مصطفیٰ عامر قتل کیس؛ گرفتار ملزم ارمغان کے سہولت کار بے نقاب
اشاعت کی تاریخ: 5th, April 2025 GMT
کراچی:
مصطفیٰ عامر قتل کیس کی تفتیش کے دوران گرفتار ملزم ارمغان کے گرد گھیرا مزید تنگ کردیا گیا ہے اور اس کے سہولت کار بھی بے نقاب ہوگئے ہیں۔
ایکسپریس نیوز کو ذرائع نے بتایا کہ ملزم ارمغان کے گرد گھیرا مزید تنگ ہو گیا ہے اور تفتیش میں انکشاف ہوا ہے کہ ارمغان کے دو روپوش ذاتی ملازمین رحیم بخش اور عبدالرحیم صرف ملازم ہی نہیں بلکہ ان کے مالیاتی پردہ پوشی کا اہم حصہ تھے۔
ذرائع کے مطابق یہ دونوں افراد ارمغان کے ذاتی ملازم تھے جن کا آبائی تعلق بہاولپور سے ہے، مگر اب وہ ایف آئی اے کو تفتیش کے لیے مطلوب ہیں۔
ایکسپریس نیوز نے ان دونوں کی تصاویر بھی حاصل کر لی ہیں، جن سے ان کی شناخت مزید واضح ہو گئی ہے۔
تفتیشی حکام کا کہنا ہے کہ ان دونوں افراد کے نام پر مجموعی طور پر 6 سمیں رجسٹرڈ پائی گئیں، جن میں سے ایک سم ارمغان خود استعمال کر رہا تھا۔
انہوں نے بتایا کہ حیرت انگیز طور پر رحیم بخش کے نام پر موجود ایک نمبر پر "سپریم فنانشل ایسوسی ایٹس" کے نام سے واٹس ایپ اکاؤنٹ بنایا گیا، جس سے مشتبہ کاروباری رابطوں کا سراغ ملا ہے۔
تفتیشی حکام نے بتایا کہ ارمغان نے دونوں ملازمین کے نام پر نہ صرف بینک اکاؤنٹس کھلوائے بلکہ ان اکاؤنٹس کو ذاتی استعمال میں بھی رکھا، تفتیشی ادارے ارمغان اور اس کے مالیاتی نیٹ ورک کے مزید رازوں کی کھوج لگا رہے ہیں۔
.ذریعہ: Express News
پڑھیں:
7 سالہ بچی کے ساتھ جنسی زیادتی کی کوشش کرنے والا ملزم گرفتار،
7 سالہ بچی کے ساتھ زیادتی کی کوشش کرنے والا ملزم گرفتار کرلیا گیا۔
رپورٹ کے مطابق ایس پی کینٹ کی ہدایت پر غازی آباد پولیس نے 15 کی کال پر فوری ایکشن لیا۔
ایس پی کینٹ کیپٹن ریٹائرڈ قاضی علی رضا نے بتایا کہ 7 سالہ بچی کے ساتھ زیادتی کی کوشش کرنے والا ملزم ریاض گرفتار کرلیا گیا۔
بچی گھر سے باہر گلی میں کریانہ اسٹور پر سرف لینے گئی تھی تو اسٹور والے ملزم ریاض نے بچی کو ورغلا پھسلا کر بچی کے ساتھ زیادتی کرنے کی کوشش کی۔
ایس پی کینٹ نے کہا کہ متاثرہ بچی کے والد عابد کھوکھر کی مدعیت میں نامزد ملزم ریاض کے خلاف فوری مقدمہ درج کرلیا گیا۔
کیرالہ، متنازعہ وقف ترمیمی ایکٹ کے خلاف زبردست احتجاجی مظاہرہ