پولیس نے مکھن دین کو عسکریت پسندی کا الزام لگا کر ان پر وحشیانہ تشدد کیا، اہل خانہ
اشاعت کی تاریخ: 22nd, February 2025 GMT
مکھن دین کے والد کے مطابق کہ میرے بیٹے کی موت کے بعد بھی پولیس نے علاقے کو سیل کر کے انٹرنیٹ سروس معطل کر دی تاکہ لوگوں کی آواز کو دبایا جا سکے۔ اسلام ٹائمز۔ 5 فروری کو ایک 25 برس کا شخص مکھن دین، جس پر عسکریت پسندی میں ملوث ہونے کا الزام تھا، نے مبینہ طور پر کٹھوعہ ضلع میں پولیس کے تشدد کے بعد خودکشی کر لی۔ کٹھوعہ کے بلاور کے رہائشی اور گجر برادری کے مکھن دین کی موت سرخیوں میں آگئی اور کشمیر کی کئی سیاسی جماعتوں نے معاملے کی جانچ کا مطالبہ کیا جس کے بعد پولیس اور انتظامیہ دونوں کو اس واقعہ کی الگ الگ تحقیقات کا حکم دیا گیا۔ پی ڈی پی کی صدر اور جموں و کشمیر کی سابق وزیراعلیٰ محبوبہ مفتی کی بیٹی التجا مفتی مکھن دین کے گھر گئی تھیں۔ مکھن دین کے والد محمد مرید نے کہا کہ پولیس کی وحشیانہ پٹائی نے میرے بیٹے کو مرنے پر مجبور کیا۔ انہوں نے کہا کہ بلاور کے ایس ایچ او نے مکھن دین اور مجھے اوور گراؤنڈ ورکر (او جی ڈبلیو) ہونے کے جھوٹے الزام میں حراست میں لیا تھا اور پولیس نے ہمیں تھانہ بلاور میں تشدد کا نشانہ بنایا۔ انہوں کہا کہ میرے بیٹے کو بہت زہادہ وحشیانہ مار پیٹ اور تشدد کا نشانہ بنایا گیا اور مرنے پر مجبور کیا گیا۔
مکھن دین کے والد کے مطابق کہ میرے بیٹے کی موت کے بعد بھی پولیس نے علاقے کو سیل کر کے انٹرنیٹ سروس معطل کر دی تاکہ لوگوں کی آواز کو دبایا جا سکے۔ انہوں نے مطالبہ کیا کہ قصوروار پولیس اہلکاروں کے خلاف ایف آئی آر درج کی جائے اور اس کی کاپی میرے حوالے کی جائے۔ انہوں نے کہا کہ آئندہ کسی کے ساتھ ایسا ظلم نہیں ہونا چاہیئے۔ انہوں نے کہا کہ ہمیں انصاف چاہیئے مالی امداد نہیں۔ مکھن دین کے بڑے بھائی لال دین نے کہا کہ ہم چاہتے ہیں کہ مکھن دین کے قاتلوں پر مقدمہ چلایا جائے۔ محمد مرید نے کہا کہ پولیس کا کریک ڈاؤن اب بھی جاری ہے۔ پولیس کے ذریعے مزید افراد کو گرفتار کیا جا رہا ہے۔ دریں اثنا محمد مرید نے بنی حلقہ سے آزاد ایم ایل اے ڈاکٹر رامیشور سنگھ کی تعریف کی، جنہوں نے اس مسئلے کو اجاگر کرنے اور پولیس کے تشدد کے خلاف آواز اٹھانے میں مدد کی۔
مکھن دین نے اپنی موت سے قبل ایک ویڈیو ریکارڈ کی تھی جس میں الزام لگایا گیا تھا کہ پولیس افسران نے بے گناہ ہونے کے باوجود اسے عسکریت پسندوں کے ساتھ روابط کا اعتراف کرنے پر مجبور کیا۔ انتہائی قدم اٹھانے سے پہلے انہوں نے پولیس سے اپنی وفاداری اور دہشت گردوں سے کوئی تعلق نہ ہونے کی بات بار بار دہرائی۔ انہوں نے الزام لگایا کہ دوران حراست اس پر تشدد کیا گیا اور دہشت گردوں کے ساتھ اپنے روابط کا اعتراف کرنے پر مجبور کیا گیا۔ ان کا مزید کہنا تھا کہ انہوں نے خودکشی کا انتخاب اس لئے کیا تاکہ ان کے خاندان کے کسی دوسرے فرد کو ذلت اور اذیت کا سامنا نہ کرنا پڑے۔
ذریعہ: Islam Times
کلیدی لفظ: پر مجبور کیا مکھن دین کے میرے بیٹے نے کہا کہ پولیس نے انہوں نے کے بعد
پڑھیں:
17 ارکان کے کمیٹیوں سے استعفے میرے پاس آگئے، آج جمع کراؤں گا، سینیٹر علی ظفر
چیمبر میں صحافیوں سے گفتگو کرتے ہوئے پی ٹی آئی پارلیمانی لیڈر نے کہا کہ ہم احتجاج کے طور پر کمیٹیوں سے استعفے جمع کرا رہے ہیں، کچھ لوگوں کے استعفے بعد میں آئیں گے تو وہ بعد میں جمع کرا دیں گے۔ اسلام ٹائمز۔ پی ٹی آئی کے پارلیمانی لیڈر سینیٹر علی ظفر نے کہا کہ 17 ارکان کے کمیٹیوں سے استعفے میرے پاس آگئے ہیں آج جمع کراؤں گا۔ چیمبر میں صحافیوں سے گفتگو کرتے ہوئے پی ٹی آئی پارلیمانی لیڈر سینیٹر علی ظفر نے کہا کہ ہم احتجاج کے طور پر کمیٹیوں سے استعفے جمع کرا رہے ہیں، کچھ لوگوں کے استعفے بعد میں آئیں گے تو وہ بعد میں جمع کرا دیں گے۔ سینیٹر علی ظفر کا کہنا تھا کہ اعظم خان سواتی، ڈاکٹر زرقہ سہروردی، عون عباس بپی کے استعفے آج جمع کرا دیئے ہیں، محسن عزیز، فیصل جاوید، مشعال یوسفزئی، فلک ناز چترال کا استعفیٰ بھی میرے پاس موجود ہے۔
انہوں نے کہا کہ فوزیہ ارشد، ڈاکٹر ہمایوں مہمند، نور الحق قادری، ذیشان خانزادہ کا استعفیٰ بھی آگیا ہے، علامہ ناصر عباس کا استعفیٰ بھی آگیا ہے، وہ بھی آج جمع کرادوں گا۔ سینیٹر علی ظفر نے کہا کہ سینیٹر دوست محمد خان، روبینہ ناز، سیف اللہ خان نیازی کا استعفیٰ میرے پاس ہے، پارٹی قیادت کی ہدایت ہے جتنے استعفے آگئے وہ جمع کرائیں، ہم اس پرعمل کر رہے ہیں۔انہوں نے کہا کہ ہمارے بغیر بھی کمیٹیاں چل سکتی ہیں تاہم ہم اس کا حصہ نہیں ہیں، ہمارے بغیر کمیٹیوں کا کورم بھی پورا ہوسکتا ہے، تاہم ہم نے فائدہ نقصان نہیں دیکھنا۔
سیلاب سے سینکڑوں بستیاں زیر آب، لاکھوں افراد بے گھر، ملتان کیلئے دو دن انتہائی اہم