سپریم کورٹ: آئندہ ہفتے کیسز کی سماعت کے لیے بینچ تشکیل، ججز روسٹر جاری
اشاعت کی تاریخ: 22nd, March 2025 GMT
سپریم کورٹ آف پاکستان نے آئندہ ہفتے کے لیے ججز روسٹر جاری کردیا ہے، جس کے مطابق کیسوں کی سماعت کے لیے 4 بینچ تشکیل دیے گئے ہیں۔
چیف جسٹس پاکستان جسٹس یحییٰ آفریدی کی سربراہی میں تشکیل دیے گئے بینچ میں جسٹس میاں گل حسن اورنگزیب شامل ہوں گے۔
یہ بھی پڑھیں اینٹی کرپشن ہاٹ لائن کونسی شکایات وصول کرے گی، سپریم کورٹ نے واضح کردیا
اس کے علاوہ دوسرے بینچ کی سربراہی جسٹس جمال مندوخیل کریں گے، جن کے ساتھ جسٹس اطہر من اللہ اور جسٹس شہزاد احمد بینچ کا حصہ ہوں گے۔
تیسرے بینچ کی سربراہی جسٹس نعیم اختر افغان کریں گے، جن کے ساتھ جسٹس ابراہیم شامل ہیں، جبکہ چوتھا بینچ جسٹس سردار طارق مسعود کی سربراہی میں تشکیل دیا گیا ہے، جن کے ساتھ جسٹس مظہر عالم میاں خیل بینچ کا حصہ ہوں گے۔
اس کے علاوہ سپریم سپریم کورٹ لاہور رجسٹری میں آئندہ ہفتے 3 بینچ کیسوں کی سماعت کریں گے، پہلا بینچ جسٹس منصور علی شاہ اور جسٹس عائشہ ملک پر مشتمل ہے، جبکہ دوسرے بینچ میں جسٹس امین الدین اور جسٹس شاہد وحید شامل ہوں گے۔
اس کے علاوہ تیسرے بینچ میں جسٹس شاہد بلال حسن اور جسٹس عامر فاروق کیسز کی سماعت کریں گے۔
سپریم کورٹ کراچی رجسٹری میں بھی آئندہ ہفتے کے دوران 3 بینچ کیسوں کی سماعت کریں گے، پہلا بینچ جسٹس منیب اختر اور جسٹس حسن اظہر رضوی پر مشتمل ہوگا، جبکہ دوسرے بینچ میں جسٹس محمد علی مظہر اور جسٹس عقیل احمد عباسی شامل ہوں گے، اس کے علاوہ تیسرا بینچ جسٹس عرفان سعادت اور جسٹس محمد شفیع صدیقی پر مشتمل ہوگا۔
یہ بھی پڑھیں بریت کے بعد ملزم پر جرم کا داغ ہمیشہ نہیں رہ سکتا، سپریم کورٹ کا فیصلہ
سپریم کورٹ پشاور رجسٹری میں آئندہ ہفتے ایک بینچ کیسز کی سماعت کرےگا، جو جسٹس مسرت ہلالی اور جسٹس شکیل احمد پر مشتمل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بینچ تشکیل ججز روسٹر جاری سپریم کورٹ کیسز سماعت وی نیوز.ذریعہ: WE News
کلیدی لفظ: بینچ تشکیل سپریم کورٹ کیسز سماعت وی نیوز اس کے علاوہ سپریم کورٹ کی سربراہی آئندہ ہفتے اور جسٹس کی سماعت کریں گے بینچ کی کے لیے ہوں گے
پڑھیں:
سپریم کورٹ نے ساس سسر کے قتل کے ملزم اکرم کی سزا کیخلاف اپیل خارج کردی
اسلام آباد(اُردو پوائنٹ اخبارتازہ ترین - این این آئی۔ 16 ستمبر2025ء)سپریم کورٹ نے ساس اور سسر کے قتل کے مجرم اکرم کی اپیل خارج کرتے ہوئے لاہور ہائی کورٹ کی جانب سے سنائی گئی عمر قید کی سزا کو برقرار رکھنے کا حکم دے دیا۔منگل کوجسٹس ہاشم کاکڑ کی سربراہی میں تین رکنی بینچ نیکیس کی سماعت کی،سماعت کے دوران جسٹس ہاشم کاکڑ نے ریمارکس دیے کہ میاں بیوی میں جھگڑا نہیں تھا تو ساس سسرکو قتل کیوں کیا دن دیہاڑے دو افرادکو قتل کیا گیا، اور اب کہا جارہا ہے کہ غصہ آ گیا تھا۔(جاری ہے)
جسٹس علی باقر نجفی نے استفسار کیا کہ بیوی کو منانے گیا تھا تو ساتھ پستول لے کر کیوں گیا ۔ملزم کیوکیل پرنس ریحان نے کہا کہ میرا موکل بیوی کومنانے کے لیے میکے گیا تھا،جس پرجسٹس ہاشم کاکڑنے ریمارکس دیے کہ وکیل صاحب آپ تو لگتا ہے بغیر ریاست کے پرنس ہیں،جسٹس اشتیاق ابراہیم نے کہا کہ بعض اوقات مدعی بھی ایف آئی آر کے اندراج میں جھوٹ بولتے ہیں،قتل شوہر نے کیا لیکن ایف آئی آر میں مجرم کے والد کا نام بھی ڈال دیا گیا۔عدالت نے قرار دیا کہ جرم ثابت ہے اور سزا میں کمی کی کوئی وجہ نہیں،یوں سزائے موت کو عمر قید میں تبدیل کرنے کا لاہور ہائی کورٹ کا فیصلہ برقرار رکھا گیا اور مجرم کی اپیل مسترد کر دی گئی۔
جبری گمشدگیوں پر انکوائری کمیشن نے ماہانہ کارکردگی رپورٹ جاری کردی