کراچی؛ گھر میں گھس کر فائرنگ سے میاں بیوی قتل؛ تعلق افغانستان سے تھا
اشاعت کی تاریخ: 12th, March 2025 GMT
کراچی:
سہراب گوٹھ الآصف اسکوائر افغان بستی کچی آبادی میں نامعلوم مسلح ملزم نے گھرمیں گھس کرفائرنگ کرکے میاں بیوی کوقتل کردیا اور فرار ہوگیا۔ مقتولین میاں بیوی کا آبائی تعلق افغانستان سے تھا۔
منگل اوربدھ کی درمیانی شب سہراب گوٹھ تھانے کے علاقے الآصف اسکوائر افغان بستی کچی آبادی میں نامعلوم مسلح ملزم نے گھرمیں گھس کرفائرنگ کرکے میاں بیوی کوقتل کردیااورفرارہوگیا۔ مقتولین میاں بیوی کی لاشیں بدھ کی صبح عباسی شہیداسپتال منتقل کی گئیں۔
اسپتال میں مقتول کی شناخت 55 سالہ محمداعظم ولد حاجی عبدالغفوراوراہلیہ کی شناخت 40 سالہ گل بی بی زوجہ محمد اعظم کے نام سے کی گئی۔ فائرنگ کےواقعے کی اطلاع ملنے پر پولیس موقع پرپہنچی جائے وقوع سے شواہد اکٹھے کرکے واقعے کی تفتیش شروع کردی۔
سہراب گوٹھ پولیس کے مطابق مقتول محمد اعظم پیشہ سے مزدوربتایا جا رہا ہے جوکہ گارمنٹس فیکٹری میں کام کرتا تھا۔ مقتولین میاں بیوی کا آبائی تعلق افغانستان سے تھا۔
ابتدائی معلومات کے مطابق ایک نامعلوم ملزم نے گھر میں داخل ہو کردونوں میاں بیوی کو سرمیں گولیاں ماریں اورفرارہوگیا۔ تفتیش کے مطابق میاں بیوی کو قتل کرنے کا واقعہ ذاتی دشمنی کا شاخسانہ معلوم ہوتا ہے۔ پولیس واقعاتی شواہد کی روشنی میں مختلف پہلوؤں پر تفتیش کر ہی ہے۔
مقتول محمد اعظم کے بھائی عبدالہاشم نے عباسی شہید اسپتال میں میڈیا کے نمائندوں سے بات چیت کرتے ہوئے بتایا کہ فائرنگ کا واقعہ رات 3 بجے کے قریب پیش آیا ہے ، گھر میں موجود ایک چھوٹے بچے کے مطابق ایک ملزم گھر میں داخل ہوا اور اس نے اس کے والدین پر فائرنگ کی اورفرارہوگیا۔
انہوں نے مزید بتایا کہ محمد اعظم نے دو شادیاں کی ہوئی ہیں، پہلی بیوی افغانستان میں ہے جس سے اس کے 5 بچے ہیں جب کہ مقتول اپنی دوسری بیوی کے ساتھ افغان بستی میں رہائش پذیر تھا اورمقتول کے دوسری بیوی سے بھی 5 بچے ہیں۔
.ذریعہ: Express News
کلیدی لفظ: میاں بیوی کے مطابق گھر میں
پڑھیں:
کراچی: بیوی کے قتل کا کیس، شوہر اور اس کا ساتھی جسمانی ریمانڈ پر پولیس کے حوالے
فائل فووٹو۔جوڈیشل مجسٹریٹ کراچی شرقی کی عدالت میں خاتون کے قتل کے کیس میں پولیس نے خاتون کے شوہر کو ساتھی سمیت عدالت میں پیش کر دیا۔
عدالت نے ملزمان کو 20 ستمبر تک جسمانی ریمانڈ پر پولیس کے حوالے کر دیا۔
دوران سماعت تفتیشی افسر نے کہا کہ گرفتار ملزم نے اپنی بیوی کو چھری کے وار سے قتل کیا۔ ملزم کے دیگر دو ساتھی فرار ہیں، انھیں گرفتار کرنا ہے، ملزمان سے آلہ قتل بھی برآمد کرنا ہے جسمانی ریمانڈ دیا جائے۔
پولیس کے مطابق ملزماں کیخلاف 16 ستمبر کو مقدمہ عوامی کالونی تھانے میں درج کیا گیا تھا۔
کراچی میں موسلا دھار بارش سے اربن فلڈنگ، گھروں میں پانی داخل، تعلیمی ادارے بند