کیا راکھی ساونت نے پاکستانی اداکار کے ساتھ منگنی کرلی؟ ہیرے کی انگوٹھی پہنتے ویڈیو وائرل
اشاعت کی تاریخ: 27th, February 2025 GMT
بھارتی اداکارہ اور آئٹم نمبر گرل راکھی ساونت کی پاکستانی اداکار دودی خان سے دبئی میں ملاقات کی ویڈیو نے سوشل میڈیا پر ہلچل مچادی ہے جس میں راکھی ساونت ہیرے کی انگوٹھی دکھا رہی ہیں۔
راکھی ساونت کی جانب سے شیئر کی گئی ویڈیو میں دودی خان نے انھیں ہیرے کی انگوٹھی دی ہے، جس کے بعد سوشل میڈیا پر دونوں کی منگنی کی افواہیں پھیل رہی ہیں۔
بھارتی اداکارہ راکھی ساونت، جو اپنی متنازعہ شہرت اور پیچیدہ محبت کی کہانیوں کےلیے مشہور ہیں، اب پاکستانی اداکار دودی خان کے ساتھ منگنی کی خبروں میں زیرِ بحث ہیں۔ دونوں کی ملاقات اور ان کے درمیان ہونے والی گفتگو نے مداحوں کو حیران کردیا ہے۔
A post shared by Dialogue Pakistan (@dialoguepakistan)
سوشل میڈیا صارفین حیران ہیں کہ کیا راکھی ساونت، جو ماضی میں کئی ناکام تعلقات کا شکار رہی ہیں، اب دودی خان کے ساتھ اپنی زندگی کے نئے باب کا آغاز کرنے جارہی ہیں۔ وائرل ویڈیو میں دیکھا جاسکتا ہے کہ دودی خان نے راکھی کو ہیرے کی انگوٹھی دی، جس نے دونوں کے درمیان تعلقات کے بارے میں قیاس آرائیاں اور بڑھا دیں۔
راکھی ساونت کی زندگی میں کئی نامور لوگ آئے اور گئے، جن میں ابھیشیک اور رتیش جیسے نام شامل ہیں۔ انہوں نے عادل خان درانی سے شادی بھی کی، لیکن یہ رشتہ بھی جلد ہی تلخیوں کا شکار ہوگیا۔ اب راکھی کا نام پاکستانی اداکار دودی خان کے ساتھ منسلک ہوگیا ہے، جو ان کی زندگی میں ایک نئے موڑ کی نشاندہی کررہا ہے۔
دونوں کی سوشل میڈیا پر ہونے والی بات چیت نے اس تعلق کو مزید تقویت بخشی ہے۔ دودی خان نے ایک ویڈیو پیغام میں راکھی کو ہاتھ تھامنے کی پیشکش کی، جس پر راکھی نے بھارت سے ویڈیو پیغام میں ہی جواب دیا۔ تاہم، دودی خان کو سوشل میڈیا پر تنقید کا سامنا کرنا پڑا، جس کے بعد انہوں نے راکھی سے شادی نہ کرنے کا اعلان کردیا۔ انہوں نے یہ بھی کہا تھا کہ وہ راکھی کی شادی اپنے کسی دوست سے کروائیں گے، اور یہ کہ وہ پاکستان کی ہی بہو بنیں گی۔
حال ہی میں دودی خان اور راکھی ساونت کی ملاقات دبئی میں ہوئی، جس کی ویڈیوز سوشل میڈیا پر وائرل ہوگئیں۔ ان ویڈیوز میں راکھی نے دودی سے شکایت کا اظہار کیا اور کہا کہ انہوں نے وعدہ کرکے بیچ راستے میں چھوڑ دیا۔ دودی خان نے اس پر مختلف جواز پیش کیے۔
ایک اور وائرل ویڈیو میں دودی خان کو راکھی کو ڈائمنڈ رنگ پہناتے دیکھا گیا۔ راکھی نے انگوٹھی کے اصلی یا نقلی ہونے پر سوال اٹھایا، جس پر دودی خان نے کہا کہ یہ اصلی انگوٹھی ہے، جو ایک دوست کی جانب سے ایک دوست کےلیے ہے۔
یہ خبریں دونوں کے مداحوں کے لیے دلچسپی کا باعث بنی ہوئی ہیں، اور اب دیکھنا یہ ہے کہ راکھی ساونت اور دودی خان کی کہانی کس موڑ پر جا کر رکتی ہے۔
TagsShowbiz News Urdu.
ذریعہ: Al Qamar Online
کلیدی لفظ: پاکستانی اداکار راکھی ساونت کی سوشل میڈیا پر انہوں نے کے ساتھ
پڑھیں:
’تمام سوشل میڈیا کریئیٹرز جہنم میں جلیں گے‘، اداکار زاہد حسین نے اپنے بیان کی کیا وضاحت کی؟
اداکار زاہد حسین نے حالیہ پوڈ کاسٹ میں سوشل میڈیا کے بانیوں کو جہنمی قرار دینے والے اپنے متنازع جملے کی وضاحت کرتے ہوئے کہا ہے کہ ان کا اصل اعتراض سوشل میڈیا پلیٹ فارمز کے تخلیق کاروں پر تھا، عام مواد بنانے والوں پر نہیں۔ انہوں نے اعتراف کیا کہ جذبات میں آکر ایسا کہنا غلطی تھی، کیونکہ کسی شخص کے جنت یا جہنم کا فیصلہ کرنا صرف اللہ کا اختیار ہے، انسان کا نہیں۔
یہ بھی پڑھیں: ایک واٹس ایپ گروپ نے کیسے اسمگل ہونے والی 50 سے زائد خواتین کو بچایا؟
زاہد حسین کا کہنا تھا کہ انہیں اپنی بات کی سنگینی کا احساس ہوا، خصوصاً اس لیے کہ بہت سے نوجوان ان کی دینی گفتگو سنتے ہیں اور ان کے بیان سے یہ تاثر پیدا ہوا کہ وہ خود فیصلہ دینے کا حق رکھتے ہیں۔ انہوں نے کہا کہ وہ اس غلطی کو تسلیم کرتے ہیں اور آئندہ ایسی زبان استعمال نہیں کریں گے۔
”تمام سوشل میڈیا کنٹینٹ کریئیٹرز اور انفلوئنسرز دوزخ میں جلیں گے“
اداکار زاہد احمد ????️ #ZahidAhmed #SocialMedia #Influencers #EntertainmentNews pic.twitter.com/xjJpqxL6rj
— Pakistan Archive (@PakistanArchve) November 3, 2025
اس سے قبل ایک پوڈ کاسٹ میں زاہد حسین نے سوشل میڈیا کو انسان کی سب سے تباہ کن ایجاد قرار دیتے ہوئے کہا تھا کہ اسے بنانے والے لوگ جہنم میں جائیں گے۔ ان کا مؤقف تھا کہ سوشل میڈیا انسانیت کے لیے منفی کردار ادا کر رہا ہے، خصوصاً ایک مسلمان کی زندگی کے اصولوں کے خلاف ہے، جہاں اسلام عاجزی اور سادگی کا درس دیتا ہے، جبکہ سوشل میڈیا شہرت، خودنمائی، فالوورز اور دکھاوے کی زندگی کو فروغ دیتا ہے۔
یہ بھی پڑھیں: ’امید ہے یہ اس وقت با وضو ہوں گے‘ نعمان اعجاز اور صبا قمر کے بولڈ سین پر صارفین کی شدید تنقید
زاہد حسین کے مطابق سوشل میڈیا پر ہر چیز خود کو نمایاں کرنے کے گرد گھومتی ہے، جو نفس پرستی کو بڑھاتی ہے اور ان کے خیال میں یہ شیطان کا سب سے مؤثر ہتھیار بن چکا ہے، اگرچہ لوگ خود بھی اسے استعمال کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اداکار جہنم زاہد حسین سوشل میڈیا تخلیق کار
حماس یاکسی اور نے اسرائیلی فوجی پر حملہ کیا تھا، اسرائیل سے جواب کی توقع تھی، جے ڈی وینس