہدہ مسلم لیگ (ق) کے رہنما اور کراچی کے سابق ڈپٹی ناظم کو دیا ہے۔ سندھ کی تمام میونسپل کارپوریشنوں کا تعلق پیپلز پارٹی سے ہے۔ سندھ حکومت نے ان شہروں میں بھی اپنے میئر منتخب کرا رکھے ہیں، جہاں پہلے ایم کیو ایم کے میئر منتخب ہوا کرتے تھے۔
پہلی بار سندھ کابینہ کی تشکیل میں بلاول بھٹو ہی کا اہم کردار ہے مگر نہ جانے کیوں انھوں نے لاڑکانہ ڈویژن کو نظرانداز کیا اور وہاں سے سندھ کابینہ میں کوئی وزیر شامل نہیں کیا۔ مرحوم آغا سراج درانی پیپلز پارٹی کی سندھ کی پانچ حکومتوں میں اہم وزارتوں اور سندھ اسمبلی کے اسپیکر کے عہدے پر رہے مگر پہلی بار انھیں موجودہ سندھ حکومت میں کوئی عہدہ نہیں دیا گیا تھا جن کا تعلق شکارپور ضلع سے تھا اور اس بار آغا سراج پہلی بار کسی عہدے سے محروم رہے اور بلاول بھٹو ان کی وفات پر تعزیت کے لیے ان کے آبائی گھر گڑھی یاسین ضرور گئے ہیں۔
بھٹو صاحب سے بے نظیر بھٹو تک سندھ میں پیپلز پارٹی کی مختلف سالوں میں تین حکومتیں رہیں مگر پی پی کی سربراہی آصف زرداری کو ملنے کے بعد 2008 سے 2024 تک سندھ میں مسلسل پیپلز پارٹی کو اقتدار ملتا رہا اور سندھ میں پیپلز پارٹی کو اتنی بڑی کامیابی بھٹو صاحب اور بے نظیر بھٹو کے دور میں نہیں ملی، جتنی آصف زرداری نے دلوائی اور انھوں نے سندھ کے تمام بڑے سرداروں، پیروں اور وڈیروں کو پیپلز پارٹی میں شامل کرا رکھا ہے۔ سندھ میں مسلم لیگ (ن) کا صفایا ہی ہو چکا ہے اور پیپلز پارٹی اپنے ارکان اسمبلی ان علاقوں سے بھی پہلی بار منتخب کرانے میں کامیاب رہی جہاں سے پہلے ایم کیو ایم اور مسلم لیگ فنکشنل کامیاب ہوا کرتی تھی۔ اس وقت سندھ کے اقتدار پر پیپلز پارٹی کا مکمل کنٹرول ہے اور اندرون سندھ تو پی پی کا مکمل گڑھ ہے۔
سندھ کے قریب بلوچستان کا صوبہ ہے جہاں کئی بار پیپلز پارٹی کا وزیر اعلیٰ رہا۔ بلوچستان سے پیپلز پارٹی اور (ن) لیگ کو ایک جیسی نشستیں ملی تھیں مگر 2024کے (ن) لیگ سے انتخابی معاہدے میں آصف زرداری نے بلوچستان کا وزیر اعلیٰ پیپلز پارٹی کا بنوایا اور پنجاب و کے پی کے گورنروں، چیئرمین سینیٹ، ڈپٹی اسپیکر، قومی اسمبلی کے عہدے جو آئینی ہیں پیپلز پارٹی نے حاصل کر رکھے ہیں۔پیپلز پارٹی کی طرف سے حکومت کی حمایت ترک کرنے اور اپوزیشن میں بیٹھنے کے بیانات اس لیے آئے دن آتے ہیں کہ پی پی چاہے تو حکومت کی حمایت ترک کر کے (ن) لیگی حکومت ختم کرا سکتی ہے مگر (ن) لیگ پیپلز پارٹی کو کوئی نقصان پہنچانے کی پوزیشن میں نہیں ہے اور نہ ہی کوئی آئینی عہدہ مسلم لیگ (ن) پی پی سے لے سکتی ہے اور پی پی رہنماؤں کے مطابق دونوں پارٹیوں کا اتحاد مجبوری کا اتحاد ہے جو کسی وجہ سے اب تک قائم ہے مگر مسلم لیگ پر پیپلز پارٹی کو سبقت حاصل ہے۔
اس لیے پی پی دھمکیاں بھی دیتی رہتی ہے مگر (ن) لیگ پی پی کو دھمکی دینے کی پوزیشن میں بھی نہیں ہے اس لیے پیپلز پارٹی مسلم لیگ (ن) سے زیادہ بہتر سیاسی پوزیشن میں ہے۔ پیپلز پارٹی نے وفاقی حکومت کو دھمکیاں دے کر اپنے کئی مطالبے منوائے ہیں جن میں دریائے سندھ سے کینالز نکالنے کا اہم مسئلہ بھی شامل تھا جو تسلیم نہ کیے جانے سے سندھ میں پی پی کو سیاسی نقصانات پہنچا سکتا تھا۔
پیپلز پارٹی اپنی سیاسی برتری کے باعث اب تک پنجاب میں ہوئے پاور شیئرنگ معاہدے پر (ن) لیگ سے عمل نہیں کرا سکی، کیونکہ (ن) لیگ کو پنجاب اسمبلی میں برتری حاصل ہے اور وہ پی پی کی محتاج تو نہیں مگر دونوں پارٹیوں کے درمیان معاہدے میں پنجاب حکومت میں پی پی رہنماؤں کو شامل کرنے کا معاہدہ موجود ہے جس پر عمل نہیں ہو رہا جس پر پی پی رہنما کہتے ہیں کہ اس سے وفاقی حکومت خطرے میں ڈالی جا رہی ہے۔ اطلاعات کے مطابق وفاق میں مسلم لیگ (ن) کے پاس اپنی حکومت برقرار رکھنے کے لیے واضح اکثریت موجود ہے اور وہ اب پیپلز پارٹی کی محتاج نہیں ہے اور بلوچستان حکومت سے الگ ہو کر وہاں پی پی کی حکومت ضرور ختم کرا سکتی ہے مگر 27 ویں ترمیم منظور کرانے کے لیے اسے پی پی کی ضرورت ہے اس لیے بلاول بھٹو مولانا سے ملنے گئے تھے۔
امریکا و جاپان کے درمیان نایاب معدنیات‘ دھاتوں کی کان کنی و پراسیسنگ کا معاہدہ