لکی مروت میں جہاد کے نعرے، اسلحہ اٹھائے لوگ سڑکوں پر کیوں؟
اشاعت کی تاریخ: 18th, February 2025 GMT
خیبر پختونخوا کے پسماندہ ضلع لکی مروت میں مسجدوں سے اعلانات کے بعد مقامی افراد بڑی تعداد میں اسلحہ لے کر سڑکوں پر نکل آئے ہیں اور مروت کینال میں پانی نہ چھوڑنے کے خلاف علاقے میں واقع آئل اور گیس فیلڈ کی سپلائی روک دی ہے۔
لکی مروت کے مقامی اتحاد مروت بیٹنی قومی تحریک کی جانب سے احتجاج کی کال دی جس کے بعد مسجدوں سے اسلحہ سمیت تھوڑی بازار پہنچنے کے اعلانات ہوئے، جس کے ردعمل میں بڑی تعداد میں لوگ جہاد کا نعرہ لگا کر باہر نکل آئے۔
لکی کینال میں پانی کا قلتلکی مروت سے تعلق رکھنے والے صحافی محمد زبیر کے مطابق لکی مروت میں صورتحال خراب ہے اور مقامی لوگ اسلحہ لے کر سڑکوں پر نکل آئے ہیں، تاہم یہ کوئی دہشتگری یا بدامنی کا مسئلہ نہیں بلکہ لکی مروت کینال پانی نہ چھوڑنے کا معاملہ ہے جس کے خلاف لوگ نکلے ہیں۔
یہ بھی پڑھیں:خیبر پختونخوا میں قیام امن کے لیے سخت عملی اقدامات کا فیصلہ
احتجاجی دھرنے میں شامل ایک مقامی شخص نے بتایا کہ لوگ بڑی تعداد میں باہر نکلے ہیں اور انتظامیہ سے پانی کا مسئلہ حل کرنے کا مطالبہ کر رہے ہیں، مظاہرین نے بیٹنی آئل اور گیس پلانٹ کی سپلائی روک دی ہے۔
انہوں نے بتایا کہ کینال میں پانی کی بندش سے لکی مروت میں کاشتکاروں کا نقصان ہورہا ہے۔ ’معاملات اس وقت خراب ہوئے جب مروت بیٹنی قومی تحریک کے سربراہ انعام اللہ خان کی گرفتاری کے لیے پولیس علاقے میں پہنچی، جس کے بعد پولیس کے خلاف جہاد کے اعلانات بھی ہوئے۔‘
مذاکرات ناکاملکی مروت میں مروت کنال کا پانی بند ہونے پر مقامی افراد سراپا احتجاج بن گئے ہیں، مروت بیٹنی قومی تحریک نے بیٹنی آئل اینڈ گیس فیلڈ کی سپلائی بند کردی ہے اور جرگے کی انتظامیہ سے مذکرات بھی ناکام ہوئے۔
مقامی افراد کے مطابق مروت کینال میں پانی بندش سے 70 فیصد کسان متاثر ہوئے ہیں، احتجاج سے قبل ایک ویڈیو پیغام میں انعام خان نے دعویٰ کیا کہ بنوں اور لکی مروت کی پولیس انہیں گرفتار کرنے کے لیے پہنچ گئی ہے، انہوں نے مقامی افراد کو اسلحہ لے کر گھروں سے نکلنے کی اپیل بھی کی۔
مزید پڑھیں:لکی مروت: امن عمل میں شامل ہوں ورنہ علاقہ چھوڑ دیں، قومی جرگہ عمائدین کا شرپسندوں کو پیغام
دوسری جانب لکی مروت پولیس نے مظاہرین کے خلاف کسی بھی قسم کی کارروائی کی تردید کی ہے، لکی مروت پولیس ترجمان نے بتایا کہ مقامی افراد اپنے مطالبات کے لیے احتجاج کررہے ہیں تاہم پولیس نے اس وقت تک کوئی کارروائی نہیں کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلحہ انعام اللہ خان بدامنی بنوں بیٹنی آئل پولیس جہاد دہشتگری کسان گیس پلانٹ لکی مروت مروت بیٹنی قومی تحریک مروت کینال.ذریعہ: WE News
کلیدی لفظ: انعام اللہ خان بیٹنی آئل پولیس جہاد دہشتگری گیس پلانٹ لکی مروت مروت بیٹنی قومی تحریک مروت کینال کینال میں پانی لکی مروت میں مقامی افراد مروت کینال مروت کی کے خلاف کے لیے
پڑھیں:
کولمبیا میں 6.3 شدت کا زلزلہ: عمارتیں منہدم، سڑکوں پر دراڑیں
data-id="863a0a8" data-element_type="widget" data-widget_type="theme-post-content.default">
جنوبی امریکی ملک کولمبیا ایک بار پھر زلزلے کی ہولناکی کا شکار ہو گیا، جہاں 6.3 شدت کے طاقتور جھٹکوں نے درجنوں مکانات کو زمین بوس کر دیا جبکہ کئی اہم شاہراہوں پر گہری دراڑیں پڑ گئیں۔
بین الاقوامی خبر رساں ادارے کے مطابق یہ زلزلہ صبح 8 بج کر 8 منٹ پر دارالحکومت بوگوٹا سے تقریباً 170 کلومیٹر مشرق کی سمت پیراٹیبوینو کے علاقے میں زمین کی 9 کلومیٹر گہرائی میں آیا۔ زلزلے کی شدت اس قدر تھی کہ اس کے اثرات بحرالکاہل کے ساحلی علاقوں، میڈلین اور کیلی جیسے بڑے شہروں تک محسوس کیے گئے۔
اگرچہ تاحال کسی جانی نقصان یا شدید زخمیوں کی اطلاع موصول نہیں ہوئی، تاہم حکام ملک کے مختلف دیہی علاقوں میں ہونے والے ممکنہ نقصانات کا جائزہ لینے میں مصروف ہیں۔
دارالحکومت بوگوٹا جو کہ آٹھ ملین سے زائد آبادی کا حامل شہر ہے، وہاں زلزلے کے دوران خوفزدہ شہری دفاتر اور گھروں سے نکل کر پارکوں اور کھلے میدانوں کی طرف دوڑ پڑے۔
سیکیورٹی اداروں کے مطابق ریسکیو ٹیمیں فوری طور پر حرکت میں آئیں اور عمارتوں کا معائنہ کر کے ممکنہ خطرات کی نشاندہی شروع کر دی ہے۔
یاد رہے کہ 1999 میں آنے والے 6.2 شدت کے زلزلے نے تقریباً 1200 جانیں نگل لی تھیں، جس کے بعد یہ موجودہ زلزلہ خطرے کی ایک اور گھنٹی بن کر سامنے آیا ہے۔
کسی کو پاکستان کی جانب میلی آنکھ سے نہیں دیکھنے دیں گے، صدر کی وزیراعظم سے گفتگو