بالی ووڈ اسٹارز سلمان خان اور عامر خان کس فلم میں ایک ساتھ جلوہ گر ہوں گے؟
اشاعت کی تاریخ: 19th, February 2025 GMT
بالی ووڈ میں فلموں کو ری ریلیز کرنے کا نیا رجحان بڑھ رہا ہے، حال ہی میں پاکستانی اداکارہ ماورا حسین کی فلم ’صنم تیری قسم‘ ری ریلیز کی گئی جس نے شاندار کامیابی حاصل کی۔
اب بالی ووڈ کی بہترین کامیڈی فلم ’ انداز اپنا اپنا‘ جو 4 نومبر 1994 کو تھیٹرز میں ریلیز ہوئی تھی اس کو بھی اپریل میں دوبارہ ریلیز کیا جا رہا ہے۔ اس فلم میں عامر خان، سلمان خان، روینہ ٹنڈن اور کرشمہ کپور نے مرکزی کردار ادا کیے تھے۔
یہ بھی پڑھیں: سلمان خان اور عامر خان کی فلم ’ انداز اپنا اپنا‘ 31 سال بعد دوبارہ کیوں ریلیز ہو رہی ہے؟
اس فلم کے بعد شائقین نے ان اداکاروں کو ایک ساتھ کسی فلم میں نہیں دیکھا، مگر عامر خان اور سلمان خان کو انڈیا کے معروف ریئلٹی شو ’بگ باس‘ میں ایک ساتھ دیکھا گیا جب عامر خان اپنی فلم کی تشہیر کے لیے شو میں آئے تھے۔
حال ہی میں عامر خان اپنے بیٹے جنید خان کی فلم ’لوویاپا‘ کی تشہیر کے لیے آئے تھے۔ اس موقع پر سلمان خان بھی موجود تھے۔ مداحوں کے لیے یہ ایک خوشگوار لمحہ تھا۔
یہ بھی پڑھیں: عامر خان نے شاہ رخ خان کا دیا ہوا لیپ ٹاپ برسوں تک کیوں نہ کھولا؟
اس کے بعد مداحوں میں یہ امید پیدا ہوئی کہ سلمان خان اور عامر خان ’انداز اپنا اپنا‘ کے ممکنہ سیکوئل میں دوبارہ ایک ساتھ نظر آ سکتے ہیں۔ بھارتی میڈیا کے مطابق یہ ایک اشارہ ہو سکتا ہے کہ فلم ’انداز اپنا اپنا‘ کا سیکوئل بنایا جا رہا ہے۔ حالانکہ اس سیکوئل کے بارے میں ابھی تک کچھ واضح نہیں کیا گیا ہے۔
کام کے حوالے سے بات کی جائے تو سلمان خان اپنی فلم ’سکندر‘ کی ریلیز کی تیاری کر رہے ہیں، جو 28 مارچ 2025 کو ریلیز ہوگی۔ اس فلم کی ہدایتکاری اے آر مرگدوس کریں گے اور رشیکا منڈانا اس میں خاتون مرکزی کردار میں نظر آئیں گی۔
یہ بھی پڑھیں: سلمان خان اور سنجے دت کس ہالی ووڈ فلم میں کام کرنے والے ہیں؟
عامر خان کی آخری فلم ’لال سنگھ چڈھا‘ تھی، جو 11 اگست 2022 کو سینما گھروں میں ریلیز ہوئی تھی۔ اس فلم میں ان کے ساتھ کرینہ کپور خان بھی تھیں۔ عامر خان اپنی اگلی فلم ’ستارے زمین پر‘ کی شوٹنگ میں مصروف ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انداز اپنا اپنا بالی ووڈ جنید خان سلمان خان صنم تیری قسم عامر خان.ذریعہ: WE News
کلیدی لفظ: انداز اپنا اپنا بالی ووڈ صنم تیری قسم انداز اپنا اپنا سلمان خان اور بالی ووڈ ایک ساتھ فلم میں اس فلم کے لیے
پڑھیں:
فواد خان کی فلم ابیر گلال کے گانے یوٹیوب سے ہٹا دیے گئے
اداکار فواد خان اور وانی کپور کی فلم ابیر گلال مشکلات کا شکار ہے، پہلگام حملے کے بعد بھارت میں مخالفت کے باعث گانے یوٹیوب سے ہٹا دیے گئے۔
فواد خان کی بھارتی سنیما میں واپسی کی امیدوں پر پانی پھر گیا، جب کہ ان کی فلم ابیر گلال کو ریلیز سے چند ہفتے قبل ہی شدید تنازع کا سامنا کرنا پڑ رہا ہے۔
کشمیر کے علاقے پہلگام میں حملے کے بعد پاکستان سے تعلق رکھنے والے فنکاروں کے خلاف بھارت میں ایک بار پھر سخت ردِعمل سامنے آیا ہے۔
ابیر گلال کے 2 گانے خدایا عشق اور انگریزی رنگ رسیا اب یوٹیوب انڈیا پر دستیاب نہیں، ان گانوں کو فلم کے پروڈکشن ہاؤس اے رچر لینز انٹرٹینمنٹ کے آفیشل یوٹیوب چینل پر اپ لوڈ کیا گیا تھا، مگر اب بھارتی صارفین انہیں نہیں دیکھ سکتے، ساتھ ہی معروف میوزک لیبل سارے گاما، جس کے پاس فلم کی موسیقی کے حقوق تھے، اس نے بھی اپنے یوٹیوب چینل سے یہ گانے ہٹا دیے ہیں۔
وانی کپور نے 22 اپریل کو اپنے انسٹاگرام پر فلم کی پروموشنل ویڈیو شیئر کی تھی، جس میں وہ فواد خان کے ہمراہ نظر آتی ہیں، لیکن بعد میں انہوں نے یہ ویڈیو ڈیلیٹ کر دی، اس عمل کو سوشل میڈیا صارفین نے شدید تنقید کا نشانہ بنایا اور BoycottVaaniKapoor# جیسے ہیش ٹیگز ٹرینڈ کرنے لگے۔
موجودہ حالات میں فلم ابیر گلال کی ریلیز پر سیاہ بادل منڈلانے لگے ہیں، فلم کی ریلیز کی تاریخ 9 مئی 2025ء رکھی گئی تھی، مگر اب اس کی نمائش مشکوک ہو گئی ہے۔
Post Views: 1
وزیراعظم محمد شہباز شریف کا مالی سال 2025 کے پہلے 9 ماہ میں آئی ٹی برآمدات میں 2.828 بلین ڈالر (گزشتہ سال کے مقابلے 23 فیصد) اضافے کا خیر مقدم