امریکی ٹیرف : پاکستانی اور عالمی سٹاک مارکیٹیں پھر کریش: پیچھے ہٹوں گانہ امریکی گھبرائیں ٹرمپ

اشاعت کی تاریخ: 8th, April 2025 GMT

اسلام آباد؍ واشنگٹن/ کراچی (نوائے وقت رپورٹ + کامرس رپورٹر) امریکہ کی جانب سے پاکستانی مصنوعات پر 29 فیصد ٹیرف عائد کرنے کے معاملے پر ٹرمپ انتظامیہ سے مذاکرات کے لیے حکمت عملی تیار کرنے پر کام شروع کر دیا گیا۔ اس حوالے سے وزیر تجارت جام کمال خان کی زیر صدارت وزارت تجارت میں اہم اجلاس ہوا جس میں اضافی ٹیرف کے ممکنہ اثرات پر غور کیا گیا۔ حکومت اضافی امریکی ٹیرف پر ٹرمپ انتظامیہ سے بات چیت کرے گی جس کا مقصد ٹیرف میں ممکنہ کمی کی راہ ہموار کرنا ہے۔ ذرائع کے مطابق وزیر تجارت جام کمال خان کی زیرصدارت اہم اجلاس ہوا جس میں پچاس سے زیادہ مختلف کاروباری نمائندوں، بڑے تاجروں، درآمد اور برآمد کنندگان سمیت مختلف سٹیک ہولڈرز شریک تھے۔ اجلاس میں نئے امریکی ٹیرف کے خاص طور پر پاکستانی ٹیکسٹائل برآمدات پر ممکنہ منفی اثرات کے سدباب کا جائزہ لیا گیا۔ ٹرمپ ٹیرف اور عالمی تجارتی جنگ کے خدشات پر عالمی سٹاک منڈیوں میں بھونچال آ گیا۔ عالمی سٹاک مارکیٹس نئے ہفتے کے آغاز پر پھر کریش کر گئیں۔ جاپان کا نکئی انڈیکس 9 فیصد نیچے آگیا۔ ٹوکیو 8 فیصد مندی اور ہانگ کانگ کے ہینگ سینگ میں 8 فیصد گراوٹ ہوئی۔ جنوبی کوریا میں شدید مندی کے خدشات پر ٹریڈنگ عارضی طور پر روک دی گئی جبکہ آسٹریلین سٹاک مارکیٹ میں 160 ارب ڈالرز کا خسارہ ہوا جہاں ٹریڈنگ شروع ہونے کے 15 منٹ میں بنچ مارک ایس اینڈ پی 6 فیصد نیچے آ گیا۔ امریکی ٹیرف میں اضافے اور تیل کی قیمتوں میں کمی کے عرب ملکوں پر اثرات پڑ رہے ہیں اور سعودی سٹاک مارکیٹ میں 500 ارب ریال کا نقصان ہوا۔ اس کے علاوہ قطر، کویت، مسقط اور بحرین کی سٹاک مارکیٹوں میں بھی گراوٹ دیکھی گئی۔ خلیجی سٹاک مارکیٹوں میں مئی 2020ء کے بعد سب سے بڑی کمی ریکارڈ کی گئی ہے۔ گزشتہ روز عالمی منڈی میں تیل کے نرخ مزید 4 فیصد کم ہو گئے۔ عالمی منڈی میں خام تیل کی قیمتیں 5 سال کی کم ترین سطح پر آ گئیں۔ تین روز میں خام تیل کی قیمت میں 13.

5 فیصد کمی ریکارڈ کی گئی۔ ادھر امریکی صدر ڈونلڈ ٹرمپ نے کہا ہے کہ جان بوجھ کر سٹاک مارکیٹ میں اتار چڑھاؤ پیدا نہیں کیا۔ تجارتی خسارہ نہیں چاہتا، ٹیرف سے پیچھے نہیں ہٹوں گا، جب تک دیگر ممالک اپنے تجارتی حجم کو امریکہ کے برابر نہیں کر دیتے۔ صدر ڈونلڈ ٹرمپ نے میڈیا سے گفتگوکرتے ہوئے کہا کہ امریکا کی گزشتہ بے وقوف قیادت کو دنیا نے بری طرح استعمال کیا، کسی چیز کو درست کرنے کیلئے دوا لینا پڑتی ہے، ٹیرف سے اربوں ڈالر امریکا لارہے ہیں۔ سٹاک مارکیٹ کے مستقبل سے متعلق کچھ نہیں کہہ سکتا، چین کے ساتھ تجارتی خسارہ حل کئے بغیر مذاکرات نہیں ہو سکتے، ٹیرف کے حوالے سے یورپی اور ایشیائی ممالک کے رہنمائوں سے بات چیت ہوئی ہے۔ صدر ٹرمپ نے کہا کہ ان کی یورپی، ایشیائی اور دنیا بھر کے رہنمائوں سے بات ہوئی ہے اور وہ ڈیل کرنے کے لیے تیار ہیں۔ انہوں نے تمام ممالک کے رہنمائوں کو باور کروا دیا ہے کہ امریکہ کسی ملک کی طرف سے تجارتی خسارہ نہیں چاہتا۔ ہم ایسا نہیں کریں گے۔ میرے خیال میں خسارہ ہونا نقصان ہے۔ ہم سرپلس کو ترجیح دیں گے اور بدترین صورتحال میں (تجارتی حجم) برابر رکھیں گے۔ امریکی صدر ٹرمپ نے سوشل میڈیا پر امریکیوں کیلئے پیغام میں کہا ہے کہ امریکہ کے پاس کچھ ایسا کرنے کا موقع ہے جو دہائیوں پہلے ہو جانا چاہئے تھا۔ کمزور مت ہو، بے وقوف مت بنو، گھبراہٹ کے شکار افراد میں شامل نہ ہوں۔ دنیا بھر کے ممالک ہم سے رابطہ کر رہے ہیں سخت لیکن منصفانہ پیرا میٹرز طے کئے جا رہے ہیں۔ صبح جاپانی وزیراعظم سے بات کی، جاپان مذاکرات کیلئے اعلیٰ سطحی ٹیم بھیج رہا ہے۔ جاپان نے تجارت پر امریکہ کے ساتھ بہت برا سلوک کیا۔ جاپان ہماری کاریں نہیں خریدتا لیکن ہم ان کی لاکھوں کاریں خریدتے ہیں۔ پاکستان سٹاک ایکسچینج میں نئے کاروباری ہفتے کے پہلے روز پیر کو کاروبار کے ابتدائی سیشن سے ہی شدید مندی کا رجحان غالب رہا، ایک موقع پر 100 انڈیکس میں 8686 پوائنٹس کی کمی ریکارڈ کی گئی جو کہ پوائنٹس کے اعتبار سے سب سے بڑی انٹرا ڈے کمی تھی اور اس کمی کے سبب انڈیکس ایک موقع پر110103پوائنٹس تک بھی آگیا تاہم بعد ازاں مارکیٹ میں ٹریڈنگ کے دوران نقصان کا 50 فیصد سے زائد حصہ بحال ہو گیا۔ پاکستان سٹاک ایکس چینج میں پیر کو ہونے والی بدترین مندی نے سرمایہ کاروں کے ہوش اڑا دیئے اور مارکیٹ کریش کر گئی۔ ماہرین نے کہا کہ پوائنٹس کے لحاظ سے یہ انٹرا ڈے میں سب سے بڑی گراوٹ ہے۔ ٹریڈنگ کے دوران مارکیٹ 5 فیصد گرنے کے بعد کاروباری عمل معطل کر دیا گیا۔کاروباری عمل 60 منٹ یعنی صبح 11 بجکر 58 منٹ سے دوپہر 12 بجکر 58 منٹ تک معطل کیا گیا۔ٹرمپ نے چین کی جانب سے امریکہ پر 34 فیصد جوابی ٹیرف عائد کئے جانے پر شدید ردعمل دیا اور دھمکی دی اگر چین نے کل تک اضافہ واپس نہ لیا تو 9 اپریل سے چین پر 50 فیصد اضافی ٹیرف لگا دوں گا۔ سوشل میڈیا پلیٹ فارم ٹروتھ پر بیان میں کہا اس معاملے پر مذاکرات بھی ختم کر دئیے جائیں گے۔

ذریعہ

ذریعہ: Nawaiwaqt

کلیدی لفظ: سٹاک مارکیٹ امریکی ٹیرف مارکیٹ میں سے بات

پڑھیں:

آبنائے ہرمز بحالی پر بھی ایران سے پابندیاں نہیں ہٹائینگے: مارکوروبیو

امریکی سیکریٹری خارجہ مارکو روبیو کا کہنا ہے کہ امریکہ اور ایران کے درمیان مذاکرات میں ایرانی ’جوہری پروگرام (Irani atomic programme)کے وہ پہلو بھی شامل ہیں، جس کا وہ (ایران) ایک مہینے یا سال قبل تک ذکر کرنے سے بھی انکار کر رہا تھا۔‘

امریکی وزیر خارجہ کا کہنا ہے کہ اسلامی جمہوریہ کے سپریم لیڈر مجتبیٰ خامنہ ای نہ صرف زندہ ہیں بلکہ بظاہر تیزی سے سرگرم بھی ہو رہے ہیں۔

مارکو روبیو نے سینیٹ کی خارجہ تعلقات کمیٹی کو بتایا کہ ’میرے خیال میں اس بات کے آثار ہیں کہ وہ کسی نہ کسی سطح پر بڑھتا ہوا کردار ادا کر رہے ہیں۔

ایرانی ٹیلی ویژن کے مطابق، مجتبیٰ خامنہ ای کو 20 مارچ کے بعد سے عوامی سطح پر نہیں دیکھا گیا۔

وہ امریکی اور اسرائیلی حملوں کی پہلی لہر میں زخمی ہوئے تھے۔ ان کے والد علی خامنہ ای بھی اسی حملے میں مارے گئے تھے۔

مزید پڑھیں:عید تعطیلات کے بعد کاروباری اوقات کار پھر تبدیل کردئیے گئے

اسلامی جمہوریہ کے سپریم لیڈر کے دفتر میں بین الاقوامی امور کے نائب نے ایک ماہ قبل کہا تھا کہ مجتبیٰ خامنہ ای کی صحت بالکل ٹھیک ہے اور وہ ’معاملات کے انتظام میں مصروف‘ ہیں۔

امریکی ٹیرف : پاکستانی اور عالمی سٹاک مارکیٹیں پھر کریش: پیچھے ہٹوں گانہ امریکی گھبرائیں ٹرمپ

آبنائے ہرمز بحالی پر بھی ایران سے پابندیاں نہیں ہٹائینگے: مارکوروبیو

متعلقہ مضامین

روزانہ کی خبریں

سب سے زیادہ دورہ کیا

کلیدی لفظ

آخری خبر