ایران عراق کے ساتھ معاہدوں پر عمل درآمد کے لئے پرعزم ہے، ڈاکٹر مسعود پزشکیان
اشاعت کی تاریخ: 1st, April 2025 GMT
ایران کے صدر ساتھ ایک ٹیلیفونی بات چیت کے دوران عراقی وزیراعظم کا کہنا تھا کہ عراق ایران کے ساتھ اقتصادی اور سیاسی تعاون کو وسعت دینے کے لیے پرعزم ہے۔ انہوں نے مزید اس اعتماد کا اظہار کیا کہ راہبر معظم انقلاب کی قیادت میں ایران تمام چیلنجوں کا مقابلہ کرے گا اور عراق کسی بھی بیرونی دباؤ کے مقابلے میں اپنے اسٹریٹیجک پارٹنر کے ساتھ ہمیشہ کھڑا رہے گا۔ اسلام ٹائمز۔ ایرانی صدر نے عراقی وزیراعظم کے ساتھ ایک ٹیلی فونک بات چیت کے دوران دشمن کی سازشوں کو ناکام بنانے کے لئے عراق کے ساتھ تعلقات کو مضبوط بنانے کے لئے تہران کے عزم کا اعادہ کیا۔ موصولہ اطلاعات کے مطابق، ایران کے صدر ڈاکٹر مسعود پزشکیان نے عراقی وزیراعظم محمد شیاع السودانی کے ساتھ ایک ٹیلیفونی بات چیت کے دوران عراقی حکومت اور عوام کو عیدالفطر کی مبارکباد پیش کی۔ انہوں نے کہا ایران عراق کے ساتھ اپنے تمام معاہدوں کو عملی جامہ پہنانے کے لیے پرعزم ہے تاکہ خطے میں انتشار پھیلانے کی دشمن کی سازشوں کو ناکام بنایا جاسکے۔
اس موقع پر عراقی وزیراعظم نے ایران کی قیادت اور عوام کو عیدالفطر کی مبارکباد دیتے ہوئے مسلم اقوام کے درمیان وسیع اتحاد کی امید کا اظہار کیا۔شیاع السودانی نے کہا کہ خطے میں استحکام برقرار رکھنے کے لیے ایران اور عراق کے درمیان شراکت داری کو مضبوط کرنا ضروری ہے۔ انہوں نے مزید کہا کہ بیرونی خطرات کا مقابلہ کرنے کے لیے ایران اور عراق کی قوموں کے درمیان اتحاد کو مزید مضبوط ہونا چاہیے۔
عراقی وزیراعظم نے کہا کہ عراق ایران کے ساتھ اقتصادی اور سیاسی تعاون کو وسعت دینے کے لیے پرعزم ہے۔ انہوں نے مزید اس اعتماد کا اظہار کیا کہ رہبر معظم انقلاب کی قیادت میں ایران تمام چیلنجوں کا مقابلہ کرے گا اور عراق کسی بھی بیرونی دباؤ کے مقابلے میں اپنے اسٹریٹیجک پارٹنر کے ساتھ ہمیشہ کھڑا رہے گا۔
ذریعہ: Islam Times
کلیدی لفظ: ایران کے پرعزم ہے انہوں نے اور عراق کے ساتھ عراق کے کے لیے
پڑھیں:
ایران امریکا ڈیل بہت مشکل ہے لیکن برابری کی بنیاد پر ہوسکتی ہے
data-id="863a0a8" data-element_type="widget" data-widget_type="theme-post-content.default">
اسلام آباد ( میاں منیر احمد) کیا امریکا اور ایران کے درمیان ڈیل ممکن ہے؟ جسارت کے سوال کے جواب میں سیاسی رہنمائوں اور تجزیہ کاروں نے کہا ہے کہ ایران امریکا کے ساتھ برابری کی بنیاد پر مذاکرات کے لیے تیار ہوسکتا ہے‘ پاکستان مسلم لیگ(ض) کے صدر رکن قومی اسمبلی محمد اعجاز الحق نے کہا کہ ایران کے وزیر خارجہ کہہ چکے ہیں کہ ان کا ملک امریکا سے برابری کی سطح پر مذاکرات کے لیے تیار ہے۔ ایران نے سفارتکاری سے کبھی انکار نہیں کیا،مذاکرات کے ذریعے امریکا کو مناسب حل دے سکتا ہے‘ایران نے یورپی ممالک کو منصفانہ اور متوازن جوہری تجویز پیش کی ہے‘ ایران کی لیڈر شپ کہہ چکی ہے امریکا کے ساتھ ہونے والے آئندہ مذاکرات باہمی احترام کے ساتھ کیے جاسکتے ہیں جس میں کوئی ملک کم یا زیادہ اہمیت پر نہیں شامل ہوگا۔ ایرانی قوم کے بنیادی حقوق پر کسی قسم کا کوئی سمجھوتا نہیں ہوگا اور نہ کسی کے دباؤ میں آئے گا‘ قومی اسمبلی کے سابق دائریکٹر جنرل طارق بھٹی نے کہا کہ آج کل دونوں کے درمیان کوئی ڈیل ہونا مشکل ہے۔ میرے خیال میں 1980 سے ان کے کوئی سفارتی تعلقات نہیں ہیں۔اگر ایران لبنان میں حزب اللہ کی حمایت بند کر دے تو اسرائیل کے لیے یہ واحد خطرہ ہو سکتا ہے۔ٹرمپ اس وقت اسرائیل کو تسلیم کرنے کے لیے سعودی سمیت عرب ممالک کے ساتھ مل کر کام کر رہے ہیں۔مستقبل میں کچھ بھی ہوا۔ تو دیکھتے ہیں ٹرمپ انتظامیہ اس میں کہاں کامیاب ہوتی ہے یا نہیں۔اسرائیل کی مستقبل کی حکمت عملی پر بھی انحصار کرتا ہے کہ آیا وہ فلسطین میں خاص طور پر غزہ میں امن قائم کرنے اور بین الاقوامی افواج کی تعیناتی کی اجازت دیتا ہے۔اگر ایسا ہوتا ہے تو موقع مل سکتا ہے۔تو آئیے انتظار کریں اور دیکھیں۔ تجزیہ کار رضا عباس نے کہا کہ موجودہ صورت حال میں باالکل بھی ایسا نظر نہیں آرہا مگر یہ کہ ایران کا ولایت فقیہ کا نظام تبدیل کردیا جائے‘ تجزیہ کار اعجاز احمد نے کہا کہ ایران نے یورپی ممالک کو ایک منصفانہ اور متوازن جوہری تجویز پیش کی ہے۔ یہ تجویز ناصرف حقیقی خدشات کو دور کرے گی بلکہ فریقین کے لیے باہمی طور پر فائدہ مند بھی ثابت ہوگی۔ بزنس کمیونیٹی کے ممبر اور اسلام آباد چیمبر آف کامرس اینڈ انڈسٹریز کے سینئر ممبر اسرار الحق مشوانی نے کہا کہ ایران نے ایرانی جوہری تنصیبات پر کی گئی غیر قانونی بمباری کے باوجود انٹرنیشنل اٹامک انرجی ایجنسی IAEA کے ساتھ نیا معاہدہ کیا ہے جو تعاون کے ایک نئے باب کا آغاز ہے۔
بھارتی ریفائنریز نے روسی تیل کی خریداری کے آرڈرز روک دیے