کراچی: شاہ فیصل میں منشیات کے اڈے پر چھاپہ، بھاری مقدار میں آئس برآمد
اشاعت کی تاریخ: 16th, March 2025 GMT
کراچی:
شاہ فیصل کالونی پولیس نے منشیات کے اڈے پر چھاپہ مار کر خاتون سمیت دو منشیات فروشوں کو گرفتار کر کے بھاری مقدار میں منشیات برآمد کر لی۔
تفصیلات کے مطابق شاہ فیصل کالونی پولیس نے ہفتہ اور اتوار کی درمیانی شب شاہ فیصل کالونی نمبر ایک میں گزشتہ کئی سالوں سے قائم فیصل راجہ کے منشیات کے اڈے پر چھاپہ مار کر خاتون سمیت دو ملزمان کو گرفتار کر لیا۔
ترجمان ایس ایس پی کورنگی کے مطابق گرفتار ملزم راجہ خرم اور ملزمہ حنا سے بھاری مقدار میں آئس اور دیگر نشہ آور منشیات برآمد کی گئی، گرفتار ملزم راجہ خرم اس سے قبل خود کو جعلی سرکاری اہلکار ظاہر کرنے کے مقدمہ میں گرفتار ہو چکا ہے۔
گرفتار خاتون ملزمہ حنا مرکزی ملزم راجہ فیصل کی بیوی اور منشیات فروشی میں اہم کردار ادا کرتی رہی ہے، منشیات کے اڈے کا مالک مرکزی ملزم راجہ فیصل موقع پر آئس منشیات پھینک کر فرار ہونے میں کامیاب ہوگیا۔
منشیات اڈے کے مالک مرکزی ملزم راجہ فیصل کے خلاف شہر کے کئی تھانوں میں مقدمات درج ہیں ، گرفتار ملزمہ و ملزم کے خلاف امتناع منشیات امینڈمنٹ ایکٹ کی دفعات کے تحت مقدمات درج کرلیا گیا ہے۔
.ذریعہ: Express News
کلیدی لفظ: منشیات کے اڈے شاہ فیصل
پڑھیں:
اسلام آباد؛ شراب کے نشے میں دھت نوجوان کی ہلڑ بازی و پولیس اہلکاروں پر تشدد، ملزم گرفتار
اسلام آباد کے علاقے آئی 8 میں بگڑے نواب زادے نے شراب کے نشے میں ہلڑ بازی کرتے ہوئے پولیس اہلکاروں پر تشدد کیا جس پر نوجوان کو گرفتار کر لیا گیا۔
عینی شاہدین کے مطابق بگڑے نواب زادے نے شراب کے نشے میں دھت ہو کر ہلڑ بازی کی، ملزم نے ٹریفک پولیس اہلکاروں کو گالیاں اور دھمکیاں دیں جبکہ ایک اہلکار کو تھپڑ بھی رسید کیا
ٹریفک پولیس اہلکاروں پر تشدد اور ہلڑ بازی کرنے والے نوجوان کو رات گئے پولیس نے گرفتار کرلیا۔
تھانہ آئی نائن پولیس نے عاقب نعیم کو گاڑی سمیت گرفتار کرکے تھانے منتقل کر دیا۔ ملزم عاقب نعیم نے اسے سے قبل پی ڈبلیو ڈی ہاؤسنگ سوسائٹی میں ایک صحافی کو بھی تشدد کا نشانہ بنایا تھا۔
ملزم کے خلاف تھانہ لوہی بھیر میں مقدمہ اندراج کے یئے صحافی نے درخواست دے رکھی ہے۔
سدرہ بی بی قتل کیس میں بڑی پیشرفت: گرفتار 2 ملزمان کی ضمانت منظور، فوری رہائی کا حکم