چیمپئنز ٹرافی کس کی ؟ فیصلہ کن معرکہ آج ہو گا
اشاعت کی تاریخ: 9th, March 2025 GMT
کراچی:
چیمپئنز کا چیمپئن کون؟ فیصلہ آج ہوجائے گا،8 ٹیموں کے درمیان شروع ہونے والی جنگ اب 2 سائیڈز تک سمٹ آئی، نیوزی لینڈ اور بھارت چمچماتی ٹرافی ہاتھوں میں اٹھانے کیلیے بے تاب ہیں، دونوں میں سے ایک سائیڈ مقدر کی سکندر ثابت ہوگی.
کیویز نے حریف ٹیم کی پارٹی اجاڑنے کی ٹھان لی، اسپن کے ساتھ پیس اٹیک سے بھارت کو نشانہ بنانے کی کوشش ہو گی، راچن رویندرا، ڈیوون کونوے اور ول ینگ کے کندھوں پر توقعات کا بوجھ ہے، کین ولیمسن کا تجربہ بھی کام آئے گا.
دوسری جانب دبئی کی ہوم گراؤنڈ جیسی موافق کنڈیشنز بلو شرٹس کااعتماد آسمان پر پہنچا رہی ہیں،اسپن ہتھیار ایک بار پھر کیوی بیٹنگ کو چھلنی کرنے کیلیے بے چین ہیں،روہت شرما، شبمن گل، ویراٹ کوہلی اور شریاس آئر کی موجودگی نے بیٹنگ کو طاقتور بنا دیا۔
تفصیلات کے مطابق چیمپئنز ٹرافی کا فائنل آج دبئی انٹرنیشنل کرکٹ اسٹیڈیم پر بھارت اور نیوزی لینڈ کے درمیان کھیلا جائے گا، دونوں ٹیمیں ٹائٹل جیتنے کا خواب آنکھوں میں سجائے ہوئے ہیں، بظاہر بھارتی ٹیم کا پلڑہ بھاری دکھائی دے رہا ہے جو اپنے تمام میچز دبئی میں ہی کھیل چکی، اس وجہ سے اسے کنڈیشنز سے اچھی طرح واقفیت حاصل ہوچکی،ٹیم فیصلہ کن معرکے میں بھی اسی کا فائدہ اٹھانے کی کوشش کرے گی.
پچ سے اسپنرز کو مدد ملنے کا امکان ہے ، بھارتی الیون میں 4 اسپن بولرز اعتماد کو مزید تقویت پہنچا رہے ہیں، ٹورنامنٹ میں ورون چکرورتی نے اپنی صلاحیتوں کا خوب اظہار کیا، انھوں نے کیویز کے خلاف گروپ میچ میں 5 وکٹیں اڑائی تھی، اس بار بھی ان سے نیوزی لینڈ کے خلاف ویسی ہی کارکردگی کی توقع کی جا رہی ہے.
ان کے ساتھ اسپن اٹیک میں رویندرا جڈیجا، کلدیپ اور اکشر پٹیل موجود ہیں ، انجری کی وجہ سے طویل عرصے بعد ٹیم میں واپس لوٹنے والے پیسر محمد شمی بھی تباہی ڈھانے کیلیے تیار ہیں، وہ اب تک 8 شکار کے ساتھ میٹ ہنری کے بعد ٹورنامنٹ کے دوسرے کامیاب بولر ہیں، انھوں نے آسٹریلیا کے خلاف سیمی فائنل میں 3 اہم شکار کیے تھے.
ٹورنامنٹ میں بھارت ہی واحد ٹیم ہے جس نے اب تک اپنے چاروں میچز میں حریف سائیڈز کو آؤٹ کیا، بھارت کی طاقتور بیٹنگ لائن میں روہت شرما، شبمن گل، ویراٹ کوہلی اور شریاس آئر موجود ہیں.
یہ 2000 کے چیمپئنز ٹرافی فائنل کا ’ری میچ‘ ہے تب کیوی ٹیم نے بھارت پر فتح حاصل کی تھی، 2019 ورلڈکپ سیمی فائنل اور 2021 کے ٹیسٹ چیمپئن شپ فائنل میں بھی نیوزی لینڈ کی ٹیم بھارت کو شکست دے چکی، دونوں ٹیموں کے درمیان چیمپئنز ٹرافی کے فائنل میں بھی سنسنی خیز مقابلے کی توقع ہے.
اس بار بھی نیوزی لینڈ فیصلہ کن میچ میں کامیابی کیلیے بے قرار ہے، اگرچہ دبئی میں ہی اسے بھارت کے ہاتھوں گروپ میچ میں شکست کا منہ دیکھنا پڑا تھا مگر ٹیم اس ناکامی کا بدلہ چکانے کی خواہاں ہے.
کیوی اوپنر پیٹر ینگ نے کہا کہ ہم گروپ میچ میں ملنے والے تجربے سے بہت کچھ حاصل کرسکتے ہیں، میں اب زیادہ سنبھل کر حریف بولرز کا سامنا کروں گا ،ہمارے بولرز بھی اب بھارتی بیٹرز کے خلاف نئی حکمت عملی سے میدان سنبھالیں گے۔
ول ینگ کے ساتھ راچن رویندرا اور ڈیوون کونوے نے رواں ایونٹ میں کیوی کامیابیوں میں اہم کردار ادا کیا ہے، رویندرا ٹیم کی امیدوں کا محور ہوں گے ،انھوں نے جنوبی افریقہ کے خلاف سیمی فائنل اور بنگلہ دیش سے گروپ میچ میں سنچریاں بنائیں۔
ادھر نیوزی لینڈ کے کپتان مچل سینٹنر نے کہا کہ بھارت کو اپنے تمام میچز دبئی میں کھیلنے کا ایڈوانٹیج حاصل ہوگا، کنڈیشنز ان کیلیے تھوڑی موزوں ہوسکتی ہیں مگر ہم اچھے کھیل سے کامیابی کیلیے ْپراعتماد ہیں۔
ذریعہ: Express News
کلیدی لفظ: چیمپئنز ٹرافی گروپ میچ میں نیوزی لینڈ کے ساتھ کے خلاف
پڑھیں:
بھارت کے ہندوتوا پرست متعصب دماغوں کی کرکٹ پر دھونس جاری رہے گی یا نہیں؛ فیصلہ کی گھڑی آگئی
سٹی42: پاکستان اوریواےای کامیچ ہوگایانہیں ؟ بھارت کے ہندوتوا پرست متعصب دماغوں کی کرکٹ پر دھونس جاری رہی گی یا نہیں، آئی سی سی بھارتی حکمرانوں کی کنیز کا کردار ادا کرنا بند کرے گی یا نہیں؛ انٹرنیشنل کرکٹ کی مینیجمنٹ میں آئی سی سی کا کردار اہم ہو گا یا بھارتی کرکٹ بورڈ کا؛ ان سوالات کا فیصلہ آج کچھ دیر میں ہو جائےگا کیونکہ پاکستان کرکٹ بورڈ نے ان سواالات کو حل کرنے کے لئے پوزیشن لے لی ہے۔
نادرا لاہور ریجن میں ’’میری شناخت، میرا تحفظ‘‘ کے موضوع پر خصوصی آگاہی ہفتہ شروع
ذرائع بتا رہے ہیں کہ اب نام نہاد بڑے بورڈ کی دھونس نہیں چلے گی۔ آلہ کار بننے والے میچ ریفری کو ایشیا کپ سے نکالا جائے گا تب ہی پاکستان کے گرین شرٹس میچ کھیلنے کے لئے گراؤنڈ میں جائیں گے۔ آج آلہ کار بننے والے ریفری کو ہٹا دیا گیا تو نام نہاد بڑے بورڈ کی دھونس کا سلسلہ غالباً ہمیشہ کے لئے رک جائے گا۔
پاکستان کرکٹ بورڈ پی سی بی کے ترجمان نے پہلے بتایا رکھا تھا، آج دوبارہ تصدیق کی کہ پاکستان کرکٹ بورڈ قومی مفاد کو مدنظر رکھ کر فیصلہ کرئے گا۔ذرائع کے مطابق پاکستان نے تمام تحفظات کو دور کرنے پر زور دیا ہے اور کہا پاکستان تمام تر تحفظات دور ہونے اور مطالبہ تسلیم کرنے کے باضابطہ اعلان کے بعد پاکستان کھیلنے کے لیے رضامندی ظاہر کرے گا۔
سانحہ 9 مئی ، ٹرائل کی کارروائی 20 ستمبر تک ملتوی
آج پی سی بی نے آئی سی سی کو ایک اور خط لکھ دیا میں واضح کیا گیا کہ میچ ریفری اینڈی کو سزا دینے کے معاملہ پر کوئی لچک نہیں۔ پاکستان کرکٹ بورڈ نے اینڈی کے مس کنڈکٹ کی آئی سی سی انکوائری طریقہ کار کے مطابق نہین ، انکوائری میں متعلقہ افراد سے رابطہ تک نہیں کیا گیا۔
ایک طرف ذرائع یہ خبر دے رہے ہیں کہ آئی سی سی نے پاکستان کرکٹ بورڈ کے مطالبہ کے سامنے گھٹنے ٹیک دیئے ہیں۔پاکستان اور یو اے ای کے میچ سے اینڈی پائی کرافٹ کو ہٹا دیا ہے لیکن پاکستان کا اصل مطالبہ اینڈی کرافٹ کو ایشیا کپ سے الگ کرنا ہے۔ اس ضمن میں آئ یسی سی نے اب تک کوئی رسمی اعلان نہیں کیا۔
بھارتی کرکٹرز پر پاکستانی نیٹ بولرز کے ساتھ تصاویر پر پابندی عائد
محسن نقوی کیا کر رہے ہیں
میڈیا رپورٹس کے مطابق پاکستان کرکٹ بورڈ کے چیئرمین محسن نقوی پی سی بی کے آفیشلز سے مسلسل رابطے میں ہیں اور پی سی بی کو آئی سی سی کی ریفری تبدیلی کی ای میل ملنے پر ہی ٹیم اسٹیڈیم جائےگی۔
پی سی بی کب تک آئی سی سی کے جواب کا انتظار کرےگا
زائرین کے لئے عمرکی حدمقرر ,عراق نے نئی ہدایات جاری کردیں
بال اب آئی سی سی کےکورٹ میں ہے، پاکستان کرکٹ بورڈ کا انتظار جاری ہے اور ٹیم کو میچ کی تیاری مکمل رکھنے کی ہدایت کی گئی ہے۔پاکستان کرکٹ بورڈ کی جانب سےآئی سی سی کوکوئی ڈیڈلائن نہیں دی گئی، لیکن آج کا میچ پاکستانی وقت کے مطابق شام ساڑھے سات بجے ہونا طے تھا۔ آئی سی سی کو جو کچھ کرنا ہے وہ اس میچ سے پہلے سامنے آنا لازم ہے ورنہ یہ طے ہے کہ گرین شرٹس میچ کھیلنے کے لئے میدان مین نہیں جائین گے اور صرف ایشیا کپ ہی تباہ نہیں ہو گا بلکہ تنازعہ بالکل نئی شکل اختیار کر لے گا۔
سونے کی قیمت میں بڑی کمی، فی تولہ کتنے کا ہوگیا؟
ذرائع بتا رہے ہیں کہ پاکستان اور متحدہ عرب امارات کے میچ میں رچی رچرڈسن ککا تقرر تو یقینی ہے لیکن پاکستان محض ایک اپنے میچ کے لئے ریفری بدلنے کے لئے نہیں کہہ رہا بلکہ سازش میں آلہ کار بننے والے ریفری کو ایشیا کپ سے الگ کرنے کے لئے کہہ رہا ہے۔
Waseem Azmet
دریاؤں میں پانی کی صورتحال ابھی تک غیر معمولی ہے، شرجیل میمن