سنی تحریک کالوڈشیڈنگ کے خلاف احتجاج ، نااہل افسران کیخلاف کارروائی کا مطالبہ
اشاعت کی تاریخ: 21st, February 2025 GMT
حیدرآباد(اسٹاف رپورٹر)پاکستان سنی تحریک کے سینئر مرکزی نائب صدر محمد خالد قادری نے حیسکو کی جانب سے بعض علاقوں میں 16گھنٹے کی لوڈ شیڈنگ اور عوام کو پریشان کرنے کی شدید مذمت کرتے ہوئے وزیر اعظم اور وفاقی وزیر پانی و بجلی سے مطالبہ کیا ہے کہ وہ حیدرآباد کے شہریوں کے ساتھ ہونیوالی زیادتیوں کا نوٹس لیں اور حیسکو کے نااہل اور کرپٹ افسران کے خلاف کارروائی کریں۔انہوں نے مزید کہا کہ حیدرآباد سندھ کا دوسرا بڑا شہر ہے کراچی کے بعد اس کا روینیو اور ٹیکس سب سے زیادہ ہے مگر اس شہر کو ہی نظر انداز کیا جاتا ہے،بجلی کی طویل لوڈ شیڈنگ نے حیدرآباد کے کاروبار کو بھی تباہ کردیا ہے ایک طرف وفاقی وزرات کہتی ہے کہ بجلی کی پیداوار زیادہ ہے جبکہ ابھی موسم سرما ہے اورموسم گرما ابھی شروع ہونیوالا ہے تو اس میں شہریوں کے ساتھ کیا ہوگا، حیسکو نے نہ صرف عوام کی زندگی اجیرن کردی ہے بلکہ اعلانیہ اور غیر اعلانیہ لوڈ شیڈنگ نے عوام کی مشکلات میں اضافہ کردیا ہے۔حیسکو نے سالہا سال سے 8گھنٹے کی اعلانیہ لوڈ شیڈنگ کا سلسلہ جاری رکھا ہوا ہے حکومت کا وجود کہاں ہے کوئی پرسان حال نہیں ہے،مگر حیرت کی بات یہ ہے کہ بجلی کے بل وہی آتے ہیں۔محمد خالد قادری نے کہا کہ رمضان المبارک میں لوڈ شیڈنگ کا دورانیہ کم کرکے سحروافطار میں بجلی کی مستقل فراہمی کو یقینی بنایا جائے تاکہ نہ صرف شہری سحری اور افطار میں پریشانی سے محفوظ رہ سکیں۔
.ذریعہ: Jasarat News
کلیدی لفظ: لوڈ شیڈنگ
پڑھیں:
حیسکو چیف کے اعزاز میں عشائیہ، خدمات پر خراج تحسین پیش کیاگیا
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)حیدرآباد سائٹ ایسوسی ایشن کی جانب سے حیسکو چیف کے اعزاز میں عشائیہ حیدرآباد سائٹ ایریا میں شاندار اور نمایاں خدمات پر خراجِ تحسین حیدرآباد: حیسکو چیف جناب فیض اللہ ڈاہری کے اعزاز میں عشائیہ کا اہتمام حیدرآباد سائٹ ایسوسی ایشن آف ٹریڈ اینڈ انڈسٹری کی جانب سے کیا گیا۔ اس عشائیہ کا مقصد حیسکو چیف اور ان کی ٹیم کی جانب سے سائٹ ایریا میں بجلی کے نظام کی بہتری کے لیے کی جانے والی شاندار خدمات پر خراجِ تحسین پیش کرنا تھا۔تقریب کے مہمانِ خصوصی فیض اللہ ڈاہری کا پرتپاک استقبال چیئرمین عبد الرحمن راجپوت نے کیا۔ ان کے ہمراہ سینئر وائس چیئرمین جہانگیر برکت، وائس چیئرمین ایڈووکیٹ احسن معید شیخ اور ایگزیکٹو ممبران جن میں شعیب سومرو، سیٹھ آفتاب عالم، ضیائالدین قریشی، سید یاور علی شاہ، عبد الستار خان، حاجی اسماعیل، سید حسن ضیا جعفری، وسیم جی، حاجی اختیار آرائیں، عبد الوحید شیخ، محمود راجپوت، شوکت راجپوت، تقی شیخ، خالد جمیل خانزادہ، اشفاق سومرو اور راشد شیخ موجود تھے۔اس موقع پر معزز مہمانانِ گرامی میں صدر جِمخانہ ڈاکٹر آغا تاج، معزز رکن میر رفیق احمد خان تالپور، حاجی گلشنِ الٰہی اور جنید ڈاہری شریک تھے۔حیسکو وفد میں سی ای او حیسکو جناب فیض اللہ ڈاہری، سی او او اعجاز شیخ، چیف پلاننگ ذوالفقار میمن، چیف کمرشل آفیسر ذکی مختیار، ایکسین لطیف آباد 1 سجاد پرویز میمن، ڈی جی مرڈا مّاجد جتوئی، اسسٹنٹ منیجر کوآرڈینیشن ولاداد چانڈیو، لائژن آفیسر / ایکسین کنسٹرکشن 1 نوید احمد میمن اور حیسکو میڈیا پرسن شاہد شامل تھے۔
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف