پاکستان کے نوجوان ہمارے لئے ایک چیلنج کے ساتھ ساتھ ایک عظیم موقع بھی ہیں : وزیراعظم
اشاعت کی تاریخ: 27th, March 2025 GMT
وزیراعظم محمد شہبا زشریف نے کہا ہے کہ نوجوان ہمارے لئے ایک چیلنج کے ساتھ ساتھ ایک عظیم موقع بھی ہیں، نوجوانو ں کو آئی ٹی ، مصنوعی ذہانت اور پیشہ وارانہ تربیت دی جائے تو یہ ملک کا عظیم سرمایہ بنیں گے،نوجوانوں کو تربیت اور جدید ٹیکنالوجی کی فراہمی پرسرمایہ کاری کریں تو پاکستان چند سالوں میں سب سے زیادہ ترقی یافتہ ملک بن جائے گا،مقروض زندگی کو وقار کی زندگی میں بدلنا ہے،۔ میری دعا ہے کہ آئی ایم ایف کاموجود ہ پروگرام ملکی تاریخ کا آخری پروگرام ہو ۔ جمعرات کو ان خیالات کا اظہار وزیراعظم نے پرائم منسٹرز ڈیجیٹل یوتھ ہَب کے اجراء کی تقریب سے خطاب کرتےہوئے کیا ۔اس موقع پر وفاقی وزیر اطلاعات و نشریات عطا اللہ تارڑ، وزیرامور کشمیر و گلگت بلتستان امیر مقام ، وفاقی وزیر انفارمیشن ٹیکنالوجی شزہ فاطمی خواجی بھی موجود تھیں۔وزیراعظم محمد شہبا زشریف نے کہا کہ آج کا دن ایک منفرد خوشی کادن ہے۔ جس زمانے میں مصنوعی ذہانت کا کسی کو علم نہیں تھا اس زمانے میں بطور وزیر اعلیٰ پنجاب تعلیم، صحت اور نوجوانوں کے لئے ترجیحی اقدامات کئے، پنجاب میں 2011 سے 2018 تک میرٹ کی بنیاد پر 4 لاکھ لیپ ٹاپ ہونہار طلبا و طالبات میں مفت تقسیم کئے گئے۔ نوجوانو ں کو آئی ٹی ، مصنوعی ذہانت اور پیشہ وارانہ تربیت دی جائے تو یہ ملک کا عظیم سرمایہ بنیں گے۔ آ ج کی دنیا جدید ترین ٹیکنالوجی کے استعما ل کی متقاضی ہے۔ پاکستان کے نوجوان ہمارے لئے ایک چیلنج کے ساتھ ساتھ ایک عظیم موقع بھی ہیں ۔ وزیراعظم نے کہا کہ اللہ تعالیٰ نے پاکستان کو قدرتی نعمتوں سے مالامال کر رکھا ہے۔ اگر مختلف ممالک کو قدرتی وسائل کی نعمت میسر ہے تو کروڑوں نوجوان پاکستان کا سرمایہ ہیں۔ اگر آزاد کشمیر ، گلگت بلتستان سمیت پورے ملک کے کروڑوں نوجوانوں کو تربیت اور جدید ٹیکنالوجی کی فراہمی پرسرمایہ کاری کریں تو پاکستان چند سالوں میں سب سے زیادہ ترقی یافتہ ملک بن جائے گا۔ اس کے لئے ہمیں بہت محنت کرنا ہوگی۔ رانا مشہود احمدخان کو پروڈکٹو ایمپلائمنٹ کا ٹاسک دیاگیا ہے تاکہ نوجوانوں کو زرعی اور صنعتی شعبوں ،آئی ٹی ہائوسز ، یونیورسٹیوں اور ٹیکنیکل سنٹرز میں بہترین تربیت دلانے کے بعد ملازمت دلوائیں۔ وزیراعظم نے کہا کہ ہم اپنے اخراجات کم کردیں گے لیکن پاکستان کے نوجوانوں کو بہترین تربیت کی فراہمی یقینی بنائیں گے۔ ہمارے ٹریننگ سنٹرز میں بہترین ٹرینر زآنے چاہئیں۔ نوجوان ہمارا اثاثہ ہیں ، انہیں بہترین ہنر سے بہرہ مند کریں گے۔ ہنر مند نوجوانوں کے ذریعے ملک کا مستقبل شاندار بنائیں گے۔ وزیراعظم نے کہاکہ اس پورٹل کے ذریعے صوبوں کے ساتھ مل کر وسائل کی فراہمی یقینی بنائی جائے گی۔ وزیراعظم نے کہاکہ 77 سال میں ہمارے قرضے بہت بڑھ گئے ہیں۔ میری دعا ہے کہ آئی ایم ایف کاموجود ہ پروگرام ملکی تاریخ کا آخری پروگرام ہو کیونکہ آئی ایم ایف کے پروگراموں سے قومیں ترقی نہیں کرتیں بلکہ معاشی اشاریوں کو مستحکم کوکیا جا سکتا ہے اور یہ استحکام پاکستان میں آگیا ہے۔ انہوں نے کہا کہ آئی ایم ایف کے ساتھ سٹاف لیول معاہدہ ہو گیا ہے ۔ آئی ایم ایف کے بورڈ آف گورنر کے مئی میں ہونےوالے اجلاس میں ایک ارب ڈالر کی اگلی قسط کی منظوری ہو جائے گی۔ نوجوانوں نے اس قرضے کی زندگی کو وقار کی زندگی میں بدلنا ہے۔ کسانوں ، صنعتکاروں اور نوجوانوں کومعاشی طورپر مضبوط بنانا ہوگا۔ میں آخری دم تک آپ کے حقوق کی جنگ لڑتا رہوں گا اور آخری حد تک قوم کو قرضوں سے نجات دلائوں گا۔ خادم بن کر پاکستان کی خدمت کرتارہوں گا۔ ہمیں قرضوں سے نجات پانے کے لئے اپنی پیداوار اور برآمدات میں اضافہ کرنا ہوگا۔ اربوں کھربوں روپے کے مقدمات عدالتوں اور ٹربیونلز میں زیر سماعت ہیں۔ صرف سندھ ہائی کورٹ سے ایک حکم امتناعی خارج ہونے سے 23 ارب روپے قومی خزانے میں جمع ہوئے ، اسی طرح لاہور ہائی کورٹ نے بھی 11 ارب روپے کے کیس کا حکم امتناعی خارج کیا ۔ انشااللہ دن رات محنت کر کے پاکستان کو اپنے پائوں پر کھڑا کریں گے۔ قبل ازیں تقریب سے خطاب کرتےہوئے وزیراعظم یوتھ پروگرام کے چیئرمین رانا مشہود احمدخان نے کہا کہ معاشرہ تب ہی آگے بڑھتا ہے جب میرٹ کو ترجیح دی جاتی ہے۔ پاکستان میں یہ اپنی نوعیت کا پہلا پورٹل ہو گا۔ وزیراعظم نے معیشت کو درست سمت میں ڈالا ۔ قوم کی تشکیل نو کا آغاز ہونے جا رہا ہے۔ ڈیجیٹل ہب سے نوجوان سکالرشپ ، کھیل ،آئی ٹی ، سیاحت ، گرین اکانومی سمیت دیگر شعبوں میں استفادہ کر سکیں گے۔ شہباز شریف وہ لیڈر ہیں جو نوجوانوں کو ہر میدان میں بااختیار بنانا چاہتے ہیں۔ تقریب سے خطاب کرتےہوئے یونیسیف پاکستان کی آفیسر انچارج شرمیلا رسول نے کہا کہ یہ ڈیجیٹل ہب مواقع سے بھرپور ہے۔ پاکستان کے نوجوان باصلاحیت ہیں۔ پاکستان ایک مضبو ط ملک بن کر ابھرے گا۔ نوجوانوں کو بااختیار بنانے کے لئے موثر اقدامات اور بنیادی اصلاحات ناگزیر ہیں۔تقریب سے خطاب کرتےہوئے گلوبل سیمی کنڈکٹر گروپ کے چیئرمین نوید شیروانی نے کہا کہ دنیا تیزی سے تبدیل ہو رہی ہے اور مصنوعی ذہانت جدید ٹیکنالوجی کا رجحان تیزی سے فروغ پا رہا ہے۔ نوجوانوں کو سازگار ماحول فراہم کرنے کی ضرورت ہے۔ پاکستان کے ہر شہری کے پاس مساوی مواقع ہونے چاہئیں۔ اقوام متحدہ کے ریذیڈنٹ کوآرڈینیٹر محمد یحیٰ نے کہا کہ ڈیجیٹل یوتھ ہب پلیٹ فارم کو نوجوانوں کی صلاحیتوں کو اجاگر کرنے کے لئے تیار کیا گیا ہے۔یوتھ ہب لیڈر شپ پروگرامز اور ماحولیاتی تحفظ کے اقدامات سمیت بے شمار مواقع کی فراہمی کا ذریعہ بنے گا۔ یہ پاکستان کی نئی نسل کے لئے ایک لانچنگ پیڈ ہے۔ پاکستان نوجوانوں کا ملک ہے 64 فیصد آبادی 30 سال سے کم افراد پر مشتمل ہے۔یہ نوجوان تبدیلی کی قوت او ر ترقی کا ذریعہ ہیں۔ ڈیجیٹل یوتھ ہب پاکستان کو خوشحال ، مضبوط اور پاکستان کو ترقی یافتہ بنانے کے سفر کا آغاز ہے۔یہ محض ایک ویب سائٹ یا ایپ نہیں بلکہ ایک مکمل ایکو سسٹم ہے۔
.ذریعہ: Nawaiwaqt
کلیدی لفظ: پاکستان کے نوجوان وزیراعظم نے کہا مصنوعی ذہانت نوجوانوں کو آئی ایم ایف پاکستان کو کی فراہمی نے کہا کہ کے ساتھ کے لئے آئی ٹی
پڑھیں:
پاکستان کسی وڈیرے، جاگیردار، جرنیل، حکمران کا نہیں، حافظ نعیم
ایسے نظام نہیں چلنے دیں گے،نوجوانوں کی مدد سے ملک پر مسلط ظلم وجبر کے نظام کوتبدیل کریں گے
حکمران طبقے کے اقدامات مایوسی پھیلا رہے ہیں، بلوچستان کی ترقی پاکستان کی ترقی ہے،خطاب
امیر جماعت اسلامی پاکستان حافظ نعیم الرحمن نے کہا ہے کہ ہم جاگیرداری اور وڈیرہ شاہی نظام نہیں چلنے دیں گے ۔ پاکستان کسی وڈیرے، جاگیردار، جرنیل اور حکمران کا نہیں۔ کوئی سردار وڈیرا اور سرمایہ دار جماعت اسلامی کے کارکن کو غلام نہیں بنا سکتا۔حکمران تعلیم کی راہ میں روڑے اٹکانے کی بجائے ایک نظام ایک کتاب اور ایک نصاب کے لئے ہمیں سہولتیں مہیا کریں۔بلوچستان ترقی کرے گا تو پاکستان بھی آگے بڑھے گا۔ بلوچستان کے عوام اور نوجوان تعلیم اور روز گارمانگتے ہیں تو یہ ان کا بنیادی حق ہے۔ارباب اختیار کے اقدامات نوجوانوں کو مایوس کررہے ہیں۔ ان خیالات کا اظہار انہوں نے جعفر آباد میں بنو قابل پروگرام کے تحت مفت آئی ٹی کورسز کے طلباء و طالبات سے خطاب کرتے ہوئے کیا۔امیر جماعت اسلامی بلوچستان و رکن صوبائی اسمبلی مولانا ہدایت الرحمن ، جعفر آباد سے رکن اسمبلی عبد المجید بادینی، پروفیسر محمد ایوب منصور، صدر الخدمت فاؤنڈیشن بلوچستان عرفان احمد ابڑو اور دیگر نے بھی انٹری ٹیسٹ کے شرکاء سے خطاب کیا۔امیر جماعت اسلامی نے کہا کہ لوگوں کو روز گار اور تعلیم سے محروم رکھ کر ترقی کے خوابوں کی تعبیر نہیں مل سکتی۔جس ملک کے 32فیصد نوجوان بے روز گار ہوں وہ کیسے ترقی کرے گا۔ہمارا مطالبہ ہے کہ نوجوانوں کو تعلیم دی جائے اور ان کے لئے آگے بڑھنے کے مواقع مہیا کئے جائیں۔ پاکستان کے دیگر علاقوں کی طرح بلوچستان کے صحراؤں میں بھی معیاری تعلیم کے ادارے ہونے چاہئیں۔ نوجوانوں کو روشن مستقبل دکھاؤ اور ان کے لئے کچھ کروگے تو یہ آپ کے دست و باز و بنیں گے۔ جماعت اسلامی الخدمت کے پلیٹ فارم سے معیاری اور جدید تعلیم مفت دے رہی ہے۔ ہم تعلیم کے فروغ کی تحریک لے کر چل رہے ہیں۔ حافظ نعیم الرحمن نے کہا کہ جماعت اسلامی بغیر اختیار اور اقتدار کے قوم کی خدمت کررہی ہے۔نوجوان اس قوم اور ملک کی اصل طاقت ہیں۔ جس قوم کے پاس تعلیم سے محبت کرنے والے نوجوان ہوں اسے ترقی اور خوشحالی میں آگے بڑھنے سے کوئی نہیں روک سکتا۔حکمرانوں نے نا صرف قوم بلکہ کروڑوں نوجوانوں کو مایوس کیا اور انہیں تعلیم اور روز گار سے محروم رکھا۔ ہم نوجوانوں کومفت آئی ٹی کورسزکرانے کے ساتھ ساتھ ڈگری پروگرامز کی بھی سکالرشپس لائیں گے۔ بلوچستان کے نوجوان بیٹوں اور بیٹیوں کو گھریلو دستکاریوں اور چھوٹی صنعتوں کے الخدمت فاؤنڈیشن بلا سود قرضے دے گی تاکہ وہ محنت کریں اور اپنے خاندانوں کی عزت و وقار کے ساتھ کفالت کرسکیں۔اچھی کارکردگی کا مظاہرہ کرنے والوں کو بیرون ملک بھی سکالرشپس دلوائیں گے۔ میرا نوجوانوں سے وعدہ ہے کہ آپ جہاں تک پڑھنا چاہیں الخدمت آپ کو پڑھائے گی۔ انہوں نے کہا کہ بلوچستان کے ہزاروں نوجوانوں کا یہ اجتماع اس بات کا اعلان ہے کہ وہ پڑھنا اور آگے بڑھنا چاہتے ہیں۔ان کا عزم ہے کہ علم کی شمع سے اس ملک کو منور کریں گے۔انہوں نے نوجوانوں کو 23 نومبر کو لاہور مینار پاکستان اجتماع عام میں شرکت کی دعوت دی اور کہا کہ یہ انقلابی اجتماع ملک کے مستقبل کا فیصلہ کرے گا۔یہ اجتماع بد ل دو نظام کے نعرے کی بنیاد پر ہورہا ہے۔ہم نے نوجوانوں کی مدد سے ملک پر مسلط ظلم و جبر کے اس نظام کوتبدیل کرنا ہے۔ حافظ نعیم الرحمن نے کہا کہ حکومت چند ہزار دیکر سمجھتی ہے کہ اس نے غریبوں کو کھانے کو دے دیا۔ 13ہزار کی امداد دے کر آپ کس طرح ایک خاندان کی کفالت کرسکتے ہیں۔ پڑھے لکھے نوجوان بر سر روز گار آئیں گے تو اپنے خاندانوں کی عزت و وقار سے کفالت کرسکیں گے۔
پاکستان اور بنگلا دیش کا معاشی تعلقات مضبوط بنانے اور براہ راست پروازیں بحال کرنے پر اتفاق