اسحاق ڈار کی بنگلہ دیش کے ایڈوائزر خارجہ امور سے ملاقات، دوطرفہ تعلقات کی مزید مضبوطی کا اعادہ
اشاعت کی تاریخ: 8th, March 2025 GMT
نائب وزیراعظم و وزیر خارجہ اسحاق ڈار نے بنگلہ دیش کے ایڈوائزر خارجہ امور توحید حسین سے ملاقات کی ہے۔
ترجمان دفتر خارجہ کے مطابق ملاقات جدہ میں او آئی سی کے وزرائے خارجہ اجلاس کے دوران سائیڈ لائنز پر ہوئی۔
یہ بھی پڑھیں باسمتی چاول سے لدا پاکستانی جہاز آئندہ ہفتے بنگلہ دیش کی مونگلا بندرگاہ پہنچے گا
ترجمان کے مطابق 5 ماہ کے دوران ہونے والی یہ دوسری ملاقات ہے، ملاقات کے دوران دونوں جانب سے دو طرفہ تعلقات کی مزید مضبوطی کا اعادہ کیا گیا۔
ترجمان شفقت علی خان کے مطابق ملاقات میں باہمی دلچسپی کے مختلف شعبہ جات میں دو طرفہ تعاون کا اعادہ بھی کیا گیا۔
ترجمان دفتر خارجہ نے کہاکہ دونوں جانب سے پاکستان اور بنگلہ دیش کے مابین تاریخی، مذہبی اور ثقافتی روابط کو سراہا گیا۔
ترجمان نے بتایا کہ اسحاق ڈار نے پاکستان کی جانب سے تجارت اور عوامی روابط میں مزید فروغ کی خواہش کا اظہار کیا۔
یہ بھی پڑھیں بنگلہ دیش اور پاکستان میں فروغ پاتے تعلقات پر بھارت سیخ پا
واضح رہے کہ بنگلہ دیش کی عبوری حکومت پاکستان کے ساتھ اپنے تعلقات کو مضبوط کرنے کے لیے بھرپور اقدامات کررہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسحاق ڈار ایڈوائزر خارجہ امور بنگلہ دیش پاکستان ترجمان دفتر خارجہ توحید حسین دوطرفہ تعلقات وی نیوز.
ذریعہ
ذریعہ: WE News
کلیدی لفظ: اسحاق ڈار ایڈوائزر خارجہ امور بنگلہ دیش پاکستان ترجمان دفتر خارجہ توحید حسین دوطرفہ تعلقات وی نیوز اسحاق ڈار بنگلہ دیش
پڑھیں:
دوسرا ون ڈے: آسٹریلیا نے پاکستان کو 41 رنز سے شکست دے دی
لاہور(نیوز ڈیسک)تین ایک روزہ میچوں کی سیریز کے دوسرے میچ میں آسٹریلیا نے پاکستان کو 42 رنز سے شکست دے کر سیریز 1-1 سے برابر کردی۔
لاہور کے قذافی اسٹیڈیم میں کھیلے گئے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی۔
مہمان ٹیم نے پہلےکھیلتے ہوئے مقررہ 50 اوورز میں 9 وکٹ پر 231 رنز اسکور کیے۔
آسٹریلیا کی جانب سے کیمرون گرین 53، جوش انگلس 51 اور میٹ رنشا 43 رنز بنا کر نمایاں رہے۔
پاکستان کی جانب سے کپتان شاہین آفریدی نے 3 جب کہ حارث رؤف ، عرفات منہاس اور ابرار احمد نے 2،2 وکٹیں حاصل کیں۔
232 رنز کے ہدف کے تعاقب میں پاکستان کی پوری ٹیم 44 اوور میں 190 رنز بنا کر آؤٹ ہوگئی۔
پاکستان کی جانب سے شاداب خان نے ناٹ آؤٹ 71 رنز کی اننگ کھیلی۔ ان کے علاوہ غازی غوری نے 37 اور عرفات منہاس نے 33 رنز بنائے۔
آسٹریلیا کی جانب سے ناتھن ایلس نے 4 اور میتھیو شارٹ نے 3 کھلاڑیوں کو آؤٹ کیا۔
خیال رہےکہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
مزید پڑھیں۔سونے کی قیمت میں پھر ہوشربا اضافہ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ