آئی سی سی ویمنز کرکٹ ورلڈ کپ کوالیفائر: پاکستان میں میچز کا شیڈول جاری
اشاعت کی تاریخ: 15th, March 2025 GMT
لاہور:
پاکستانی میدانوں پر آئندہ ماہ پھر رونق ہو گی، آئی سی سی ویمنز کرکٹ ورلڈ کپ کوالیفائر کے میچز کا شیڈول جاری کر دیا گیا۔
ایونٹ 9 سے 19 اپریل تک لاہور میں ہوگا، میچز قذافی سٹیڈیم اور لاہور سٹی کرکٹ ایسوسی ایشن گرائونڈ میں کھیلا جائے گا، اس میں 6 ٹیمیں شرکت کریں گی، 15 میچز پر مشتمل یہ لیگ فارمیٹ کا ٹورنامنٹ ہوگا، اس میں چار فل ممبرز پاکستان، بنگلہ دیش، ویسٹ انڈیز، آئرلینڈ جبکہ اسکاٹ لینڈ، تھائی لینڈ حصہ لیں گی،2 نمایاں ٹیمیں بھارت میں ہونے والے آئی سی سی ویمنز ورلڈ کپ 2025 کے لیے کوالیفائی کریں گی جو اکتوبر اور نومبر میں کھیلا جائے گا۔
6 ٹیمیں آسٹریلیا، انگلینڈ، نیوزی لینڈ، جنوبی افریقہ، سری لنکا اور میزبان بھارت پہلے ہی براہ راست ورلڈ کپ میں جگہ بنا چکی ہیں، ساتویں سے دسویں نمبر پر رہنے والی ٹیموں کو کوالیفائر میں اچھا کھیلنے جگہ بنانے کا موقع ملا ہے۔ اس کے علاوہ آئی سی سی ویمنز او ڈی آئی ٹیم رینکنگ میں 28 اکتوبر 2024 کے مطابق بہترین رینک رکھنے والی دو غیر فل ممبر ٹیمیں تھائی لینڈ اور اسکاٹ لینڈبھی کوالیفائر میں شامل ہیں۔
ٹورنامنٹ کے افتتاحی دن پاکستان کا مقابلہ آئرلینڈ سے قذافی اسٹیڈیم میں ہوگا جبکہ ویسٹ انڈیز اور اسکاٹ لینڈ کی ٹیمیں ایل سی سی اے گرائونڈ میں آمنے سامنے ہوں گی۔ اس لیگ میں کئی اہم میچز دیکھنے کو ملیں گے،ان جن میں پاکستان اور ویسٹ انڈیز کا مقابلہ 14 اپریل کوقذافی اسٹیڈیم میں کھیلا جائے گا۔ اسی طرح بنگلہ دیش اور ویسٹ انڈیز کی ٹیمیں 17 اپریل کو ایل سی سی اے گرائونڈ میں آمنے سامنے ہوں گی، پاکستان اور بنگلہ دیش کے درمیان اہم میچ 19 اپریل کو ایل سی سی اے گرائونڈ میں ہوگا۔
آئی سی سی کے چیف ایگزیکٹیو جیف ایلرڈائس نے شیڈول کے اعلان پر کہا کہ ہمیں آئی سی سی ویمنز ورلڈ کپ کوالیفائر 2025 کے شیڈول کا اعلان کرتے ہوئے خوشی ہو رہی ہے، یہ چھ ٹیمیں ویمنز کرکٹ ورلڈ کپ سے صرف ایک قدم دوری پر ہیں اور ہمیں یقین ہے کہ وہ اپنی بہترین کارکردگی دکھانے کے لیے بے تاب ہوں گی۔
آئی سی سی کی جانب سے میں تمام ٹیموں کو لاہور میں ہونے والے اس ٹورنامنٹ کے لیے نیک خواہشات پیش کرتا ہوں، یہ ورلڈ کپ کی تیاری کا ایک اہم حصہ ہوگا۔ٹورنامنٹ کے دوران تمام دن کے میچز صبح ساڑھے9 بجے جبکہ ڈے اینڈ نائٹ میچز دوپہر 2 بجے شروع ہوں گے۔
.
ذریعہ
ذریعہ: Express News
کلیدی لفظ: ا ئی سی سی ویمنز ویسٹ انڈیز ورلڈ کپ
پڑھیں:
دبئی ایئرپورٹ پر اے آئی امیگریشن سسٹم متعارف، 3.4 سیکنڈ میں کلیئرنس
دبئی: دبئی ایئرپورٹ اے آئی امیگریشن سسٹم کے ذریعے مسافروں کے لیے سفر کو مزید تیز اور آسان بنانے کی جانب ایک اہم قدم اٹھا لیا گیا ہے۔ مصنوعی ذہانت (AI) پر مبنی جدید بارڈر کنٹرول نظام کی آزمائش کامیاب رہی ہے، جس کے تحت مسافر صرف 3.4 سیکنڈ میں امیگریشن کا مرحلہ مکمل کر سکتے ہیں۔
دبئی کی جنرل ڈائریکٹوریٹ آف آئیڈینٹیٹی اینڈ فارنرز افیئرز (GDRFA) کے مطابق اس جدید نظام میں اے آئی سے لیس بایومیٹرک کیمرے بیک وقت 10 مسافروں کی شناخت کرنے کی صلاحیت رکھتے ہیں۔
بغیر پاسپورٹ دکھائے امیگریشن کلیئر
نئے سسٹم کے تحت “ریڈ کارپٹ لین” استعمال کرنے والے رجسٹرڈ مسافروں کو پاسپورٹ یا بورڈنگ پاس دکھانے کی ضرورت نہیں ہوگی۔ انہیں صرف اپنا چہرہ کھلا رکھ کر بایومیٹرک کیمرے پر موجود سبز اشارے کی طرف دیکھنا ہوگا، جس کے بعد شناخت کا عمل خودکار طور پر مکمل ہو جائے گا۔
ابتدائی مرحلے میں کن مسافروں کے لیے؟
ابتدائی طور پر اس جدید سسٹم کا آغاز دبئی ایئرپورٹ کے ٹرمینل 3 پر فرسٹ کلاس اور بزنس کلاس کے مسافروں کے لیے کیا گیا تھا، تاہم کامیاب آزمائش کے بعد اب اس سہولت کو مزید آنے والے مسافروں تک توسیع دی جا رہی ہے۔
اعداد و شمار کے مطابق 2025 کے دوران 5 لاکھ 28 ہزار سے زائد مسافروں نے دبئی کے “اسمارٹ کوریڈور” سے استفادہ کیا، جبکہ گزشتہ سال 2 کروڑ 60 لاکھ سے زیادہ مسافروں نے اسمارٹ گیٹس کے ذریعے سفر کیا۔
کن افراد کو یہ سہولت حاصل ہوگی؟
حکام کے مطابق متحدہ عرب امارات اور خلیجی ممالک کے شہری، یو اے ای کے رہائشی اور بایومیٹرک پاسپورٹ رکھنے والے ویزا آن ارائیول مسافر اس سہولت سے خودکار طور پر فائدہ اٹھا سکیں گے۔ تاہم 1.2 میٹر سے کم قد رکھنے والے بچوں کے لیے یہ نظام فی الحال دستیاب نہیں ہوگا۔
دبئی ایئرپورٹس کے چیف ایگزیکٹو پال گریفتھس کا کہنا ہے کہ اس جدید ٹیکنالوجی کا مقصد سیکیورٹی کو برقرار رکھتے ہوئے امیگریشن کے عمل کو زیادہ تیز، آسان اور مؤثر بنانا ہے۔ ان کے مطابق مستقبل میں دبئی ایئرپورٹ اے آئی امیگریشن سسٹم تمام مسافروں کے لیے دستیاب ہوگا، جس سے ہوائی سفر کا تجربہ مزید بہتر ہونے کی توقع ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار