امریکی کمپنیاں پاکستان میں معدنیات کے شعبے سے استفادہ کریں، وزیراعظم
اشاعت کی تاریخ: 9th, April 2025 GMT
امریکی کمپنیاں پاکستان میں معدنیات کے شعبے سے استفادہ کریں، وزیراعظم WhatsAppFacebookTwitter 0 9 April, 2025 سب نیوز
اسلام آباد (آئی پی ایس) وزیر اعظم محمد شہباز شریف سے امریکی محکمہ خارجہ کے سینئر بیورو آفیشل اور قائم مقام اسسٹنٹ سیکرٹری برائے ساؤتھ اینڈ سینٹرل ایشین افیئرز، ایرک میئر کی قیادت میں امریکی وفد نے ملاقات کی۔ یہ وفد پاکستان منرلز انوسٹمنٹ فورم میں شرکت کے سلسلے میں پاکستان کے دورے پر ہے۔
وزیر اعظم نے فورم میں امریکی شرکت کا خیر مقدم کرتے ہوئے کہا کہ پاکستان کے معدنیات کے شعبے میں بے پناہ استعداد موجود ہے اور امریکی کمپنیوں کو اس شعبے میں سرمایہ کاری کے مواقع سے فائدہ اٹھانا چاہیے۔
ملاقات میں دوطرفہ تعلقات اور علاقائی امن و سلامتی کے امور پر بھی گفتگو ہوئی۔ وزیر اعظم نے کہا کہ پاکستان امریکا کے ساتھ دوطرفہ تعلقات کو مضبوط بنانے کے لیے پُرعزم ہے اور صدر ٹرمپ اور ان کی انتظامیہ کے ساتھ قریبی اشتراک کا خواہاں ہے۔
انہوں نے تجارت، سرمایہ کاری اور انسداد دہشت گردی سمیت باہمی دلچسپی کے شعبوں میں تعاون بڑھانے کی اہمیت پر بھی زور دیا۔
امریکی وفد کے سربراہ ایرک میئر نے پاکستان منرلز انوسٹمنٹ فورم کے کامیاب انعقاد پر مبارکباد دی اور کہا کہ امریکی کمپنیاں پاکستان کے معدنیات کے شعبے میں سرمایہ کاری میں دلچسپی رکھتی ہیں۔ انہوں نے مشترکہ مفادات کے امور پر پاکستان کے ساتھ تعاون جاری رکھنے کی خواہش کا اظہار بھی کیا۔
ملاقات میں نائب وزیر اعظم و وزیر خارجہ محمد اسحاق ڈار، وفاقی وزیر برائے اقتصادی امور احد خان چیمہ، وزیر پیٹرولیم علی پرویز ملک، معاون خصوصی طارق فاطمی اور دیگر اعلیٰ حکام بھی موجود تھے۔
.ذریعہ: Daily Sub News
کلیدی لفظ: معدنیات کے شعبے
پڑھیں:
پاکستان آئی ٹی میں خطے کا مرکزی ہَب بن کر ابھرے گا، وزیرِاعظم
وزیرِاعظم محمد شہبازشریف نے کہا ہے کہ پاکستان میں ایسا پائیدار و جدید آئی سی ٹی نظام تشکیل دیا جائے گا جس سے پاکستان خطے میں آئی ٹی شعبے کے حوالے سے مرکزی ہَب بن کر ابھرے گا۔
وزیرِاعظم کی زیر صدارت نوجوانوں کو آئی ٹی شعبے میں تربیت دینے اور پاکستان میں جدید تربیتی پروگرامز کے ایکوسسٹم کی تشکیل سے متعلق اہم اجلاس اسلام آباد میں منعقد ہوا۔ وزیرِاعظم نے کہا کہ مقامی کمپنیوں کو باصلاحیت افرادی قوت کی فراہمی سے بین الاقوامی معیار کے تقاضے پورے کیے جائیں گے اور ملک میں زرمبادلہ بھی آئے گا۔
اجلاس میں بتایا گیا کہ کنسلٹنسی ٹرمز آف ریفرنسز حتمی مراحل میں ہیں اور تربیتی نظام کے آغاز کے لیے واضح مدت مقرر کی جا رہی ہے۔ ہواوے کے تعاون سے اب تک 20 ہزار طلبا و طالبات کو تربیت دی جا چکی ہے، جن میں سے متعدد نے چین سمیت عالمی سطح پر 3 شعبوں میں اعلیٰ پوزیشنز حاصل کیں۔
مزید پڑھیں: اقتصادی سروے: پاکستان نے آئی ٹی، ٹیلی کام، صحت اور تعلیم کے شعبے میں کیا کیا؟
ہائیر ایجوکیشن کمیشن اور ہواوے کے اشتراک سے مزید 80 ہزار طلبا کو تربیت دینے کا ہدف ہے، جبکہ دور دراز علاقوں بشمول بلوچستان اور تربت میں آن لائن کلاسز بھی فراہم کی جائیں گی۔ رواں موسم گرما کی تعطیلات میں 1 لاکھ 46 ہزار بچوں کو سمر کیمپس میں آئی ٹی تربیت دی جائے گی۔
وزیرِاعظم یوتھ پروگرام کے تحت 2 ہزار نوجوانوں کو روزگار کے قابل بنانے کے لیے جدید کورسز کرائے جائیں گے۔ اجلاس میں وفاقی وزرا، چیئرمین ہائیر ایجوکیشن کمیشن، اور دیگر اعلیٰ حکام نے شرکت کی۔ وزیرِاعظم نے تمام اقدامات کی جلد تکمیل اور مؤثر عملدرآمد کی ہدایت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ٹی وزیراعظم محمد شہبازشریف
وفاقی بجٹ عوام دشمن اور معاشی حقائق سے لاعلمی کا عکاس ہے: ظاہر شاہ طورو