سکھر انٹرنیشنل ایئرپورٹ سے انٹرنیشنل پروازوں جلد شروع ہونے کا امکان
اشاعت کی تاریخ: 19th, March 2025 GMT
ہوائی اڈے کی توسیع کے منصوبوں کے درمیان بیگم نصرت بھٹو سکھر ایئرپورٹ سے انٹرنیشنل فلائٹس جلد شروع ہونے کی توقع ہے۔
سرکاری خبر رساں ادارے ’اے پی پی‘ کے مطابق پاکستان ایوی ایشن اتھارٹی کے پلاننگ اینڈ ڈیولپمنٹ ڈیپارٹمنٹ کے ڈائریکٹر عباس شیخ اور دیگر نے سکھر ایوانِ صنعت و تجارت کا دورہ کیا اور اپنے خیالات کا اظہار کرتے ہوئے کہا کہ سکھر ایئرپورٹ کی توسیع کے تحت مسافر پروازوں کے ساتھ کارگو کی پروازوں کے لیے بلڈنگ اور رن وے کی تعمیر زیرِ غور ہے۔
یہ بھی پڑھیں: ملکی ایئرپورٹس کی توسیع اور اپگریڈیشن کے لیے اقدامات جاری
انہوں نے کارگو پروازوں کے لیے سکھر و گردو نواح سے برآمد کی جانے والی مصنوعات کا تخمینہ فراہم کرنے کی ہدایت کی تاکہ مسافر و کارگو پروازوں کے مطابق یکجا ترقیاتی منصوبے پر عملدرآمد کرایا جائے۔
ایوان کی قائمہ کمیٹی برائے حج ، عمرہ ، سی اے اے و پی آئی اے کے کنوینر محمد محسن فاروق نے آگاہ کیا کہ اس سال جولائی سے براہِ راست سکھر سے جدہ ہفتہ وار 2 پروازیں چلانے کی منظوری دے دی گئی ہے۔
اس موقع پرایوان کے سابق صدر انجینئر عبدالفتاح شیخ نے آگاہ کیا کہ کھجور ، چھوہارہ ، کپاس ، چاول ، اچار ، پھل (آم ، کیلا ، امرود و دیگر ) ، سبزیاں ، کھاد ، دریائی پانی کی مچھلیاں ، گنا ، دودھ کی مصنوعات ، زیوارات ، قیمتی پتھر ، دستکاری مونلعات سمیت دیگر مشرق وسطیٰ ، یورپ ، ایشیائی ممالک سمیت دوسرے ممالک میں بذریعہ کراچی ، ملتان ، فیصل آباد سے برآمد کی جاتی ہیں۔
یہ بھی پڑھیں: گورنر خیبرپختونخوا کا ڈی آئی خان اور سکھر ایئرپورٹس جیسے منصوبے جلد شروع کرنے کا مطالبہ
ان کا کہنا تھا کہ سکھر ایئرپورٹ کی توسیع سے یہ تمام تر مصنوعات براہ راست سکھر سے برآمدکی جائیں گی، اس کے علاوہ شرکا نے بلوچستان سے برآمد کی جانے والی مصنوعات جس میں بالخصوص خشک میوہ جات کا بھی تخمینے پر بھی غور و خوض کیا گیا جو توسیع کے بعد سکھر سے برآمد کیے جانے کا بھی امکان ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اپگریڈیشن بیگم نصرت بھٹو ایئرپورٹ پاکستان سکھر ایئرپورٹ سندھ سول ایوی ایشن.ذریعہ: WE News
کلیدی لفظ: اپگریڈیشن پاکستان سکھر ایئرپورٹ سول ایوی ایشن سے برا مد کی پروازوں کے کی توسیع کے لیے
پڑھیں:
پیٹرولیم مصنوعات کی قیمتوں میں ردوبدل, پیٹرول اور ڈیزل مہنگا , ایل پی جی کی قیمت میں کمی
حکومتِ پاکستان نے پیٹرولیم مصنوعات کی قیمتوں میں ردوبدل کرتے ہوئے پیٹرول اور ہائی اسپیڈ ڈیزل کی قیمتیں بڑھا دی ہیں، جبکہ عوام کو کچھ ریلیف ایل پی جی کی قیمت میں کمی کی صورت میں ملا ہے۔ وزارتِ خزانہ کی جانب سے جاری نوٹیفکیشن کے مطابق پیٹرول کی قیمت میں 2 روپے 43 پیسے فی لیٹر اضافہ کیا گیا ہے، جس کے بعد پیٹرول کی نئی قیمت 265 روپے 45 پیسے فی لیٹر مقرر کردی گئی ہے۔ اسی طرح ہائی اسپیڈ ڈیزل 3 روپے 2 پیسے فی لیٹر مہنگا ہوکر اب 278 روپے 44 پیسے فی لیٹر میں دستیاب ہوگا۔ دوسری جانب اوگرا نے ایل پی جی کی قیمت میں کمی کردی ہے۔ اوگرا کے نوٹیفکیشن کے مطابق ایل پی جی کی فی کلو قیمت میں 5 روپے 89 پیسے کمی کی گئی ہے۔ اب ایل پی جی کی نئی فی کلو قیمت 201 روپے 60 پیسے مقرر کی گئی ہے۔ اسی طرح 11.8 کلوگرام کے گھریلو ایل پی جی سلنڈر کی قیمت میں بھی 69 روپے 44 پیسے کی کمی ہوئی ہے، جس کے بعد گھریلو سلنڈر کی نئی قیمت 2 ہزار 378 روپے 89 پیسے ہوگئی ہے۔ نئی قیمتوں کا اطلاق آج سے ہی ہوگیا ہے۔
پاکستان اور بنگلا دیش کا معاشی تعلقات مضبوط بنانے اور براہ راست پروازیں بحال کرنے پر اتفاق