لاپتہ لیڈیز عربی فلم برقعہ سٹی کا چربہ ہے؟ ہدایتکار بول پڑے
اشاعت کی تاریخ: 7th, April 2025 GMT
سعودی فلم ’برقع سٹی‘ کے ہدایتکار فیبریس براک کا کہنا ہے کہ وہ بھارتی فلم ’لاپتہ لیڈیز‘ کی کہانی اور ان کی سن 2019 کی عربی شارٹ فلم برقع سٹی کی مماثلت پر بےحد حیران ہیں۔
گزشتہ کئی دنوں سے وشل میڈیا پر یہ بحث چل رہی ہے کہ بالی ووڈ کی فلم لاپتہ لیڈیز ایک عربی شارٹ فلم کا چربہ ہے۔ صارفین نے اس عربی فلم ’برقع سٹی‘ کا ایک مختصر کلپ بھی سوشل میڈیا پر شیئر کیا، جس میں دونوں فلموں کی کہانیوں میں مماثلت کی نشاندہی بھی کی گئی ہے۔
تاہم بھارتی میڈیا کے مطابق کرن راؤ کی ’لاپتہ لیڈیز‘ کی کہانی لکھنے والے بپلب گوسوامی نے فلم کی کہانی چوری کرنے اور اس کی کاپی بنانے کے دعوؤں کو مسترد کر دیا۔ یہاں یہ بات قابل ذکر ہے کہ 2024 میں ریلیز ہونے والی یہ فلم بالی ووڈ کی جانب سے باضابطہ طور پر اکیڈمی ایوارڈز کیلئے بھیجی گئی تھی تاہم یہ اس لسٹ میں شامل نہیں ہوسکی۔
View this post on InstagramA post shared by BollywoodShaadis.
اب عربی فلم برقعہ سٹی کے ہدایتکار نے آئی ایف پی کو ایک انٹرویو دیا ہے جس میں انہوں نے بتایا کہ وہ تین اپریل تک ’لاپتہ لیڈیز‘ کے بارے میں نہیں جانتے تھے۔
انہوں نے کہا کہ ’جب مجھے پتہ چلا تو میں بےحد حیران ہوا اور غمگین بھی ہوا، خاص طور پر تب جب مجھے معلوم ہوا کہ یہ فلم بھارت میں بہت کامیاب رہی ہے اور آسکر کے لیے بھی بھیجی گئی تھی۔‘
ان کا کہنا تھا کہ وہ اپنی شارٹ فلم کو فیچر فلم بنانے کے بارے میں سوچ رہے تھے مگر اب انہیں نہیں معلوم کہ وہ ایسا کر سکیں گے یا نہیں۔
فیبریس براک کا کہنا تھا کہ وہ فلم دیکھنے سے پہلے ہی اس کی کہانی کے بارے میں جان کر حیران رہ گئے تھے کیونکہ وہ بلکل برقعہ سٹی سے مماثلت رکھتی تھی۔ انہوں نے مزید کہا کہ اس کہانی کو بھارتی ثقافت میں ڈھال کر پیش کیا گیا تاہم کہانی فلم ان کی شارٹ فلم کی طرح تھی۔
ان کا کہنا تھا کہ وہ ’لاپتہ لیڈیز‘ کی پروڈکشن ٹیم سے بات کرنا چاہتے ہیں۔ تاہم لاپتہ لیڈیز کے مصنف بپلب گوسوامی نے اپنے آفیشل انسٹاگرام پیج پر ایک پوسٹ کرتے ہوئے ان تمام الزامات کو ’جھوٹ‘ پر مبنی قرار دے دیا۔
انہوں نے اپنی پوسٹ میں لکھا کہ انہوں نے 3 جولائی 2014 کو اسکرین رائٹرز ایسوسی ایشن کے پاس فلم کو ’ٹو برائیڈز‘ کا ٹائٹل دے کر کہانی کا خاکہ پیش کرتے ہوئے موجودہ فلم ’لاپتہ لیڈیز‘ کی تفصیلی کہانی رجسٹر کرائی تھی۔
بپلب گوسوامی کا کہنا ہے کہ انہوں نے کسی کی فلم کا آئیڈیا چوری نہیں کیا ہے۔
ذریعہ
ذریعہ: Express News
کلیدی لفظ: کی کہانی شارٹ فلم انہوں نے کا کہنا
پڑھیں:
ایس سی او اجلاس: اسحاق ڈار کا علاقائی امن اور تعاون کے فروغ کے عزم کا اعادہ
نائب وزیراعظم و وزیر خارجہ سینیٹر محمد اسحاق ڈار نے کرغز جمہوریہ کے خوبصورت شہر چولپون آتا میں شنگھائی تعاون تنظیم (ایس سی او) کی کونسل برائے وزرائے خارجہ کے اجلاس میں شرکت کرتے ہوئے علاقائی امن، استحکام، رابطہ کاری اور مشترکہ ترقی کے لیے پاکستان کے غیر متزلزل عزم کا اعادہ کیا۔
دفتر خارجہ کے مطابق سینیٹر اسحاق ڈار نے اجلاس کی میزبانی پر کرغز قیادت اور وزیر خارجہ ژین بیک کولوبایف کا شکریہ ادا کرتے ہوئے شاندار انتظامات کو سراہا۔
https://x.com/ForeignOfficePk/status/2080577745026007042
اپنے خطاب میں نائب وزیراعظم نے شنگھائی تعاون تنظیم کے قیام کی 25ویں سالگرہ پر رکن ممالک کو مبارکباد پیش کی اور کہا کہ ایس سی او گزشتہ پچیس برس کے دوران خطے میں امن، سلامتی، خوشحالی اور پائیدار ترقی کے فروغ کے لیے اہم کردار ادا کر رہی ہے۔ انہوں نے کہا کہ پاکستان ’شنگھائی اسپرٹ‘ کے اصولوں پر مکمل یقین رکھتا ہے اور رکن ممالک کے درمیان تعاون، روابط اور مشترکہ ترقی کے فروغ کے لیے اپنی بھرپور حمایت جاری رکھے گا۔
اسحاق ڈار نے علاقائی امن کے لیے پاکستان کی سفارتی کوششوں کا بھی ذکر کیا، جن میں اسلام آباد مذاکرات اور اس کے نتیجے میں طے پانے والا اسلام آباد مفاہمتی یادداشت شامل ہیں۔ انہوں نے کہا کہ یہ اقدامات پاکستان کے مذاکرات اور سفارت کاری کے ذریعے تنازعات کے حل پر یقین کی عکاسی کرتے ہیں۔
یہ بھی پڑھیںمسئلہ کشمیر کا منصفانہ حل جنوبی ایشیا میں پائیدار امن کی بنیاد ہے، اسحاق ڈار کا آسیان فورم سے خطاب
انہوں نے اجلاس میں شریک وزرائے خارجہ کا شکریہ ادا کیا، جنہوں نے خطے اور اس سے باہر امن و استحکام کے فروغ کے لیے پاکستان کی مخلصانہ کوششوں کو سراہا۔
وزیر خارجہ نے اس موقع پر اعلان کیا کہ پاکستان ستمبر 2026 میں شنگھائی تعاون تنظیم کی کونسل آف ہیڈز آف اسٹیٹ کی سربراہی سنبھالنے کے لیے تیار ہے۔ انہوں نے تمام رکن ممالک کو 2027 میں پاکستان میں منعقد ہونے والے ایس سی او سربراہی اجلاس میں شرکت کی دعوت بھی دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت سے جنگ اور افغانستان میں کارروائی خارج ازامکان نہیں، وزیردفاع