معروف شاعر ادیب ماہر اقبالیات اور سیرت نگار پروفیسر خیال آفاقی جس طرح اپنی شاعری میں اس اعتبار سے ایک منفرد مقام رکھتے ہیں کہ ان کے کلام پر علامہ اقبال کا طرز سایہ فگن ہے اور ایک وسیع معنویت اپنے اندر لیے ہوئے ہے۔ اسی طرح ان کی نثر بالخصوص ناول نگاری بھی عالمگیر احساس کی حامل نظر آتی ہے۔ زیر نظر ان کا نیا ناول ’’لایموت‘‘ بھی ان کی اس وسعت نظری اور عالمی سیاسی سماج مزاج کا مظہر ہے۔
بالخصوص دور حاضر میں مسلمانوں کے لیے دو جغرافیائی مسئلے فلسطین اورکشمیر سوہانِ روح بنے ہوئے ہیں جو یہود و ہنود کی جارحیت، استعماریت اور انسانی حقوق کی خلاف ورزیوں کا کھلا ثبوت ہیں۔ یہ مسائل مسلمانوں کے دلوں کو مضطرب کیے ہوئے ہیں اور اس بات پر نوحہ خواں ہیں کہ اس مجرمانہ فعل پر عالمی ضمیر خاموش اور انسانی حقوق کی علمبردار طاقتیں بے حس نظر آتی ہیں۔
تاہم آج کل اسلام کے خلاف بے بنیاد الزامات اور دہشت گردی کا ارتکاب جس دیدہ دلیری سے ہو رہا ہے، اس پر مسلمان دنگ ہیں افسوس کہ امن و آشتی کے پیامی مسلمانوں کو دہشت گرد اور مجاہدین حریت کو شدت پسند کہا جا رہا ہے۔
نہایت بے باک اور بے شرم مغربی طاقتوں کی دشمنی سے عالم اسلام اچھی طرح واقف ہو چکا ہے۔ اس پروپیگنڈے میں خصوصی طور پر تاریخی ملعون مطعون قوم یہود سب سے پیش پیش ہے جو ہر طرح کے حربے استعمال کرتی اور خود پر مسلمانوں کا خون حلال کیے ہوئے ہے۔
اس کا زندہ ثبوت اسرائیل کے وہ انسان کش بے رحمانہ فضائی حملے ہیں جو غزہ کے عام فلسطینی رہائشیوں کے متعدد علاقوں پر کیے گئے جن سے 50 ہزار سے زائد معصوم بچوں، بوڑھوں، خواتین اور مردوں کو خون میں نہلا دیا گیا۔
گوکہ مذکورہ ناول ’’لایموت‘‘ کا براہ راست ان واقعات سے تعلق نہیں ہے تاہم صیہونی ذہنیت کے خلاف یہ ایک ایف آئی آر کی حیثیت ضرور رکھتا ہے۔ ناول ایک ہوائی حادثے سے شروع ہوتا ہے جو کسی سمندر میں گر کر تباہ ہو جاتا ہے تاہم زندہ بچنے والوں میں ایک نوجوان مرد اور لڑکی ہے، لڑکی یہودی ہے مرد نوجوان مسلمان ہے، ان دونوں کا ملاپ ایک جزیرے میں ہوتا ہے جہاں وہ بڑی مشکل سے جان بچا کر پہنچتے ہیں۔
دنیا سے ان کا رابطہ کٹ کے رہ گیا ہے۔ یہودی لڑکی اسلام اور مسلمانوں سے سخت نفرت کرتی ہے۔ سو اس وقت وہ ایک مسلم نوجوان کو کیونکر اچھی نظر سے دیکھتی۔ وہ مسلم نوجوان سے بدک رہی ہے کہ یہ ضرور اسے جنسی طور پر ہراساں کرے گا مگر نوجوان اس مشکل کی گھڑی میں جہاں اپنی سلامتی کا خواہش مند ہے انسانی ہمدردی کے طور پر اس لڑکی سے متعلق بھی تحفظ کی خواہش رکھتا ہے اور ہر ممکن اس ویران جزیرے میں زندہ رہنے کی مشترکہ کوشش کرتا ہے جس کے حسن عمل سے اس یہودی لڑکی کی کسی حد تک بدگمانی دور ہو جاتی ہے تاہم اسلام اور عام مسلمانوں کے خلاف زہر اگلنے سے باز نہیں آتی۔
مسلم نوجوان دنیاوی تعلیم کی اعلیٰ ڈگری کا حامل ہے لیکن اپنی تاریخ اور دین سے کوئی زیادہ باخبر نہیں ہے پھر بھی جس قدر اس سے بن پڑتا ہے وہ اس یہودی لڑکی کی اسلام اور مسلمانوں سے متعلق بدگمانی کو دور کرنے کی کوشش کرتا ہے اور لگتا ہے کہ خدا بھی اس کی مدد کرتا ہے اور وہ اسے قائل کرنے میں کامیاب ہو جاتا ہے اور جب امدادی ٹیم ان تک پہنچ جاتی ہے اور وہ معجزاتی طور پر زندہ بچ کر کسی یورپی شہر میں پہنچ جاتے ہیں جہاں ایک ہی اسپتال میں انھیں رکھا جاتا ہے۔
یہاں لڑکی کا باپ جو یہودی ربی (ملّا) ہے بیٹی سے ملنے آتا ہے اور بیٹی اسے اس نوجوان سے متعلق بتاتی ہے کہ کس طرح اس نے اسے امید سے وابستہ رکھا تو یہودی ملّا کو یہ بیان اچھا نہیں لگتا۔ کیونکہ وہ بیٹی سے بھی زیادہ مسلمانوں سے نفرت کرتا ہے وہ بیٹی کے ساتھ نوجوان سے ملتا ہے مگر اس کا ممنون ہونے کے بجائے اس پر شک کرتا ہے کہ وہ اس کی بیٹی کے ساتھ شرافت سے رہا ہوگا۔ اس پر بیٹی باپ سے اختلاف کرتی ہے یہاں تک کہ اپنے والد سے باغی ہو کر اسلام اپنانے کی خواہش کا اظہار کرتی ہے اور یوں ناول کا ایک خوشگوار انداز میں اختتام ہو جاتا ہے۔
ناول ’’لایموت‘‘ شروع سے آخر تک قاری کو متجسس رکھتا ہے کہ اب کیا ہوگا؟ اس ناول کی زبان شستہ دلچسپ اور بیان دل کش ہے یہ ایک منفرد موضوع پر تحریرکیا گیا ہے چنانچہ اپنی گوناگوں خوبیوں کی وجہ سے اردو ادب عالیہ میں ایک قیمتی اضافے کی حیثیت اختیار کرے گا۔
.
ذریعہ
ذریعہ: Express News
کلیدی لفظ: کرتا ہے جاتا ہے ہے اور
پڑھیں:
جماعت اسلامی بنگلہ دیش کے رکنِ پارلیمنٹ کی نوجوان خاتون کے ساتھ نازیبا ویڈیو سامنے آگئی
لاہور(ڈیلی پاکستان آن لائن)جماعت اسلامی بنگلہ دیش کے رکنِ پارلیمنٹ کی نوجوان خاتون کے ساتھ نازیبا ویڈیو سامنے آنے پر تنازعہ کھڑا ہو گیا۔ پہلے تو اس ویڈیو کو فیک اور آرٹیفیشل انٹیلی جنس کی تخلیق بتایا گیا لیکن جب ویڈیو اصل نکل آئی تو ممتاز سینئیر سیاست دان نے دوسری شادی کرنے کا دعویٰ کیا۔ خاتون کے غیر شادی شدہ ہونے کی دستاویز نے سیاستدان کو زیادہ مشکل میں ڈال دیا۔ بنگلہ دیش کی پارلیمنٹ کے رکن، جماعت اسلامی بنگلہ دیش کے سینئیر سیاستدان غازی نذرالاسلام کی ایک نوجوان خاتون کے ساتھ ویڈیو وائرل ہونے کے بعد ایک کی مبینہ دوسری شادی کے معاملے پر تنازع ان کے دوسری شادی کا اعتراف کر لینے کے بعد کم نہیں ہوا۔ اب جماعت اسلامی نے اعلان کیا ہے کہ وہ اس سارے معاملہ کی تحقیقات کروا رہی ہے
عالمی منڈی میں خام تیل کی قیمت 100 ڈالر فی بیرل سے بھی تجاوز کر گئی
بنگلہ دیش کے میڈیا کے مطابق غازی نذرالاسلام کی سوشل میڈیا پر ایک نوجوان خاتون کے ساتھ ویڈیو وائرل ہو گئی تھی۔ پہلے تو ان کے حامیوں نے اس ویڈیو کو ڈیپ فیک اور آڑٹیفیشل انٹیلیجنس سے بنائی گئی ویڈیو قرار دیا، لیکن جب تنقید کرنے والے خاموش نہیں ہوئے تو بعض لوگوں نے اس ویڈیو کی سافٹ وئیرز کی مدد سے ویریفیکیشن کی۔ فیکٹ چیک کرنے والے ایک ادارے نے بتا دیا کہ ویکڈو بالکل اصلی ہے۔ نذر الاسلام کی نوجوان خاتون کے ساتھ ویڈیو کے مصنوعی ذہانت سے تیار ہونے یا اس میں کوئی تبدیلی کیے جانے کے شواہد نہیں مل۔ اس کے بعد لوگوں کی ساری توجہ ویڈیو میں شامل افراد اور ان کے باہمی تعلق پر مرکوز ہوگئی۔ جب سوشل میڈیا پر تنقید کافی برھ گئی تو جماعت اسلامی کے سینئیر سیاست دان اور رکن پارلیمنٹ نے ویڈیو کلپ میں اپنے ساتھ دکھائی دینے والی نوجوان خاتون کو اپنی بیوی قرار دے دیا۔ غازی نذرالاسلام نے اپنے بیان میں کہا کہ خاتون ان کی دوسری بیوی ہے اور ان کی شادی 17 جون کو دونوں خاندانوں اور ان کی پہلی بیوی کی رضامندی سے ہوئی تھی۔
چیئرمین یورپی یونین پاک فرینڈشپ فیڈریشن یورپ کی ہیوی انڈسٹریز ٹیکسلا کے چیئرمین سے ملاقات
نذر الاسلام نے یہ مؤقف اختیار کیا کہ اس وائرل ویڈیو کو خفیہ طور پر ریکارڈ کرکے بھتہ خوری اور سیاسی کردار کشی کےلیے منظرِ عام پر لایا گیا۔ جماعت اسلامی کے اس سینئیر رکنِ پارلیمنٹ کی پہلی بیوی نے اس موقع پر شوہر کا ساتھ دیا اور ایک ویڈیو بیان میں اپنے عمر رسیدہ شوہر کے مؤقف کی تصدیق کی کہ ان کے شوہر نے نوجوان لڑکی مریم بیگم سے دوسری شادی کرلی ہے۔ مریم بیگم نے بھی ایک علیحدہ ویڈیو میں خود کو غازی نذرالاسلام کی بیوی قرار دیتے ہوئے کہا کہ شادی 17 جون کو دونوں خاندانوں اور نذر الاسلام کی پہلی بیوی کی موجودگی میں ہوئی تھی۔
پی سی بی نے ڈومیسٹک کرکٹ کے نئے سیزن کا شیڈول جاری کر دیا
بنگلہ دیشی میڈیا میں سامنے آنے والی رپورٹوں کے مطابق غازی نذرالاسلام اور ان کے خاندان کی تصدیق کے باوجود سوشل میڈیا پر خاتون مریم بیگم سے متعلق قانونی دستاویزات منظر عام پر آئی ہیں، جن کی آزادانہ تصدیق نہیں ہوسکی اور نہ ہی رکن پارلیمنٹ یا خاتون اور ان کے اہلخانہ نے دستاویز ات میں موجود تضاد پر کوئی وضاحت دی ہے۔ شادی کے پانچ دن بعد نذر الاسلام نے بیوی کو کنوارا ظاہر کر کے اسکی سرکاری نوکری کی سفارش کی؟ ایک دستاویز میں نذر السلام کے ساتھ نظز آنے والی لڑکی مریم کی ازدواجی حیثیت ’غیر شادی شدہ‘ درج ہے اور اس دستاویز پر غازی نذرالاسلام کی جانب سے 22 جون، یعنی اپنی بتائی ہوئی مبینہ شادی کی تاریخ کے پانچ روز بعد، سرکاری ملازمت کے لیے سفارش بھی موجود دکھائی دیتی ہے۔
دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
بنگلہ دیش کے میڈیا کے مطابق یہ خاتون سرکاری ملازمت کی خواہاں تھیں اور غازی نذرالاسلام نے ان کی درخواست کی سفارش کی تھی۔ غازی نذرالاسلام نے ان تمام کہانیوں نظر انداز کرتے ہوئے ایک اور پیچیدہ کہانی سے پردہ اٹھا دیا جو دال میں کافی کچھ کالا ہونے کی نشاندہی کرتی ہے۔ عمر رسیدہ سیاستدان نذر الاسلام نے یہ دعویٰ کیا کہ 13 جولائی کو وہ ڈھاکا کے موگ بازار میں ایک دفتر گئے تھے جہاں ان کی دونوں بیویاں بھی موجود تھیں۔
نذر الاسلام نے الزام لگایا کہ ڈرائیور، دوسری کے ماموں اور چند نامعلوم افراد نے انہیں یرغمال بنا کر ایک لاکھ ٹکا بھتہ وصول کیا، ان لوگوں نے نذر الاسلام کے بقول مزید رقم کا مطالبہ کیا اور ان لوگوں نے ہی ان کی مریم کے ساتھ خفیہ طور پر نجی ویڈیو ریکارڈ کرکے بعد میں سوشل میڈیا پر پھیلا دی۔ نذر الاسلام کے اس دعوے میں کمزوری یہ ہے کہ ویڈیو کلپ مین نذر الاسلام کو اس خاتون کے ساتھ اپنے کمرے میں بیٹھے اور بوس و کنار کرتے دیکھا جا سکتا ہے۔ لوگ یہ سوال کر رہے ہیں کہ بازار کے کسی دفتر میں یرغمال بنا کر بھتہ لینے والوں کی رسائی ان کے گھر کے کمرے تک کیسے تھی۔
پاکستان نے کابل فضائی حملوں پر ایمنسٹی انٹرنیشنل کی رپورٹ مسترد کر دی
اس سکینڈل کے سوشل میڈیا اور میڈیا میں بہت زیادہ ڈسکس ہونے کے بعد آخر کار جماعت اسلامی بنگلہ دیش نے کہا ہے کہ وہ اس سارے معاملے کی معلومات اکٹھی کر رہی ہے اور حقائق سامنے آنے کے بعد تنظیم کے اندر تادیبی کارروائی کا فیصلہ کیا جائے گا۔ جماعت اسلامی کے اسسٹنٹ سیکریٹری جنرل احسان الحق محبوب زبیر کے مطابق پارٹی میڈیا رپورٹس، رکنِ پارلیمنٹ، ان کی دونوں بیویوں اور خاتون کے والد کے بیانات کا جائزہ لے رہی ہے۔
مزید :
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم