سستی بجلی، ترقی کی راہ ہموار، روزگار ملے گا: سیاسی رہنما
اشاعت کی تاریخ: 4th, April 2025 GMT
اسلام آباد؍ لاہور (اپنے سٹاف رپورٹر سے+ خبر نگار+ کامرس رپورٹر) وزیر مملکت برائے ریلوے بلال اظہر کیانی نے کہا ہے کہ وزیراعظم محمد شہباز شریف نے معیشت کی بحالی کیلئے اپنے دانشمندانہ اقدامات سے قوم کو بجلی کی قیمتیں کم کرنے کا جو تحفہ دیا ہے اس پر قوم انہیں خراج تحسین پیش کرتی ہے۔ فروری2024ء میں جب انہوں نے حکومت سنبھالی تو معیشت انتہائی بری حالت میں تھی، پاور سیکٹر تباہ حال تھا، شہباز شریف نے معیشت کو اس کے پاؤں پر لا کھڑا کیا جو قوم و ملک کیلئے بہت بڑی کامیابی ہے۔ انہوں نے ان خیالات کا اظہار نوائے وقت سے گفتگو کرتے ہوئے کیا، انہوں نے کہا بجلی سستی کرنا وزیراعظم کا بہت بڑا کارنامہ ہے، پہلے مہنگائی سے عوام کو نجات دلائی اور اسے سنگل ڈیجٹ پر لائے۔ سپیکر قومی اسمبلی سردار ایاز صادق نے وزیراعظم شہباز شریف کی طرف سے بجلی کی قیمتوں میں بڑی کمی کا خیر مقدم کیا ہے۔ انہوں نے کہا وزیراعظم اور ان کی ٹیم کا ایک تاریخی عوامی فیصلہ ہے، اس فیصلے سے تمام صارفین کو بلا امتیاز فائدہ پہنچے گا۔ ڈاکٹر فاروق ستار نے کہا ہے کہ وزیراعظم کی جانب سے بجلی کی قیمتوں میں مناسب کمی کا خیر مقدم کرتے ہیں۔ حکومت کی جانب سے یہ پہلی بڑی سہولت فراہم کی گئی ہے جس پر وزیراعظم کے مشکور ہیں۔ بجلی کی قیمتوں میں کمی کے حوالے سے ایم کیو ایم کی کوششیں قابل تحسین ہیں۔ ایم کیو ایم روز اول سے وزیراعظم سے اس معاملے پر ملاقاتیں کرتی رہی۔ صوبائی وزیر صنعت و تجارت چوہدری شافع حسین نے کہا ہے کہ صنعتوں کیلئے بھی بجلی کی قیمتوں میں کمی کا اعلان خوش آئند ہے۔ انڈسٹری فروغ پائے روزگار کے مواقع بڑھیں گے۔راولپنڈی سے سٹاف رپورٹر کے مطابق وزیر ریلوے نے بجلی قیمتوں میں کمی پر وزیراعظم کا شکریہ ادا کیا۔ حنیف عباسی نے کہا کہ بجلی کے یونٹ سستے ہونے سے عوام کو ریلیف ملے گا۔ اسلام آبادسے نمائندہ خصوصی کے مطابق وفاقی وزیر فوڈ سکیورٹی رانا تنویر حسین نے کہا کہ اعلان عوام کیلئے ایک بہترین تحفہ ہے۔ وزیراعظم کا اعلان عوام سے کئے گئے وعدوں کی تکمیل ہے۔
.ذریعہ: Nawaiwaqt
کلیدی لفظ: بجلی کی قیمتوں میں انہوں نے نے کہا
پڑھیں:
فلسطینیوں پر انسانیت سوز مظالم کیخلاف آواز اٹھاتے رہیں گے: وزیراعظم
اسلام آباد (اپنے سٹاف رپورٹر سے) وزیرِ اعظم محمد شہباز شریف نے کہا ہے کہ ٹیکس بیس میں اضافے اور غیر رسمی معیشت کے خاتمے سے ہی عام آدمی کیلئے ٹیکس میں کمی کے ہدف کا حصول ممکن ہوگا۔ ایف بی آر کی جاری اصلاحات کے ثمرات کی بدولت معیشت مثبت سمت میں گامزن ہے۔ صرف ڈیجیٹائزیشن ہی نہیں، نئے نظام کو تقویت دینے کیلئے پورا ڈیجیٹل ایکو سسٹم بنایا جائے،خام مال کی تیاری و درآمد، مصنوعات کی مینوفیکچرنگ اور صارف کی خریداری تک کے تمام ڈیٹا کو ایک ہی سسٹم سے منسلک کیا جائے۔ہفتہ کو وزیر اعظم آفس کے میڈیا ونگ سے جاری بیان کے مطابق وزیرِ اعظم محمد شہباز شریف کی زیر صدارت ایف بی آر کی جاری اصلاحات پر جائزہ اجلاس منعقد ہوا۔ وزیر اعظم نے اس موقع پر ایف بی آر میں جدید اور عالمی معیار کے ڈیجیٹل ایکو سسٹم کی تشکیل کی منظوری، عالمی شہرت یافتہ ماہرین کی خدمات لینے کی ہدایت کرتے ہوئے کہاکہ ایف بی آر کی جاری اصلاحات کے ثمرات کی بدولت معیشت مثبت سمت میں گامزن ہے۔ نظام کو اس قدر مؤثر بنایا جائے کہ پوری ویلیو چین کی براہ راست ڈیجیٹل نگرانی کی جاسکے، نظام کے تحت جمع شدہ مرکزی ڈیٹا کو معاشی سٹریٹجک فیصلہ سازی کیلئے استعمال کیا جائے۔ علاوہ ازیں وزیرِاعظم شہباز شریف نے بیرون ملک مقیم پاکستانیوں کی ترسیلات زر پاکستان بھیجنے کی سہولت سکیم کو جاری رکھنے کا فیصلہ کرتے ہوئے کہا ہے کہ بیرون ملک مقیم پاکستانی ہماری طاقت اور پاکستان کا قیمتی اثاثہ ہیں، بیرون ملک مقیم پاکستانیوں کی خون پسینے سے کمائی ترسیلات زر پاکستان کی ترقی میں اپنا اہم کردار ادا کرتی ہیں جسے مجھ سمیت پوری قوم قدر کی نگاہ سے دیکھتی ہے۔ وزیرِ اعظم نے وزارت خزانہ کو ترجیحی بنیادوں پر ورکرز رمیٹنس انسینٹنوو سکیم کیلئے فوری طور پر فنڈ جاری کرنے کی ہدایت کرتے ہوئے کہا کہ مالی سال 2025ء میں بیرون ملک مقیم پاکستانیوں نے تاریخ کی بلند ترین 38.3 ارب ڈالر کی ترسیلات زر بھیج کر 14 برس میں پہلی بار کرنٹ اکاؤنٹ سرپلس کے ہدف کے حصول میں کلیدی کردار ادا کیا۔ ان ترسیلات زر سے نہ صرف بڑھتے ہوئے درآمدی بل کی ادائیگی بلکہ زر مبادلہ کے ذخائر میں اضافے میں بھی معاونت ملی۔ دریں اثناء وزیراعظم محمد شہباز شریف سے امیر مرکزی جمعیت اہل حدیث سینیٹر حافظ عبدالکریم نے ملاقات کی۔ وزیر اعظم نے حافظ عبدالکریم کو حالیہ سینٹ الیکشن میں کامیابی پر مبارکباد پیش کرتے ہوئے کہا کہ پر امید ہوں کہ آپ اپنی مذہبی و سیاسی فکر کی روشنی میں قانون سازی میں مؤثر کردار ادا کریں گے۔سینیٹر حافظ عبدالکریم نے مسلم لیگ ن کی جانب سے سینٹ الیکشن میں ان پر اعتماد کیلئے وزیراعظم کا شکریہ ادا کیا۔علاوہ ازیں وزیراعظم شہباز شریف اور حافظ نعیم کے درمیان ٹیلی فونک رابطہ ہوا ہے۔ وزیراعظم آفس کے مطابق دونوں رہنماؤں نے غزہ میں نہتے فلسطینیوں پر جاری اسرائیلی بربریت پر گہری تشویش کا اظہار کیا۔ وزیراعظم نے اسرائیل کی غزہ میں فلسطینیوں کی امداد کی ترسیل کی بندش کی شدید الفاظ میں مذمت کی اور غزہ میں دن بدن بڑھتے انسانیت سوز صیہونی مظالم کی بھی بھرپور مذمت کی۔ انہوں نے کہا کہ پاکستان غزہ میں اشیائے خوردو نوش کی ترسیل بحال کرنے کی ہر سطح پر سفارتی کوششیں جاری رکھے گا اور صیہونی ظلم و جبر کے شکار نہتے فلسطینیوں کی سفارتی اور اخلاقی مدد جاری رکھے گا۔ پاکستان فلسطینیوں پر انسانیت سوز مظالم کے خلاف آواز اٹھاتا رہے گا۔ الخدمت فاؤنڈیشن نے بھی غزہ میں امدادی سامان کی ترسیل یقینی بنائی۔ حافظ نعیم نے حماس کے رہنما خالد مشعل کا پیغام وزیراعظم شہباز شریف کو پہنچایا۔ حافظ نعیم نے کہا کہ فلسطینی رہنماؤں نے مجھ سے رابطہ کیا۔ فلسطینی رہنماؤں نے وزیراعظم سے جنگ بندی میں کردار ادا کرنے کی اپیل کی ہے اور اپیل کی ہے کہ غذائی امداد کی فراہمی کیلئے بھی وزیراعظم قائدانہ کردار ادا کریں۔ فلسطینی اور پورا عالم اسلام پاکستان اور اس کی قیادت سے بڑی امیدیں رکھتے ہیں۔
ٹک ٹاک اکاؤنٹ ڈیلیٹ کرنے سے انکار پر باپ نے بیٹی کو قتل کر دیا