کپل شرما کے کیفے پر گولیاں چل گئیں
اشاعت کی تاریخ: 10th, July 2025 GMT
ٹورنٹو(انٹرنیشنل ڈیسک)ٹورنٹو میں معروف بھارتی کامیڈین کپل شرما کے نئے کھلنے والے کیفے پر فائرنگ کے واقعے نے نہ صرف مقامی کمیونٹی بلکہ عالمی سطح پر ان کے مداحوں کو بھی پریشان کر دیا ہے۔ واقعہ اُس وقت پیش آیا جب کیفے کو عوام کے لیے کھلے ہوئے ابھی چند ہی دن گزرے تھے۔
پولیس رپورٹ کے مطابق نامعلوم افراد نے کیفے پر اچانک فائرنگ کر دی، جس سے عمارت کو نقصان پہنچا تاہم خوش قسمتی سے کسی شخص کو کوئی جسمانی نقصان نہیں ہوا۔ سکیورٹی اداروں نے فوری کارروائی کرتے ہوئے علاقے کو گھیرے میں لے لیا اور شواہد اکٹھے کیے۔ ابتدائی تفصیلات کے مطابق، جائے وقوعہ سے کم از کم نو گولیوں کے خول ملے ہیں۔
ذرائع کے مطابق، حملے کے پیچھے کسی منظم گروہ کا ہاتھ ہونے کا شبہ ظاہر کیا جا رہا ہے۔ کچھ رپورٹس میں خدشہ ظاہر کیا جا رہا ہے کہ یہ کارروائی مبینہ طور پر خالصتانی عناصر یا لدّی گینگ کی جانب سے کی گئی ہو سکتی ہے، جس کا تعلق ایک کالعدم تنظیم سے جوڑا جا رہا ہے۔
پولیس اور تحقیقاتی ادارے واقعے کی مکمل جانچ میں مصروف ہیں اور قریبی علاقوں کی سی سی ٹی وی فوٹیج کا جائزہ لیا جا رہا ہے تاکہ حملہ آوروں کو شناخت کیا جا سکے۔ اب تک کپل شرما کی جانب سے اس افسوسناک واقعے پر کوئی باضابطہ ردعمل سامنے نہیں آیا۔
کینیڈا میں موجود بھارتی کمیونٹی اور شوبز سے تعلق رکھنے والے افراد نے اس واقعے پر شدید تحفظات کا اظہار کیا ہے، اور سکیورٹی اقدامات مزید سخت کرنے کا مطالبہ کیا ہے۔ مداحوں کی بڑی تعداد کپل شرما کی خیریت کے لیے دعاگو ہے اور امید کر رہی ہے کہ مجرموں کو جلد قانون کے کٹہرے میں لایا جائے گا۔
مزید پڑھیں:دیوان فاروق موٹرز کا نیا سنگ میل: 300 کلومیٹر رینج والی الیکٹرک گاڑیوں کی تیاری کا آغاز
ذریعہ: Daily Ausaf
پڑھیں:
حیدرآباد:حیسکو کی بجلی چوروں کیخلاف کارروائیاں شروع
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)حیسکو چیف فیض اللہ ڈاہری اور ڈائریکٹر ایس اینڈ آئی اعجاز شیخ کی ہدایت پر ایس ڈی او گل رحمن گاڑی کھاتہ سب ڈویژن کے علاقوں میں بجلی چوروں کے خلاف بڑی کارروائی، متعدد کنکشنز میں چوری اور بے ضابطگیاں بے نقاب۔تفصیلات کے مطابق حیسکو چیف فیض اللہ ڈاہری اور ڈائریکٹر ایس اینڈ آئی اعجاز شیخ کی ہدایات پر بجلی چوروں کے خلاف شکنجہ مزید سخت کر دیا گیا۔ گاڑی کھاتا سب ڈویژن کی حدود میں واقع اقرا سینٹر پلازہ، سحر ہائٹس پلازہ اور فرحان سینٹر پلازہ پر ڈائریکٹر سرویلنس کی ٹیم نے زبردست اور مثر کارروائی کرتے ہوئے مجموعی طور پر 37 گھریلو و کمرشل کنکشنز میں بجلی چوری و بیضابطگیاں بے نقاب کر دیں۔تفصیلات کے مطابق:سحر ہائٹس پلازہ میں19 میٹرز برنٹ یا ڈائریکٹ لائن پر چل رہے تھے جن میں سے 12 لائنیں ”چینج اوور سسٹم/ڈپلیکیٹ سپلائی” کے طور پر استعمال ہو رہی تھیں (18 گھریلو، 01 کمرشل)۔02 میٹرز کی ڈسپلے خراب پائی گئی اقرا سینٹر پلازہ میں06 پی وی سی لائنیں براہِ راست بغیر میٹر چل رہی تھیں۔02 کنکشنز پر سیلف کنٹرول سسٹم لگا پایا گیا۔01 ڈیجیٹل میٹر مکمل طور پر رکا ہوا تھا۔فرحان سینٹر پلازہ میں06 لائنیں براہِ راست بغیر میٹر کے چل رہی تھیں۔01 ڈیجیٹل میٹر بند پایا گیا۔حیسکو ذرائع کے مطابق ان تمام مقامات پر تفصیلی رپورٹس مرتب کر لی گئی ہیں اور متعلقہ صارفین کے خلاف قانونی کارروائی کا آغاز کیا جا رہا ہے۔
دیرینہ شراکت داری بہت اہم:وزیراعظم ٹرمپ کو یوم آزادی پر مبارکباد ‘امید ہے عالمی تنازعات حل ہونگے: وزیر داخلہ