کراچی میں اتنے لوگ ماروں گا کہ مجبور ہو جاؤ گے، گینگ وار کمانڈر کی پولیس کو دھمکیاں
اشاعت کی تاریخ: 26th, March 2025 GMT
کراچی:
گینگ وار کمانڈر نے پولیس کو دھمکیاں دیتے ہوئے کہا ہے کہ کراچی میں اتنے لوگ ماروں گا کہ مجبور ہو جاؤ گے۔
پولیس اہل کار اور گینگ وار کمانڈر وصی اللہ لاکھو کے درمیان ہونے والی گفتگو کی ریکارڈنگ ایکسپریس نیوز نے حاصل کرلی، جس میں گینگ وار کمانڈر وسی اللہ لاکھو نے کہا کہ چھالیہ کا دو نمبر کام کریں گے اور پیسے نہیں دیں گے تو ہم کارروائی کریں گے۔
پولیس اہل کار نے کہا کہ وصی بھائی اب ہم بھی اپنا کام کریں گے، جس پر وصی اللہ لاکھو نے دھمکی دی کہ ہم اتنے لوگ مار دیں گے کہ آپ مجبور ہو جاؤ گے۔ آپ دیکھو میں اب کرتا کیا ہوں۔ ابھی تو گرینیڈ نہیں گرا ہے۔ آپ کو سب بہت آسان لگ رہا ہے؟ ابھی آپ کو پتا چلے گا۔ گرینیڈ گرے گا تو آپ کو مزہ آئے گا۔
گینگ وار کمانڈر نے پولیس اہل کار سے بات کرتے ہوئے مزید کہا کہ ہم چاہتے ہیں اب آپ بھی ڈیوٹی کرو۔ اب پورے شہر میں کارروائی کروں گا، دیکھو تم اب۔ بہت آرام کرلیا آپ لوگوں نے۔
پولیس اہلکار نے جواب دیا کہ اب ہم بھی آرام سے نہیں ہیں، ہم تیار بیٹھے ہیں۔
گینگسٹر وصی اللہ لاکھو نے پوچھا کہ اتنی بڑی کارروائی کردی ہم نے، آپ سوئے ہوئے ہوکیا؟ جاگ رہے ہو تو روک لیتے نہ پھر۔ عزت سے کسی کو بات سمجھ نہیں آتی پھر لوگ مرتے ہیں۔
پولیس اہلکار نے جواب دیا کہ علاقہ پولیس کا کام ہے گشت کرنا، ہمارا کام ہم کرکے دکھائیں گے۔
وصی اللہ لاکھو نے کہا کہ بھتے کا سارا کام آپ کا ہے۔ ہم اپنا کام کررہے ہیں، آپ اپنا کام کرو۔
واضح رہے کہ پولیس اہلکار اور گینگسٹر وصی اللہ لاکھو کے درمیان مبینہ فون کال نیو کراچی میں تاجر پر حملے کے بعد ریکارڈ ہوئی ہے۔
.ذریعہ: Express News
کلیدی لفظ: گینگ وار کمانڈر
پڑھیں:
کراچی: چالان ہونے پر رکشہ ڈرائیور نے خود کو زخمی کر لیا
—فائل فوٹوکراچی کے علاقے اسٹیل ٹاؤن میں چالان ہونے پر ایک رکشہ ڈرائیور نے خود کو زخمی کر لیا۔
علاقہ پولیس کے مطابق پولیس اہلکار زخمی رکشہ ڈرائیور کو تھانے لے گئے ہیں۔
ٹریفک پولیس کا اس حوالے سے کہنا ہے کہ رکشہ ڈرائیور کا چالان زیادہ سواریاں بٹھانے پر کیا گیا تھا۔
مردان میں2گروپوں میں تصادم، 4 افراد جاں بحق، 2 زخمی