پمز ہسپتال میں مریضوں کو بہترین سہولیات کی فراہمی کیلئے حکومت کا احسن اقدام
اشاعت کی تاریخ: 23rd, February 2025 GMT
پمز ہسپتال میں مریضوں کو بہترین سہولیات کی فراہمی کیلئے حکومت کا احسن اقدام WhatsAppFacebookTwitter 0 23 February, 2025 سب نیوز
اسلام آباد (سب نیوز) وفاقی دارالحکومت کے سب سے بڑے سرکاری ہسپتال پمز میں مریضوں کو بہترین سہولیات کی فراہمی کیلئے حکومت کا احسن اقدام ،وزیراعظم محمد شہباز شریف کی خصوصی ہدایت پر پاکستان انسٹیٹیوٹ آف میڈیکل سائنسز پمز ہسپتال کی تعمیر کے 40 سال بعد بڑے پیمانے پر ہسپتال کی مرمت اور انفراسٹرکچر کو بہتر بنانے کا کام شروع کر دیا گیا۔
ہسپتال کی مرمت اور دیگر سہولیات میں بہتری کیلئے وفاقی حکومت نے 400 ملین کی گرانٹ منظور کرنے کے بعد 250 ملین کی گرانٹ جاری کر دی ہے۔
وزیر اعظم کے کوارڈینیٹر برائے صحت ڈاکٹر مختار برتھ، سیکرٹری وزارت صحت ندیم محبوب کی خصوصی دلچسپی اور کاوشوں سے ہسپتال کی مرمت کا باقاعدہ آغاز کیا گیا۔ابتدائی طور پر ہسپتال کی چھتوں کی مرمت کا کام شروع کیا گیا ہے ۔
منصوبے پر تکمیل کا کنٹریکٹ وفاقی ترقیاتی ادارہ( سی ڈی اے) کو دیا گیا ہے۔ ایگزیکٹو ڈائریکٹر پمز پروفیسر ڈاکٹر عمران سکندر کی نگرانی میں سی ڈی اے پمز ہسپتال کی مرمت کے منصوبے کو آئندہ دو ماہ میں مکمل کرے گا۔منصوبے میں ہسپتال کے وارڈ کی مرمت سمیت دیگر کام بھی مکمل کیا جائے گا۔ وفاقی دارالحکومت کے سب سے بڑے سرکاری ہسپتال پمز کی تعمیر 1985 میں کی گئی تھی جس کے بعد بڑے پیمانے پر پہلی بار مرمت کا شروع کیا گیا ہے ۔ہسپتال میں ملک کے مختلف علاقوں سے آئے ہوئے ہزاروں مریضوں کا علاج کیا جاتا ہے۔قبل ازیں ہسپتال کیلئے نئے سٹریچر ،ویل چیئرز ،مریضوں کے لواحقین کیلئے بینچ لگانے سمیت تمام دیگر سہولیات کو بہتر بنایا گیا تھا ۔
ذریعہ: Daily Sub News
کلیدی لفظ: پمز ہسپتال
پڑھیں:
حج کیلئے مکہ مکرمہ آنے والی مصری خاتون کی اچانک بینائی چلی گئی پھر ہسپتال پہنچے تو کیا ہوا؟ بڑی خبر
مکہ مکرمہ(نیوز ڈیسک) مکہ مکرمہ کے طبی ماہرین کی فوری اور درست تشخیص کی بدولت حج کیلئے آئی مصری خاتون کو اس کی بینائی واپس مل گئی۔
عرب خبررساں ادارے کی رپورٹ کے مطابق سعودی وزارت صحت کے حکام نے بتایا کہ مصری خاتون کو اچانک موتیا بند کا سامنا کرنا پڑا تھا۔حکام کے مطابق مصری خاتون کو موتیابند کے ساتھ ریٹینا کے الگ ہوجانے کا خدشہ بھی تھا(اس بیماری میں مبتلا مریضوں کو اگر فوری طبی کارروائی نہ دی جائے تو ان کی بینائی مستقل ختم ہوسکتی ہے ۔ تاہم مکہ مکرمہ کے کنگ عبداللہ میڈیکل سٹی میں قائم آئی ہیلتھ سینٹر میں مصری خاتون کا فوری علاج کیا گیا جس کی بدولت خاتون کو ان کی بینائی واپس مل گئی۔رپورٹ کے مطابق سرجری کے بعد مریضہ کی حالت قدرے بہتر ہے اور انہیں اب ڈسچارج کردیا گیا ہے۔مزید برآں بینائی واپس ملنے کے بعد مصری خاتون ایک بار پھر مناسکِ حج کی ادائیگی کیلئے روانہ ہوچکی ہیں۔
مزیدپڑھیں:بھارت کو پانی بطور ہتھیار استعمال کرنے نہیں دیں گے، وزیراعظم
ننکانہ صاحب پر بھارتی ڈرون حملہ ،سکھ برادری کا عالمی عدالت سے رجوع