رینجرز کو سندھ میں بھی پولیسنگ کے اختیارات دیے جائیں، آفاق احمد
اشاعت کی تاریخ: 28th, February 2025 GMT
میرے اقدام کو لسانی رنگ دینے والوں کی سازش عوام نے بے نقاب کر دی
سندھ حکومت نے چوکیاںٹھیکے پر دے رکھی ہیں، ہم پیچھا نہیں چھوڑیں گے، گفتگو
چیئر مین آفاق احمد اپنی رہائی کے تیسرے دن بھی قاتل ڈمپراور ٹینکرڈرائیور کے ہاتھوں کچلے جانے والے افراد کے لواحقین سے ملنے اور دعائے مغفرت کے لیے ان کی رہائش گاہ پہنچ گئے،کورنگی انڈسٹریل ایریا میں ڈمپر سے جاں بحق ہونے والے سید مزمل، ولد منورحسین ، فیوچر موڑ پر قاتل ڈمپر کا شکار بننے والے محمد عاقل ولد محمد شفیق جبکہ ملینم شاپنگ مال پر جاں بحق ہونے والے جوڑے رہائشی جعفرطیار، سید کامران خورشیدی اور انکی زوجہ سید ہ مریم زہرہ کے گھر جاکے انکے اہل خانہ سے تعزیت اورقاتل ڈمپر ڈرائیور کوانکے جرم کی سزا دلانے کی یقین دہانی اور اپنے مکمل تعاون کا یقین دلایا۔آفاق احمد نے کہا کہ میرا اقدام کسی قومیت کے خلاف نہیں بلکہ شہر میں بسنے والے 3کروڑ عوام کیلئے تھا ،آج بھی میں بلا رنگ و نسل جاں بحق ہونے افراد کے گھر وں پر گیا اور اللہ کا شکر ہے کہ میرے اقدام کولسانی رنگ دینے والوں کی سازش کو عوام نے ناکام بنادیا جبکہ میری نیت صاف تھی اسلئے اللہ کی مدد بھی شامل ہوگئی۔آفاق احمد جعفر طیار سے 12 روز قبل رشتہ ازداواج میںمنسلک ہونے جوڑے طحہ عباس اور زوجہ دعا عباس کی گیس لیکیج سے ہلاکت پرانکے گھر دعائے مغفرت کیلئے بھی گئے ۔آفاق احمد نے کہا کہ موٹر فٹنس کامطلب بریک لگنا ،او رلائٹ کا جلنا نہیں، بلکہ موٹر وہیکل قوانین پر مکمل عمل درآمد کرنا ہے جسکے لئے وکلاء اور ذمہ داران کی مدد سے ہر قانونی راستہ اختیار کرنے کیلئے کمیٹی تشکیل دے دی گئی ہے،ہم کسی طور سندھ حکومت کا پیچھا نہیں چھوڑیں گے۔آفاق احمد نے کہا کہ کراچی میںپولیسنگ کے جو اختیارات رینجرز کے پاس ہیں وہی اختیارات سند ھ کے دیگر اضلاح کو بھی دئیے جائیں تاکہ اندرونِ سندھ میں آباد دیگر لوگوں کو کچے کے ڈاکوؤں اور جاگیرداروں کے مظالم سے معصوم شہریو ںکو بچایا جاسکے۔ انہوں نے کہا کہ سندھ حکومت نے چوکیاںٹھیکے پر دے رکھی ہیں جو کہ قانون کی بالادستی قائم کرنے کے بجائے پیسہ بنانے میںلگی ہوئی ہیں۔
.ذریعہ: Juraat
پڑھیں:
ورلڈ ٹیسٹ چیمپیئن شپ فائنل: جانیے کل سے شروع ہونے والے شاہانہ مقابلے کی تفصیلات
دنیائے کرکٹ کا سب سے باوقار و شاہانہ ٹیسٹ میچ کل (بدھ) سے لارڈز میں شروع ہورہا ہے جہاں آسٹریلیا اور جنوبی افریقہ کی ورلڈ ٹیسٹ چیمپیئن شپ کے فائنل میں ایک دوسرے سے نبرد آزما ہوں گی۔
یہ بھی پڑھیں: آئی سی سی ٹیسٹ چیمپیئن شپ جیتنے والی ٹیم کو کتنی انعامی رقم ملے گی؟ آئی سی سی نے اعلان کردیا
یہ محض ایک ٹیسٹ میچ نہیں بلکہ دنیا بھر میں 2 سال کے سخت مقابلے کا اختتام ہے جس میں دنیا کی 2 بہترین ٹیسٹ ٹیمیں کرکٹ کے حتمی انعام کے لیے لڑیں گی۔
پیٹ کمنز کی قیادت میں آسٹریلیا اوول میں ہونے والے گزشتہ مقابلے کا فاتح تھا جس نے فائنل میں بھارت کو شکست دے کر یہ اعزاز حاصل کیا تھا اور اب اپنے ٹائٹل کا دفاع کرنے کے لیے 11 تا 15 جون جنوبی افریقہ کے خلاف میدان میں ہوگا۔ آسٹریلیا اس سال کا فائنل بھی جیت کر متواتر دوسری مرتبہ ورلڈ ٹیسٹ چیمپیئن شپ ٹائٹل جیتنے والی پہلی ٹیم بن کر تاریخ رقم کرنا چاہتی ہے۔
جنوبی افریقہ کی ٹیم ٹیمبا باوما کی کپتانی میں 20 سالوں میں اپنی پہلی بڑی آئی سی سی ٹرافی کے حصول کی تگ و دو کرے گی۔ ان دنوں پروٹیز (جنوبی افریقن ٹیم) اپنی شاندار فارم میں ہیں اور اس ٹیم نے فائنل تک اپنے سفر کے دوران غیر معمولی کارکردگی کا مظاہرہ کیا ہے۔
ورلڈ ٹیسٹ چیمپییئن شپ فائنل کے لیے راستےلارڈز تک جنوبی افریقہ کا راستہ متاثر کن رہا ہے۔ انہوں نے 12 میچ کھیلے جن میں سے 8 جیتے اور صرف 3 ہارے جبکہ ایک ڈرا یعنی ہار جیت کے بغیر ختم ہوا۔ بنگلہ دیش، سری لنکا اور پاکستان کے خلاف کلین سویپ سمیت مسلسل 7 ٹیسٹ میچوں میں جیت کے ساتھ ان کی مہم نے زور پکڑا۔ اس معرکے میں جنوبی افریقہ کی ٹیم 69.44 فیصد کے ساتھ ٹاپ پر رہی۔
آسٹریلیا نے 19 میچ کھیلے جس میں 13 جیتے، 4 ہارے اور 2 ڈرا ہوئے۔ اس کے سفر میں انگلینڈ میں ڈرا ہوئی ایشز سیریز، پاکستان کے خلاف شاندار ہوم پرفارمنس اور ابتدائی ٹیسٹ ہارنے کے بعد بارڈر-گواسکر ٹرافی میں ہندوستان کے خلاف اہم واپسی شامل تھی۔ اس نے سری لنکا میں 2-0 کی جیت کے ساتھ اپنی جگہ بنائی اور 67.54 فیصد کے ساتھ دوسرے نمبر پر رہا۔
اہم کھلاڑی جن پر ٹیمیں تکیہ کریں گیجنوبی افریقہ کے لیے کگیسو ربادا اہم ثابت ہوں گے۔ فی الحال دنیا کے دوسرے بہترین ٹیسٹ بولر کے طور پر درجہ بندی کرنے والے ربادا نے اس سائیکل کے دوران صرف 10 ٹیسٹ میں 19.97 کی شاندار اوسط سے 47 وکٹیں حاصل کیں۔ انگلش حالات میں ان کا تجربہ (6 ٹیسٹ میں 30 وکٹیں) انہیں لارڈز میں اور بھی خطرناک بنا دیتا ہے۔
آسٹریلیا حوصلہ افزائی کے لیے ٹریوس ہیڈ کی طرف دیکھے گا۔ جارحانہ بائیں ہاتھ کا کھلاڑی مستقل کارکردگی کا مظاہرہ کرنے والا ہے، اس سائیکل میں آسٹریلیا کے تمام 19 میچوں میں 3 سینچریوں کے ساتھ 1،177 رنز بنائے۔
مزید پڑھیے: ورلڈ ٹیسٹ چیمپیئن شپ فائنل کے لیے آسٹریلیا کے اسکواڈ کا اعلان، کن اہم کھلاڑیوں کی واپسی ہوئی؟
ٹریوس ہیڈ ہندوستان کے خلاف میچ وننگ 163 رنز کے ساتھ گزشتہ سال کے فائنل کے ہیرو تھے اور بلاشبہ اب آسٹریلیا کو دوبارہ ان سے عمدہ کارکردگی کی امید ہوگی۔
انعام کی موٹی رقمانعامی رقوم اب پہلے سے کہیں زیادہ ہیں۔ چیمپیئنز کو ریکارڈ 3.6 ملین ڈالی کی رقم ملے گی جو پچھلے فائنلز میں دیے گئے 1.6 ملین ڈالر سے دوگنا ہے۔ یہاں تک کہ رنرز اپ بھی 2.16 ملین ڈالر کی خطیر رقم اپنے ساتھ لے جائیں گے۔
لیکن ان ٹیموں کے لیے میچ پیسوں سے بڑھ کر ہے کیوں کہ یہ دنیا کی بہترین ٹیسٹ ٹیم کے تاج کے حصول کا معاملہ ہے۔
لارڈز کرکٹ گراؤنڈ کی پچ کن کے لیے سازگار؟جون میں لارڈز عام طور پر بولر اور بیٹسمین دونوں کے لیے ہی کچھ نہ کچھ مواقع رکھتا ہے۔ تیز گیند بازوں کے لیے میچ کا ابتدائی دورانیہ، دن کے گزرنے کے ساتھ ساتھ بیٹنگ کے لیے سازگار حالات اور تھوڑا وقت گزرنے پر اسپنرز کو اپنا جادو جگانے کا موقع۔
مزید پڑھیں: ورلڈ ٹیسٹ چیمپیئن شپ: آئی سی سی کا اضافی پوائنٹس متعارف کرانے کا فیصلہ
آسٹریلیا کے پیس اٹیکرز کمنز، اسٹارک اور ہیزل ووڈ اور جنوبی افریقہ کے رباڈا، نگیڈی، جانسن اور پیٹرسن کی بدولت بلے بازوں اور بولرز کے درمیان ایک سنسنی خیز جنگ کی توقع ہے۔
دنیا بھر کے کرکٹ شائقین اس میچ کے لیے بیچین ہیں کیونکہ اس میں دو کرکٹ پاور ہاؤسز کرکٹ کے گھر لارڈز کرکٹ گراؤنڈ (لندن) میں اپنے کھیل کا جادو جگائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی ورلڈ ٹیسٹ چیمپیئن شپ آسٹریلین کرکٹ ٹیم جنوبی افریقن کرکٹ ٹیم لارڈز کرکٹ گراؤنڈ ورلڈ ٹیسٹ چیمپیئن شپ فائنل
ہماری معاشی خود انحصاری کا دارومدار سستی بجلی اور زراعت پر ہے: وزیراعظم