بونیر: شہری کے قتل کا ڈراپ سین، منگیتر قاتل نکلی، آشنا کی مدد سے ابرار کو قتل کروایا
اشاعت کی تاریخ: 5th, April 2025 GMT
بونیر کے رہائشی کے قتل کا ڈراپ سین ہوگیا ،قاتل اور کوئی نہیں بلکہ اپنی منگیتر نکلی جس نے ساتھی کی مدد سے ابرار کو قتل کروایا۔
واقعہ سوشل میڈیا پر وائرل ہوا جس پر ایس پی کینٹ ڈویژن اعتزاز عارف کی ہدایات پر ڈی ایس پی پشتخرہ سرکل محمد اشفاق خان کی نگرانی میں ایس ایچ او تھانہ تاتارا کیڈٹ قمر شہزاد، تفتیشی افسران اور لیڈیز پولیس کے ہمراہ اہم کاروائی کے دوران بونیر کے جواں سالہ رہائشی شہری کے اندھا قتل میں ملوث ملزمان کو ایک ہفتہ کے اندر اندر بے نقاب کردیا۔
مقتول ابرار ولد بہرام کے قتل میں اپنی ہی منگیتر ملوث نکلی، جس نے ساتھی ظہیر ولد رمیز کے ساتھ منصوبہ بندی کے تحت راستے سے ہٹانے کا منصوبہ بنایا جس پر ملزم نے ایک ہفتہ قبل 27 مارچ کو تھانہ تاتارا کی حدود میں فائرنگ کرکے قتل کردیا تھا۔
دوران تفتیش مقتول کے رشتہ داروں، گھر کے افراد، دیگر تعلق داروں اور منگیتر کو شامل تفتیش کیا گیا، دوران مقتول کے منگیتر کے متضاد بیانات کو مدنظر رکھتے ہوئے مزید انٹاروگیٹ کرنے کا فیصلہ کیا گیا۔
اصل حقائق سے پردہ چاک کرتے ہوئے اپنے منگیتر مقتول ابرار کو ساتھی ظہیر کے ذریعے قتل کرنے کا انکشاف کیا، جبکہ پولیس ٹیم نے دیگر ملزم ظہیر کو بھی گرفتار کرلیا، مقتول کی منگیتر کے مطابق ظہیر کے ساتھ دوستانہ تعلقات تھے، جبکہ ملزمہ مقدعی مقدمہ کی بیٹی ہونے کے ساتھ مقتول کی چچا زاد بھی ہے جوکہ اس رشتہ سے ناخوش تھی، جس کے قبضے سے اسلحہ آلہ قتل اور واردات میں استعمال ہونے والی گاڑی بھی پولیس تحویل میں لے لی گئی ہے، جبکہ خاتون ملزمہ کو مزید تفتیش کی خاطر وومن پولیس سٹیشن منتقل کردیا گیا، ملزمان سے مزید تفتیش جاری ہے
تفصیلات کے مطابق مورخہ 27 مارچ کو مدعی محبت خان ولد عبد الحمید نے تھانہ تاتارا پولیس کو اپنے بھتیجا ابرار کے قتل کی نامعلوم ملزم یا ملزمان کے خلاف رپورٹ کی تھی، جس پر قتل کا مقدمہ درج کرکے مختلف پہلوؤں پر جامع تفتیش شروع کردی گئی تھی،ایس پی کینٹ ڈویژن اعتزاز عارف* نے اندھا قتل کا سختی سے نوٹس لیتے ہوئے ملوث ملزم یا ملزمان کا سراغ لگانے اور گرفتاری کیلئے ڈی ایس پی پشتخرہ سرکل محمد اشفاق خان، ایس ایچ او تھانہ تاتارا کیڈٹ قمر شہزاد اور تفتیشی افسران پر مشتمل خصوصی ٹیم تشکیل دے دی گئی
خصوصی ٹیم نے جدید سائنسی خطوط اور ٹیکنیکل بنیادوں پر مختلف پہلوؤں پر جامع تفتیش کے دوران متعدد مشکوک افراد کو شامل تفتیش کیا گیا جبکہ قتل کے متعلق اصل حقائق جاننے اور ملوث ملزم یا ملزمان کو گرفتار کرنے کی خاطر گھر کے افراد، رشتہ داروں، دیگر تعلق داروں سمیت مقتول کی منگیتر کو شامل تفتیش کیا۔
خصوصی ٹیم نے لیڈیز پولیس کے ہمراہ مقتول کی منگیتر مسماۃ (س) بی بی دختر محبت خان کو مزید انٹاروگیٹ کرنے کا فیصلہ کیا گیا، جس نے اصل حقائق سے پردہ چاک کرتے ہوئے اپنے منگیتر ابرار کو اپنے ساتھی ظہیر کے ذریعے قتل کرنے کا انکشاف کیا۔
پولیس ٹیم نے دیگر ملزم ظہیر ولد رمیز کو بھی گرفتار کرلیا، جس کے قبضے سے اسلحہ آلہ قتل اور واردات میں استعمال ہونے والی گاڑی بھی پولیس تحویل میں لے لی گئی ہے، جبکہ خاتون ملزمہ کو مزید تفتیش کی خاطر وومن پولیس سٹیشن منتقل کردیا گیا، ملزمان سے مزید تفتیش جاری ہے۔
.
ذریعہ
ذریعہ: Express News
کلیدی لفظ: مزید تفتیش مقتول کی ابرار کو تفتیش کی کرنے کا کیا گیا ایس پی قتل کا کے قتل ٹیم نے
پڑھیں:
راولپنڈی: ہولی فیملی اسپتال میں مبینہ غفلت، نومولود بچی کا انگوٹھا کٹ گیا، مقدمہ درج
---فائل فوٹوراولپنڈی کے ہولی فیملی اسپتال میں مبینہ طبی غفلت کے باعث نومولود بچی کا انگوٹھا کٹ گیا، جس پر پولیس نے مقدمہ درج کر کے تحقیقات شروع کر دیں۔
پولیس کے مطابق تھانہ نیو ٹاؤن میں بچی کے والد کی مدعیت میں مقدمہ درج کیا گیا ہے۔
ایف آئی آر کے متن کے مطابق ڈاکٹرز نے اہل خانہ کو بتایا کہ نرس سے غلطی کے باعث بچی کا انگوٹھا کٹ گیا۔
راولپنڈی کے ہولی فیملی اسپتال سے اغوا کئے گئے نوزائیدہ بچے کو سائنٹیفک ٹیکنالوجی اور ہیومن انٹیلی جنس کی مدد سے بازیاب کرالیا گیا۔
ایف آئی آر میں کہا گیا ہے کہ اسپتال انتظامیہ نے واقعے کی انکوائری کرانے کی یقین دہانی کرائی، تاہم تاحال اہلِ خانہ کو حقائق سے آگاہ نہیں کیا گیا۔
ایف آئی آر کے مطابق میڈیکو لیگل رپورٹ میں بھی نومولود بچی کا انگوٹھا ضائع ہونے کی تصدیق کی گئی ہے۔
پولیس کا کہنا ہے کہ متاثرہ بچی کو سانس لینے میں دشواری کے باعث ہولی فیملی اسپتال کی نرسری میں داخل کیا گیا تھا، پولیس نے واقعے کی تحقیقات کا آغاز کر دیا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع