وزیراعظم کا امیر قطر، عمان، تاجک اور مصر کے صدور کو ٹیلی فون ،دوطرفہ تعلقات کو مزید مستحکم کرنے کیلئے آئندہ کے لائحہ عمل پر تبادلہ خیال
اشاعت کی تاریخ: 30th, March 2025 GMT
وزیراعظم کا امیر قطر، عمان، تاجک اور مصر کے صدور کو ٹیلی فون ،دوطرفہ تعلقات کو مزید مستحکم کرنے کیلئے آئندہ کے لائحہ عمل پر تبادلہ خیال WhatsAppFacebookTwitter 0 30 March, 2025 سب نیوز
اسلام آباد (آئی پی ایس )وزیراعظم شہباز شریف نے امیر قطر، عمان، تاجکستان اور مصر کے صدور سے الگ الگ ٹیلی فونک رابطے کیے اور انہیں عید الفطر کی مبارکباد دیتے ہوئے نیک خواہشات کا اظہار کیا اور اور دورہ پاکستان کی دعوت دی جبکہ ان رابطوں کے دوران انہوں نے دوست برادر اسلامی ممالک کے ساتھ تعلقات کو نئی بلندیوں تک لے جانے اور سرمایہ کاری سمیت مختلف شعبوں میں تعاون کی نئی راہیں تلاش کرنے کے اپنے مشن کو آگے بڑھایا۔
وزیراعظم شہبازشریف نے مصر کے صدر عبدالفتاح السیسی سے گفتگو میں مصری قیادت، حکومت اور عوام کے لیے نیک خواہشات کا اظہار کیا اور امن و ترقی کے لیے دعا کی۔مصری صدر نے بھی وزیرِ اعظم کو عید الفطر کی مبارکباد دی اور پاکستانی عوام کے لیے نیک خواہشات کا اظہار کیا کہا کہ عید کے بعد مصر کی وزارت صحت کا اعلی سطح وفد پاکستان کا دورہ کرے گا۔وزیراعظم شہبازشریف نے قطر کے امیر شیخ تمیم بن حمدالثانی سے ٹیلیفون پر گفتگو کرتے ہوئے انہیں عیدالفطر کے پرمسرت موقع پر دلی مبارکباد پیش کی۔
دونوں رہنماں نے سیاسی، اقتصادی، اور ثقافتی سمیت تمام شعبوں میں دوطرفہ تعاون کو مزید فروغ دینے کے عزم کا اعادہ کیا۔وزیرِاعظم نے پاکستان قطر کے مابین دیرینہ تعلقات کی تاریخ پر لاہور میں ایک نمائش کے انعقاد کی تجویز دی جس کا امیر قطر نے خیر مقدم کیا، شہباز شریف نے قطر کے امیر کو دورہ پاکستان کی دعوت بھی دی۔عمان کے سلطان ہیثم بن طارق سے بات چیت میں شہباز شریف نے دوطرفہ تجارت، سرمایہ کاری، توانائی، آئی ٹی اور دفاع سمیت دیگر شعبوں میں تعاون بڑھانے کی خواہش ظاہر کی اور سلطان کو پاکستان کے دورے کی دعوت دی۔سلطان ہیثم نے پاکستانی عوام کے لیے نیک تمناوں کا اظہار کیا۔اسی طرح تاجکستان کے صدر امام علی رحمان سے رابطے کے دوران وزیراعظم نے تاجک عوام کی سلامتی، خوشحالی اور ترقی کے لیے نیک خواہشات کا اظہار کیا۔
دونوں رہنماوں نے دوطرفہ تعلقات کو مزید مستحکم کرنے کے لیے آئندہ کے لائحہ عمل پر تبادلہ خیال کیا۔شہباز شریف نے کرغز-تاجک سرحد کی حد بندی سے متعلق حالیہ معاہدے پر صدر تاجکستان کو مبارکباد دی اور انہیں بھی پاکستان کے دورے کی دعوت دی۔وزیراعظم نے ان رابطوں کے ذریعے تینوں رہنماوں کے ساتھ دوطرفہ تعلقات کو مضبوط بنانے اور سرمایہ کا ری سمیت مختلف شعبوں میں تعاون بڑھانے کے عزم کا اعادہ کیا جس سے پاکستان کے سفارتی اور معاشی اہداف کو تقویت ملنے کی توقع ہے۔
.ذریعہ: Daily Sub News
کلیدی لفظ: دوطرفہ تعلقات کو کو مزید مصر کے
پڑھیں:
پاک ،سعودی عرب دفاعی معاہدہ دوطرفہ تعلقات میں اہم سنگ میل ہے،نوازشریف
لندن(طارق محمودسمیر)وزیراعظم محمدشہبازشریف سعودی عرب کے تاریخی دورے کے بعدبرطانیہ کے چارروزہ دورے پرلندن پہنچ گئے ہیں،لندن سے قبل انہوں نے جنیوامیں مختصرقیام کیاجہاں سابق وزیراعظم اور مسلم لیگ ن کے صدر میاں نوازشریف سے اہم ملاقات کی ،تفصیلات کےمطابق وزیراعظم شہبازشریف،جوگزشتہ روز ایک روزہ اہم دورے پر سعودی عرب گئے تھے اور سعودی ولی عہد سے اہم ملاقات کے بعد پاکستان اور سعودی عرب کے درمیان سٹریٹجک دفاعی معاہدے پر دستخط بھی کئے ،ذرائع کے مطابق جنیوامیں اپنامیڈیکل چیک اپ کرارہے ہیں،شہبازشریف نے اپنے بڑے بھائی کی عیادت بھی کی اس موقع پران کے ہمراہ نائب وزیراعظم اور وزیرخارجہ اسحاق ڈار ،وزیراطلاعات ونشریات عطاء اللہ تارڑبھی موجودتھے،وزیراعظم نے نوازشریف کوسعودی عرب کے ساتھ ہونے والے دفاعی معاہدے اور ولی عہدمحمدبن سلمان سے ہونے والی ملاقات پر بریف کیا،ذرائع کاکہناہے کہ نوازشریف نے پاکستان اور سعودی عرب کے سٹریٹجک دفاعی معاہدے کو تاریخی اوردوطرفہ تعلقات میں اہم سنگ میل قراردے دیاہےاور کہاہے کہ یہ معاہدہ دونوں ممالک کے درمیان مثالی اور قریبی تعلقات کو مزیدمستحکم کرنے میں اہم کرداراداکرے گا،نوازشریف نے کہاکہ سعودی عرب پاکستان کا قریبی دوست ہے،1998میں جب پاکستان نے بھارت کے ایٹمی دھماکوں کے جواب میں اپنے دفاع میں ایٹمی تجربات کئے تھے تو اس وقت مغرب نے اقتصادی پابندیاں لگائیں لیکن سعودی حکومت نے پاکستان کی مددکی جس پر ہم ان کے شکرگزارہیں،ذرائع کاکہناہے کہ اس ملاقات میں دیگراہم امورپربھی مختصربات چیت کی گئی نوازشریف بھی جلدجنیواسے لندن پہنچ جائیں گے اور شہبازشریف امریکہ جانے سے پہلے ایک بارپھرنوازشریف سے ملاقات کریں گے ،علاوہ ازیں لندن میں وزیراعظم شہبازشریف چارروزقیام کریں گے ،اوورسیزپاکستانیوں کے ایک کنونشن سے بھی خطاب کریں گے جس کی تیاریاں شروع کردی گئی ہیں اس کے علاوہ لندن میں دیگراہم ملاقاتیں بھی متوقع ہیں۔
Post Views: 6
سونے کی قیمت نئی بلند ترین سطح پر پہنچ گئی