میو اسپتال میں انجیکشن کے ری ایکشن کے باعث ہلاکتوں کا معاملہ، انسانی غلطی کا انکشاف
اشاعت کی تاریخ: 10th, March 2025 GMT
لاہور کے میو ہسپتال میں انجیکشن سے مریضوں کے متاثر اور جاں بحق ہونے ہونے کے معاملے میں ایک اینٹی بائیوٹک انجیکشن کے استعمال میں انسانی غلطی کا انکشاف ہوا ہے۔
ذرائع کے مطابق اسپتال کے متعلقہ وارڈ کے عملے نے پاؤڈر انجیکشن کو مکس کرنے کے لیے غلط پانی استعمال کیا، جس کے باعث ری ایکشن ہوا ورنہ اینٹی بائیوٹک انجیکشن بالکل ٹھیک تھا۔
یہ بھی پڑھیں: وزیر اعلیٰ پنجاب کی میو اسپتال آمد، مریضوں کی شکایات پر میڈیکل سپرنٹینڈنٹ برطرف
اینٹی بائیوٹک انجکشن کو مکس کرنے کے لیے پانی کی بجائے رینگر لیکٹیٹ اور کیلشیم گلوکونیٹ استعمال کیا گیا۔
اسپتال میں استعمال سے پہلے انجیکشن کی ڈرگ ٹیسنگ کی گئی تھی جو کلئیر ہے، نجی کمپنی کے اینٹی بائیوٹک انجیکشن کو میو اسپتال کے دیگر مختلف وارڈز میں بھی استعمال کیا جاتا رہا ہے، تاہم ری ایکشن صرف ایک وارڈز میں ہی سامنے آیا ہے۔
اس انجیکشن کا 4 لاکھ ٹیکوں کی کھیپ تھی، جو لاہور کے مختلف اسپتالوں میں سپلائی کی گئی تھی، لیکن ان تمام اسپتالوں میں کوئی ری ایکشن سامنے نہیں آیا، میو اسپتال میں 6 ہزار مذکورہ اینٹی بائیوٹک انجیکشن سپلائی ہوئے تھے۔
واقعہ پر صوبائی محکمہ صحت کی ٹیم اسپتال انتظامیہ کے ساتھ مشترکہ تحقیقات کر رہی ہے، ترجمان میو اسپتال کا کہنا ہے کہ انجیکشن کا استعمال روک دیا اور تحقیقاتی کمیٹی قائم کر دی گئی ہے۔
مزید پڑھیں: مریم نواز نے میو اسپتال کے جس ایم ایس کو نکالا وہ 3 ہفتے پہلے استعفیٰ دے چکا تھا، فیصل واوڈا کا انکشاف
محکمہ صحت و میو اسپتال انتظامیہ کی جانب سے اس ضمن میں پہلے ہی الرٹ جاری کیا چا چکا ہے، جس کے مطابق پاؤڈر اینٹی بائیوٹک انجکشن کو مکس کرنے کے لیے درکار پانی کا استعمال کیا جائے اور رینگر لیکٹیٹ اور کیلشیم گلو کونیٹ میں مکس نہ کیا جائے۔
واضح رہے کہ چند روز قبل میو اسپتال کے چیسٹ وارڈ میں انجیکشن کے مبینہ ری ایکشن سے ایک خاتون سمیت 2 مریض اپنی جان کی بازی ہار گئے تھے، اسپتال انتظامیہ کے مطابق انجیکشن کے مبینہ ری ایکشن سے دیگر 15 مریض متاثر ہوئے تھے۔
اسپتال انتظامیہ نے انجیکشن سے متعلق تحریری الرٹ جاری کرتے ہوئے بتایا تھا کہ مذکورہ انجیکشن 2024 میں تیار ہوا تھا، پنجاب حکومت کے ذریعے انجیکشن میو اسپتال میں سپلائی ہوا لیکن ان انجیکشن سے متعدد مریضوں کو ری ایکشن ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الرٹ انسانی غلطی اینٹی بائیوٹک انجیکشن ڈرگ ٹیسنگ میو اسپتال.ذریعہ: WE News
کلیدی لفظ: الرٹ ڈرگ ٹیسنگ میو اسپتال اسپتال انتظامیہ استعمال کیا اسپتال میں میو اسپتال انجیکشن کے اسپتال کے اسپتال ا ری ایکشن کے لیے
پڑھیں:
حمائمہ ملک نے فون کرکے اپنی غلطی تسلیم کی، مفتی طارق مسعود
کراچی(شوبز ڈیسک) مذہبی مبلغ مفتی طارق مسعود نے انکشاف کیا ہے کہ کچھ عرصہ قبل اداکارہ حمائمہ ملک نے انہیں فون کرکے ’بول‘ فلم میں بولے گئے ڈائلاگ پر اپنی غلطی کا اعتراف کیا۔
مفتی طارق مسعود کی سوشل میڈیا پر وائرل ہونے والی مختصر ویڈیو میں انہوں نے بتایا کہ حمائمہ ملک نے ’بول‘ نامی نامی فلم میں اپنے والد کو ایک ڈائلاگ بولا تھا کہ ’جب کھلا نہیں سکتے تو پیدا کیوں کرتے ہو؟‘
ان کے مطابق انہوں نے اداکارہ کے مذکورہ ڈائلاگ کے بعد سخت بیان اور رد عمل دیا تھا اور کہا تھا کہ اداکارہ کے مذکورہ ڈائلاگ سے بچے اور خصوصی طور پر بچیاں اپنے والدین سے باغی ہو رہی ہیں اور بچوں کو باغی کرنے کی کوشش کی جا رہی ہے۔
مفتی طارق مسعود کا کہنا تھا کہ ان کا بیان سننے کے بعد حمائمہ ملک نے مولانا طارق جمیل سے ان کا فون نمبر لیا اور انہیں کال کی۔
انہوں نے بتایا کہ وہ اداکارہ کی اجازت سے ہی ان کی بات بیان کر رہے ہیں، حمائمہ ملک نے کچھ عرصہ قبل انہیں فون کرکے اپنی غلطی تسلیم کی۔
مبلغ کے مطابق حمائمہ ملک نے اعتراف کیا کہ انہوں نے فلم میں غلط ڈائلاگ بولا، ان سے نا سمجھی میں غلطی ہوگئی لیکن اس میں ان کا قصور نہیں، اسکرپٹ کسی اور نے لکھا تھا۔
مفتی طارق مسعود کا کہنا تھا کہ حمائمہ ملک نے بتایا کہ ایسی فلموں کو کچھ این جی اوز مالی معاونت فراہم کرتی ہیں تاکہ سماج میں ایسی چیزیں پھیلائی جائیں۔
مبلغ نے کہا کہ اچھی بات ہے کہ حمائمہ ملک کو اپنی غلطی کا احساس ہوا لیکن درحقیقت ان کی کوئی غلطی نہیں تھی، انہوں نے صرف اداکاری میں ڈائلاگ بولا، اصلی غلطی فلم کی کہانی لکھنے والے کی ہے۔
مفتی طارق مسعود کا کہنا تھا کہ انہیں خوشی ہوئی کہ حمائمہ ملک کو اپنی غلطی کا احساس ہوا اور اداکارہ کی جانب سے غلطی کے اعتراف سے یہ بات بھی ثابت ہوتی ہے کہ مسلمان کے دل میں ہمیشہ خدا کا خوف رہتا ہے۔
خیال رہے کہ حمائمہ ملک نے 2011 کی فلم ’بول‘ میں اپنے غریب والد کو طعنہ دیا تھا کہ اگر وہ کھلا نہیں سکتے تو پیدا کیوں کرتے ہیں۔
اداکارہ کا مذکورہ ڈائلاگ کافی وائرل ہوا تھا اور کافی عرصے تک ان کے ڈائلاگ پر میمز بھی بنائی جاتی رہیں۔
’بول‘ فلم میں ان کے ساتھ ماہرہ خان، عاطف اسلم، ایمان علی، منظہر صہبائی اور شفقت چیمہ سمیت دیگر اداکاروں نے کردار ادا کیے تھے اور فلم باکس آفس پر سپر ہٹ گئی تھی۔
@abdullah_junjua12 Bol film actress Ka dialogue #muftitariqmasood #foryou #foryoupage #video #viral #grow ♬ original sound – Account for salePost Views: 5
کاروباری دنیا میں مفت کچھ نہیں